Գեղեցկությունն 9-ից մինչև 5-ը

Երբեմն աշխատանքի հասնելու ճանապարհն այնքան հոգնեցուցիչ է, որ այնտեղ հասնելիս մեր տեսքն այնքան էլ գոհացնող չի լինում։ Ի՞նչ կարելի է՝ գրասենյակային ժամերին մշտապես հիասքանչ տեսք և գերազանց ինքնազգացողություն ունենալու համար։

09.00 
Չոր շամպունի քիչ քանակությունը կօգնի հեռացնել ավելորդ յուղը, որը կարող է առաջանալ հասարակական տրանսպորտով երթևեկելիս։ Իսկ եթե մազերդ ունեն էլեկտրականացվելու հակում, քեզ մոտ ունեցիր շիճուկ, որի օգնությամբ հեշտությամբ կազատվես մազերի ցցված ծայրերից և արագ կշտկես արտաքին տեսքդ։

 10.00 
Ողջ օրվա ընթացքում օգտվում ես ստեղնաշարից, ձեռքով ողջունում և պատասխանում զանգերին։ Սա միայն ձեռքերի կիրառման մի հատվածն է։ Դրանց գեղեցիկ ու առողջ տեսքն ապահովելու համար մի մոռացիր օգտագործել հակամանրէային գել և սնուցող քսուք։


11.00
 
Տարածքում օդորակիչն ու կենտրոնական ջեռուցումը վնասում են մաշկը, չորացնում այն և առաջացնում ցան, շերտազատում և փայլի կորուստ։ Պարզ լուծում՝ դեմքի ցողաշիթ, որը խոնավացնում է մաշկը և վերադարձնում դրա առողջ տեսքը, և միաժամանակ, տեսողաբար նեղացնում ծակոտիները։ Ընդ որում դա նաև առույգացնում է։

«Շուրթերիդ տարածիր նախընտրած երանգը և ցողիր սիրված օծանելիքը։ Դու պատրաստ ես»։

12.00
Գրասենյակի օդը ոչ միայն չորացնում է դեմքի մաշկը, այլև  կործանարար ազդեցություն ունի շուրթերի վրա։ Շիի յուղ և մեմրամոմ պարունակող որակյալ բալզամը կկանխարգելի շերտազատումը։ Օրվա ընթացքում այն մի քանի անգամ տարածիր շուրթերին՝ ելնելով անհրաժեշտությունից։

13.00
Լանչից հետո մաստակի օգտագործումը բերանի խոռոչի հիգիենայի լավագույն տարբերակը չէ առնվազն այն պատճառով, որ այն աղճատում է քո պրոֆեսիոնալ տեսքը։ Դրա փոխարեն գրասենյակում ունեցիր ատամի խոզանակ և ատամի մածուկ՝ ճամփորդի ստանդարտ հավաքածու։


14.00

Երբ բացակայում է լվացվելու հնարավորությունը, սակայն անհրաժեշտ է ազատվել տհաճ փայլից, քեզ կօգնեն ներծծող անձեռոցիկները, որոնք կպահպանեն դիմահարդարման առաջնային տեսքը և մաշկից կհեռացնեն ավելորդ փայլը։ Անհրաժեշտ է նաև ունենալ քողարկիչ՝ ծայրահեղ դեպքերում անցանկալի երևույթները քողարկելու համար։


15.00
Մեկ բաժակ սո՞ւրճ։ Ժամը երեքին արդեն քո աչքերն ունենում են հոգնած տեսք, քանի որ ողջ օրվա ընթացքում նայել ես համակարգչի էկրանին։ Սակայն կոֆեինը խմելու փոխարեն կարող ես այն տարածել աչքերի շուրջ մաշկին։ Կոֆեին պարունակող աչքերի շուրջ հատվածի քսուքը անհրաժեշտ է պահպանել սառնարանում (եթե թույլ են տալիս գրասենյակային պայմանները)։ Այսպես այն կլինի առավել արդյունավետ։


16.00
Քչերը կհամարձակվեն կրել ամբողջական դիմահարդարում աշխատանքային օրվա ընթացքում, սակայն եթե քեզ շտապ անհրաժեշտ է շտկել քո արտաքին տեսքը, բավական է անել հետևյալ պարզ քայլերը։ Սկզբում կորացրու թարթիչներդ։ Այնուհետև աչքերի ներսի անկյան վրա տարածիր քողարկիչի փոքր քանակություն։ Նույն քողարկիչը տարածիր նաև այտոսկրերի ուղղությամբ, սա դեմքիդ կհաղորդի թարմ տեսք։

17.00 
Եթե աշխատանքից հետո քեզ սպասում է հաճելի երեկո ընկերական շրջապատում, քեզ հետ գեղարարային պայուսակ ունենալու անհրաժեշտություն չկա․ շուրթերիդ տարածիր շրթներկի նախընտրած երանգը և ցողիր սիրված օծանելիքը։ Դու պատրաստ ես։






Տեքստ Ֆոտո Getty images

Գնել

Նմանատիպ հոդվածներ