- Գլուխը լվանալիս մի՛ տարվիր։ Ներկած մազերը նման են սպունգի. Դրանք ներծծում են և դուրս հանում ջուրը ավելի հեշտ, քան չներկած մազերը, ինչի շնորհիվ դրանց միջից գունակները պարզապես լվացվում են։ Լվանալու ժամանակը քեզ կօգնի կրճատել չլվացվող կոնդիցիոները։
- Մազերը չի՛ կարելի լվանալ չափից շատ տաք ջրով։ Որքան ջուրը տաք է, այնքան ավելի շուտ կկորցնի իր գույնը։
- Օգտագործիր շամպուն և կոնդիցիոներ, որոնք հատուկ մշակված են ներկած մազերի խնամքի համար։ Դրանք պաշտպանում են գույնը՝ թույլ չտալով չափից արագ կորցնել այն։ Շաբաթը մեկ անգամ մազերի դիմակի կիրառումը մազերին կհաղորդի խոնավացում և կպահպանի գույնը։
Եթե քո մազերի բնական գույնը խիստ տարբերվում է ընտրած երանգից, արմատներն անհրաժեշտ է թարմացնել 3 կամ 4 շաբաթը մեկ։ Եթե քո ընտրած գույնը մոտ է մազերիդ բնական երանգին, թարմացնելու ժամանակահատվածը կարող է մեծանալ մինչև 6 շաբաթ։
- Եթե մազերդ ներկում ես տան պայմաններում, միշտ սկսիր արմատներից, իսկ մազերի միջին հատվածին և ծայրերին ներկը տարածիր լվանալուց 10 րոպե առաջ։
- Անպայման մի քանի ամիսը մեկ անգամ կտրիր և թարմացրու մազերի ծայրերը։ Որքան առողջ են մազերդ, այնքան երկար կպահպանվի ներկը։
- Օգտագործիր խոնավացնող շիճուկ՝ հատուկ ուշադրություն դարձնելով արմատներին։ Արգանի յուղով կամ կռոթուկի բնական մզվածքով հարստացված շիճուկը կապահովի քո մազերին անհրաժեշտ սնուցումը և չի հաղորդի անցանկալի յուղոտ փայլ։
- Մի օգտագործիր սարքեր, որոնք կարող են մազերը չափից շատ տաքացնել։ Եթե անպայման պետք է օգտագործես վարսահարդարիչ, անպայման մինչ այդ տարածիր պաշտպանող ցողաշիթ։
- Խուսափի՛ր արևի ուղիղ ճառագայթներից։ Ուլտրամանուշակագույն ճառագայթները մազերը վնասում են նույնքան, որքան մաշկը. դրանք գույնի կարևոր թշնամիներն են։ Եթե անխուսափելի է արևի տակ գտնվելը, կրի՛ր գլխարկ։
Ինչպե՞ս խնամել ներկած մազերը
Մազերի որակյալ ներկումն ու հետագա խնամքը կարող են դառնալ ոչ այնքան մատչելի հաճույք։ Սակայն կա մի քանի գաղտնիք, որոնք կպաշտպանեն մազերդ և կօգնեն ներկը պահպանել ավելի երկար։
