1. ՅՈՒՂՈՏ ՄԱՇԿ ՈՒՆԵՆԱԼՈՒ ԴԵՊՔՈՒՄ ՉԻ ԿԱՐԵԼԻ ՕԳՏԱԳՈՐԾԵԼ ՅՈՒՂ
Դա այդպես չէ։ Յուղոտ մաշկ ունեցողները հաճախ օգտագործում են ագրեսիվ միջոցներ, որոնք գործնականորեն ճարպազատում են մաշկը, սա շատ մեծ սխալ է։ Արդյունքում քո մաշկը փոխհատուցում է այդ ազդեցությունը՝ արտադրելով ավելի շատ սեբում, իսկ դա, իր հերթին, կարող է հանգեցնել գրգռվածության և ցանի։ Կարևոր է օգտագործել միջոցներ, որոնք ուղղված են հատուկ քո մաշկի տիպի խնամքին։
2. ՏԱՐԻՔԱՅԻՆ ԳՈՒՆԱԿԱՎՈՐՈՒՄԸ ԱՆԽՈՒՍԱՓԵԼԻ Է։ ՊԱՐԶԱՊԵՍ ԴԱՌՆՈՒՄ ԵՍ ԱՎԵԼԻ ՄԵԾ։
Այն, ինչ կոչվում է «տարիքային գունակավորում», ունի բազմաթիվ պատճառներ։ Դրանց դասին է պատկանում նաև գենետիկան, հորմոնալ տատանումները, արևային ճառագայթների ազդեցությունը և, իհարկե, տարիքը։ Տարիքային գունակավորման դեմ ամենաարդյունավետ պրոֆիլակտիկան հասուն տարիքի մաշկի համար SPF-ով հատուկ միջոցների կիրառումն է։
3. ԹԱՆԿԱՐԺԵՔ ՄԻՋՈՑՆԵՐՆ ԱՎԵԼԻ ԱՐԴՅՈՒՆԱՎԵՏ ԵՆ
Արտադրանքի արդյունավետության համար կարևոր են բանաձևն ու բաղադրությունը, իսկ արդյունավետության և գնի միջև հարաբերակցությունը այնքան էլ ճիշտ չէ։ Որոշ արտադրատեսակների արտադրությունն արժե ավելի թանկ, և դա անդրադառնում է գնի վրա, օրինակ՝ Fairtrade արտադրանքի արժեքը ներառում է աշխատակիցների արժանի վարձատրություն։ Արդյո՞ք այս արտադրանքը ավելի լավն է, քան դրա առավել մատչելի տարբերակը։ Հնարավոր է՝ ոչ։ Էթիկակա՞ն է գնել հենց այդպիսի արտադրանք։ Մենք Օրիֆլեյմում կարծում ենք՝ այո։
4. ՈՐՔԱՆ ՀԱՃԱԽ ԵՍ ԿՏՐՈՒՄ ՄԱԶԵՐԴ, ԱՅՆՔԱՆ ԱՐԱԳ ԵՆ ԴՐԱՆՔ ԱՃՈՒՄ
Ընդհանուր առմամբ՝ ոչ։ մազերն աճում են՝ սկսած արմատներից։ Վնասված մազերը հաճախ «ճյուղավորվում» են, սա է դրանք հաճախակի կարճացնելու պատճառը։ Այսպես սանրվածքը կունենա առողջ և գեղեցիկ տեսք, սակայն դրանից առավել արագ մազերը չեն աճի։
5. ԵԹԵ ՄԻՋՈՑԸ ՄԱՇԿԻ ՎՐԱ ԱՌԱՋԱՑՆՈՒՄ Է «ԱՅՐՈՂ» ԶԳԱՑՈՂՈՒԹՅՈՒՆ, ԱՊԱ ԱՅՆ ԳՈՐԾՈՒՄ Է
Այրվածքի զգացողության առկայությունը նշանակում է միայն մեկ բան՝ քո մաշկը գրգռված է և անհրաժեշտ է շուտափույթ հեռացնել միջոցը և դադարեցնել դրա կիրառումը։
6. ԽՆԱՄՔԻ ՄԻՋՈՑՆԵՐՆ ԱՆՀՐԱԺԵՇՏ Է ԸՆՏՐԵԼ ԸՍՏ ՏԱՐԻՔԻ
Խնամքի միջոցներն անհրաժեշտ է ընտրել ըստ խնդիրների, որոնք բնորոշ են քո մաշկի տիպին, և որոնք ուզում ես լուծել։ Տարբեր ազգություն ունեցող կանանց մոտ ծերացման գործընթացը արտահայտվում է տարբեր կերպ։ Մյուս կարևոր գործոնը՝ մաշկի տիպն է։ Յուղոտ մաշկ ունեցող 20-ամյա աղջիկը չպետք է օգտագործի նույն միջոցն, ինչ չոր մաշկ ունեցող 20-ամյա աղջիկը։
7. ՄԱՇԿԻ ՉՈՐՈՒԹՅՈՒՆԻՑ ՁԵՐԲԱԶԱՏՎԵԼՈՒ ՀԱՄԱՐ ԱՆՀՐԱԺԵՇՏ Է ԽՄԵԼ ՇԱՏ ՋՈՒՐ
Շատ ջուր խմելն օգտակար է ամբողջ օրգանիզմին ընդհանուր առմամբ և մասնավորապես մաշկի համար, սակայն սխալ է պնդել, որ հեղուկի մեծ քանակությունը կարող է օգնել չոր մաշկի դեպքում։ Սա կարող է օգնել միայն ուժեղ ջրազրկման դեպքում։ Խոնավացնող քսուքը, նրբաքսուքը կամ յուղը այս խնդիրը կլուծեն առավել արդյունավետ։
8. ԵՐԱՆԳԱՅԻՆ ՀԻՄՔԸ ՊԵՏՔ Է ՓՈՐՁԵԼ ԴԱՍՏԱԿԻ ՎՐԱ
Սա արդի է միայն այն դեպքում, եթե դեմքիդ մաշկը չափազանց գունատ է։ Դաստակի մաշկը, որպես կանոն, առավել բաց է, այդ պատճառով էլ հիմքի երանգը լավ է փորձել ծնոտի մաշկին։
9. ԴՈՒ ԿԱՐՈՂ ԵՍ ՆԵՂԱՑՆԵԼ ԾԱԿՈՏԻՆԵՐԸ
Դու չես կարող ո՛չ լայնացնել, ո՛չ էլ նեղացնել ծակոտիները։ Դրանք չունեն մկաններ և չափը փոփոխման ենթակա չէ։ Դու կարող ես մաքրել դեմքի մաշկն աղտոտվածությունից, արդյունքում ծակոտիները կլինեն քիչ տեսանելի։ Դեմքը մաքրելու գործիքի կիրառման դեպքում արդյունքը կլինի ավելի ուժեղ։
