«Չենթարկվող, խճճվող, մազերի պատճառներից մեկը կարող է լինել պրոտեինի և ճարպաթթուների պակասությունը, ինչը բնորոշ է չոր և վնասված մազերին։ Երբ մազերը կորցնում են խոնավությունը, կուտիկուլը կամ մազի արտաքին շերտը դառնում է փխրուն, մազերը էլեկտրականացվում են։ Խոնավ եղանակը սովորաբար վատթարացնում է իրավիճակը։
Սակայն գոյություն ունեն չլսող մազերը ենթարկեցնելու տարբերակներ․
1. Մազերն անհրաժեշտ է լվանալ շաբաթը 1-2, առավելագույնը՝ 3 անգամ։ Գլխամաշկը արտադրում է բնական ճարպանյութեր, որոնք խոնավացնում են քո մազերը և ամեն անգամ շամպուն օգտագործելիս, դու լվանում ես այդ նյութերը։ Շատ կարևոր է խուսափել չափից շատ տաք ջրից, քանի որ այն չորացնում է մազերը։
2. Գլուխը լվանալիս օգտագործիր կոնդիցիոներ, և նվազագույնը ամիսը մեկ անգամ օգտագործիր մազերի խոնավացնող դիմակ։ Եթե զգում ես, որ ամիսը մեկ անգամը բավարար չէ, հաճախականությունը փոխիր՝ դարձնելով շաբաթը մեկ անգամ։
3. Գլուխը լվանալուց հետո մազերը զգուշորեն չորացրու, ագրեսիվ շարժումները նպաստում են մազերի խճճվելուն։ Օգտագործիր միկրոմազաթելիկներից կամ բարակ բամբակից պատրաստված սրբիչ՝ ավելորդ խոնավությունը հեռացնելու համար։ Ինչպես նաև մազերը չորացնելիս մի օգտագործիր վարսահարդարիչ։
4. Հնարավոր է՝ դու լսել ես, որ խոնավ մազերը վնասակար է սանրել։ Սակայն չենթարկվող մազերի դեպքում այս կանոնը չի գործում։ Հակառակը, ամեն անգամ գլուխը լվանալուց հետո, մազերը զգուշորեն սանրիր լայն ատամիկներով սանրով՝ մազերի մեջ խոնավությունը պահպանելու համար։
5. Ալիքավոր կամ գանգուր մազերի դեպքում անհրաժեշտ է նոսր ատամիկներով մազերի խոզանակ։ Ուղիղ մազեր ունենալու դեպքում նախապատվությունը տուր բնական մազիկներից պատրաստված կլոր, խոշոր խոզանակին։
6. Ամիսը մեկ անգամ այցելիր գեղեցկության սրահ, որպեսզի ժամանակին կտրես ճյուղավորվող մազերը։
7. Եվ վերջապես, ձեռք բեր մազերի հատուկ յուղ կամ շիճուկ, դրանք չափազանց անհրաժեշտ են։ Մենք խորհուրդ ենք տալիս Eleo ապրանքանիշի միջոցները՝ հարստացված արգանի և վարդի յուղերով։ Այն տարածիր՝ սկսած մազերի միջին հատվածից։ Հենց այստեղ է, որ մազի կառուցվածքը խոցելի է, հենց այստեղ էլ սկսվում է չենթարկվելու «տոնը», որը կարող ես կանգնեցնել։
