1. ԿՈՐԱՑՈՒՄ
Քեզ դո՞ւր են գալիս կորացրած թարթիչներ։ Ուրեմն պետք չէ մեկ շարժումով սևաներկը տարածել թարթիչի ողջ երկարությամբ։ Սկզբում շատ առատ միջոցը տարածիր թարթիչների արմատներին մոտ հատվածին՝ վրձինը առաջ ու հետ տանելով, իսկ այնուհետև ավարտիր՝ սևաներկը տարածելով նաև թարթիչների ծայրերին։
2. ՊԱՀԻՐ ՀՈՐԻԶՈՆԱԿԱՆ ԴԻՐՔՈՎ
Ուզո՞ւմ ես ստեղծել առավել բնական կերպար։ Քեզ անհրաժեշտ է վրձինը պահել հորիզոնական դիրքով։ Օգտագործիր վրձնի ծայրը, և դրանով ներկիր թարթիչներն ամբողջ երկարությամբ։ Ահա և պատրաստ է։ Երկար, բնական տեսք ունեցող թարթիչներ՝ մեկ ակնթարթում։
3. ԿԵՆՏՐՈՆԱՑԻՐ ՄԻՋՆԱՀԱՏՎԱԾՈՒՄ
Լայն բացված աչքերի տպավորություն ստանալու համար մտքում թարթիչները բաժանիր երեք հավասար հատվածների։ Վրձնի ծայրով սևաներկը տարածիր միայն մեջտեղի հատվածին՝ թարթիչները ներքևից վերև պտտելով։ Ակնթարթային արդյունք։
4. ՏԱՐԱԾԻՐ ՈՒՂՂԱՀԱՅԱՑ
Աչքերը տեսողաբար մեծացնելու ևս մեկ տարբերակ՝ սևաներկը տարածել՝ վրձինը պահելով անկյան տակ, արմատից մինչև ծայրերը տարածելու սովորական մեթոդի փոխարեն։ Վերջում մի մոռացիր սևաներկի քիչ քանակություն ավելացնել նաև աչքերի անկյուններին։
5. ՄԻԱԺԱՄԱՆԱԿ ԽԱՂԻ ՍԵԱՆՍ
Տիկնիկի նման ծավալուն թարթիչներ և «բաց» հայացք՝ այս կերպարը ստանալն այնքան էլ բարդ չէ։ Նմանատիպ դիմահարդարումն անվանում են նաև «սարդի թաթեր»՝ խիտ ներկած, միմյանց փոքր-ինչ կպած թարթիչներ։ Ինչպե՞ս ստանալ։ Թարթիչներին տարածիր սևաներկի մի քանի շերտ և սեղմիր ունելիքով՝ անհրաժեշտ արդյունքը ապահովելու համար։
6. 100% ՀԱՍԱՆԵԼԻՈՒԹՅՈՒՆ
Անհարմա՞ր է ներկել աչքերի անկյունային հատվածի թարթիչները։ Զգուշորեն վրձնի ծայրը կորացրու ուղիղ անկյան տակ, ինչից հետո ավելի հեշտ կլինի դրա կիրառումը։ Սակայն հիշիր, որ վրձնի հետ ուղղելը՝ առանց այն կոտրելու, անհնար է, այդ պատճառով մի շտապիր (կամ օգտագործիր երկու վրձին)։
