Փորձիր հիմա. 5 ամանորյա կերպար

Ամանորյա շաբաթների դրես-կոդը շատ պարզ է։ Լինի դա երեկույթ գրասենյակում գործընկերների հետ, պարային երեկույթ ընկերների հետ մինչ լուսաբաց, թե ընթրիք սիրելիիդ հետ, կա մեկ կանոն. պետք է ունենալ գլխապտույտ տեսք։ Այս նպատակին հասնելու համար մենք ունենք մի քանի գաղափար։

1. ԴԻՍԿՈՏԵԿԻ ԱՍՏՂԵՐԸ
Ուզո՞ւմ ես զարմացնել ընկերներիդ աստղային փայլով։ Որպես հիմք վերցրու ֆրանիսակայն հյուսքը և լրացրու այն փայլող դետալներով։ Նայիր մեր ուղեցույցը և մի՛ մոռացիր սանրվածքին կայունություն հաղորդող գելի և բավարար քանակությամբ ծամակալների մասին։

Ինչպե՞ս ստանալ այս սանրվածքը։

2. ՀԵՇՏ ԸՆՏՐՈՒԹՅՈՒՆ
Երբ շուրջ բոլորը մոխրագույն ու ձյունառատ եղանակ է, կարմիր շրթներկը կդառնա իրական տոն։ Երկմտո՞ւմ ես վինիլային փայլի և թավշե փայլատի ընտրության հարցում։ Բյութի-համադրության կանոնները թելադրում են հետևյալը. փայլատ շուրթերը գեղեցիկ են խիտ, խնամված հոնքերի հետ, ընդ որում պետք չէ շեշտադրել աչքերը, իսկ փայլող կերպարը պահանջում է արտահայտիչ սմոքի-այզ։ Անկախ քո ընտրությունից՝ մի մոռացիր քեզ հետ ունենալ թավշե բաճկոն, որն այս ձմռան գլխավոր միտումն է։

3. ԱՉՔԵՐԻ ՀԱՐԴԱՐՈՒՄԸ ՀԱԼՈ ՏԵԽՆԻԿԱՅՈՎ
Այն ամանորյա երեկույթին աչքերը հարդարելու ամենադիպուկ տարբերակն է։ Մուգ երանգի ստվերաներկը (նախապատվությունը տուր այն երանգներին, որոնք կօգտագործեիր գրավիչ սմոքի ստանալու համար) տարածիր աչքի ներքին ու արտաքին անկյուններին, իսկ կոպի մեջտեղի հատվածի համար վերցրու քսուք- ստվերաներկ՝ փայլող էֆեկտով։ Հիացած հայացքները երաշխավորված են։

Նայի՛ր «Հալո տեխնիկայով աչքերի հարդարում» տեսադասընթացը։

4. ԱՌԿԱՅԾՈՂ ՓԱՅԼ
Եթե նորաձևության օրացույցում կա հատուկ ամիս, երբ շողշողացող փայլերը ճիշտ են ցանկացած դեպքում, ապա այն արդեն սկսված է։ Բաց մի՛ թող միտումին միանալու քո հնարավորությունը, անգամ եթե առօրյայում փորձում ես մնալ առավել զուսպ։ Օրինակ՝ Giordani Gold Գնդիկավոր դիմափոշու օգնությամբ կարող ես մի փոքր «լույս» ավելացնել քո այտոսկրերին։ Եթե ավելի խիզախ ես և ուզում ես պարահրապարակը լուսավորել քո փայլով, ապա քեզ կօգնեն մետալիկ էֆեկտով հեղուկ-ստվերաներկերը և աչքերի գունավոր գծաներկերը, որոնք ներկայացված են փայլող տարբերակով։

5. Ի ՀԵՃՈՒԿՍ ՑՐՏԻ
Տարվա այս եղանակին շատ դժվար է պահպանել դեմքի անթերի գույնը․ սառը օդն ու քամին գեղեցկության «մոտ» ընկերներն են, իսկ մինչև լուսաբաց տևող երեկույթները է՛լ ավելի են ավելացնում մաշկի խնդիրները։ Սակայն պետք չէ հուսալքվել։ Տարածիր հայլայթերի քիչ քանակություն այտերին ու ունելիքին՝ թարթիչներին կորություն հաղորդելու համար, այս ամենին հավելիր սևաներկը։ Այս պարզ գործողությունները կօգնեն ստեղծել անթերի բնական կերպար։ Եվ պետք չէ մոռանալ, որ երիատասարդ ու ծաղկող տեսքը պահպանելու լավագույն միջոցը մաշկի համալիր խնամքն է՝ պարզ պրոցեդուրա, որի համար անհրաժեշտ է ընդամենը 2 րոպե առավոտյան և երեկոյան։


Տեքստ Ֆոտո Getty Images