Գեղեցիկ հոնքեր. hոնքերի հարդարման 5 սխալ, որոնք անհրաժեշտ է կանխել

Քո կերպարի կարևորագույն մասնիկը շքեղ հոնքերն են, սակայն կատարելության հասնելն այնքան էլ հեշտ չէ։ Քեզ օգնելու համար մենք կներկայացնենք ամենատարածված 5 սխալները։

1. ՄԻ՛ ՄՈՌԱՑԻՐ ՆԱԽԱՊԵՍ ՊԱՏՐԱՍՏԵԼՈՒ ՄԱՍԻՆ
Կառա Դելավինի ոճով խիտ հոնքերը վաղուց են կրկին նորաձև, և այդ դիրքերը կպահպանեն դեռ երկար ժամանակ։ Սակայն «խիտ» ամենևին էլ չի նշանակում «անկանոն աճող» կամ չխնամված։ Մի՛ մոռացիր դրանք սանրել՝ ուղղությունը տալով դեպի վերև և ներքին անկյուն՝ հոնքերին ճիշտ ձև հաղորդելու համար։ Չլսող, ցցված մազիկները անհրաժեշտ է հեռացնել հոնքերի նրբունելու օգնությամբ։

2. ՄԻ՛ ՏԱՐՎԻՐ ՄՈՒԳ ԵՐԱՆԳՆԵՐՈՎ
Մեզ դուր են գալիս արտահայտիչ հոնքեր։ Սակայն ճիշտ արդյունքի հասնելու համար պարզապես խիտ սև երանգը բավարար չէ։ Եթե դժվարություններ ես տեսնում ճիշտ երանգի ընտրության հարցում, կիրառիր հոնքերի խնամքի հավաքածու։ Դու միշտ հնարավորություն ունես խառնել գույները և ստանալ անհրաժեշտ երանգը։

3. ՄԻ՛ ՄՈՌԱՑԻՐ «ԼՑՆԵԼ» ԲԱՑ ՀԱՏՎԱԾՆԵՐԸ
Մեկ այլ տարածված սխալ է խիտ հաստ գիծը միայն հոնքի միջին հատվածով տանելը՝ մոռանալով, որ մարզիկներն աճում են ոչ միայն մեջտեղի հատվածում։ Մի՛ մոռացիր՝ քո խնդիրը հոնքերին արտահայտիչ, և միևնույն ժամանակ, բնական տեսք հաղորդելն է։ Հոնքերը ներկիր փոքրիկ գծիկներով՝ մազերի աճի ուղղությամբ։ Դա կհաղորդի բնական արդյունք։

4. ԻՄԱՑԻ՛Ր՝ ԵՐԲ Է ՃԻՇՏ ԿԱՆԳ ԱՌՆԵԼ
Սա ամենաբարդն է։ Այս սխալի շտկումը գործնականորեն անհնար է։ Միևնույն ժամանակ, ճիշտ տեխնիկային տիրապետելով՝ դու արդեն չես կատարի նման սխալ։ Հոնքի վերջին կետը որոշելու համար՝ վերցրու մատիտ, հպիր քթի ծայրին այնպես, որ դրանով կազմված գիծն անցնի աչքի արտաքին անկյունով։ Քո հոնքը պետք է ավարտվի ըստ մատիտի՝ ոչ ավել և ոչ պակաս։ Կարդա կատարյալ հոնքեր ստեղծելու մեր ուղեցույցը, և պահպանիր չափի զգացողությունը։

5. ՊԱՀՊԱՆԻ՛Ր ԲՆԱԿԱՆ ՏԵՍՔԸ
Եթե անհրաժեշտ լիներ ձևակերպել հոնքերի հարդարման կարևորագույն կանոնը, մենք կասեինք․- Թո՛ղ քեզ չշեղեն նորաձևության հարթակներում նկատվող դիմահարդարների ստեղծագործությունները։ Բոլոր այդ տարբերակները տպավորիչ են, սակայն առօրյա կյանքում դիտվում են չափազանց արհեստական։ Մի թույլ տուր քեզ մոլորեցնել, չէ՞ որ գլխավորը՝ բնական գեղեցկությունն ընդգծելն է։

Տեքստ Ֆոտո Kristine Wreyford, Victoria Stillwell