Հարսանեկան 5 կերպար

Հարսանիքը միշտ ենթադրում է հարյուրավոր լուսանկարներ։ Հարսը, հարսի ընկերուհիները, մայրը, պարզապես հյուրերը մշտապես ուզում են ունենալ անթերի տեսք։ Մենք կպատմենք՝ ինչպես հասնել այդ արդյունքին։

ՀԱՐՍ

Հարսանիքի օրը քո հիշողության մեջ կմնա դեռ երկար տարիներ։ Եվ ամբողջ այս օրը կլինես ուշադրության կենտրոնում։ Հնարավորինս անթերի տեսք ունենալու համար հիշիր գլխավոր կանոնը՝ մի՛ փորձիր դառնալ մեկ այլ մարդ։ Եղի՛ր ինքնատիպ, սակայն ընտրի՛ր քո կերպարի լավագույն տարբերակը։ Դիմահարդարման մեջ ընտրիր այն երանգները, որոնցով առավել հարմարավետ ես քեզ զգում։ Այդ օրը շրթներկի նոր երանգների փորձարկումը տեղին չէ։ Եթե քո կերպարի ստեղծման վրա աշխատելու է հրավիրված դիմահարդարը, ընտրիր քո այն լուսանկարը, որն ամենից շատ է ոգեշնչում քեզ, իսկ դիմահարդարումը փորձելիս կրի՛ր սպիտակ զգեստ։ Այս դեպքում դու վստահ կլինես գույների ներդաշնակության հարցում։ Փորձի՛ր խուսափել չափից շատ ակտուալ մեթոդներից՝ գրաֆիկական սլաքներ կամ դեմքի ուրվագծում։ Տարիներ անց կուզենաս, որ կերպարդ լինի առավել ակտուալ, ոչ թե ճչան և հնաոճ։

ՀԱՐՍԻ ՄԱՅՐԸ
Քո դստեր հարսանիքի օրը դու կլինես մոլորակի ամենազբաղված մարդկանցից մեկը, իսկ դա նշանակում է, որ դիմահարդարումը պետք է լինի ունիվերսալ։ Ուզում ես ունենալ կատարյալ տեսք, չէ՞ որ այս օրվա մասին երազել ես երկար տարիներ։ Խուսափի՛ր փայլող և վինիլային արդյունք հաղորդող շրթներկերից, սա միայն կընդգծի քո կնճիռները։ Դրա փոխարեն ընտրի՛ր փայլատ տարբերակը, որը բացի այդ, կպահպանվի առավել երկար ժամանակ։ Սա նաև տեղին է ստվերաներկի դեպքում, քանի որ փայլն ու մետալիկ էֆեկտը կընդգծեն «սագաթաթիկները»։ Փայլատ և չեզոք երանգներ, մի քիչ սնգույր, որը լավագույնս է համադրվում մաշկիդ գույնի հետ՝ սա կլինի այս օրվա համար լավագույն ընտրությունը։

ՀԱՐՍԻ ԸՆԿԵՐՈՒՀԻՆ
Պետք է հանդուրժես, որ այս օրը քո դերը երկրորդական է։ Այդ պատճառով պարտադիր հարսից ճշտիր, թե ինչ տեսակի դիմահարդարում է նա անելու և փորձիր համապատասխանել։ Տարբերակ, որը միշտ ընդունելի է՝ լավ շպարի հիմք, երանգային հիմք, չեզոք երանգներով կոսմետիկա և, իհարկե, ջրակայուն սևաներկ։ Երբեմն հանուն ընկերության պետք է գնալ որոշակի զոհողությունների։ 

ՀԱՐՍԱՆԻՔԻ ՀՅՈՒՐ
Ամենակարևորը՝ համապատասխանել դրես-կոդին։ Արդեն զգեստի ընտրությունից հետո կարոլի է փոքր-ինչ փորձարկել դիմահարդարման տարբեր տեսակներ։ Օրինակ՝ օգտագործիր չեզոք հիմքով ВВ քսուք և շեշտադրիր շուրթերը՝ աչքերը թողնելով իրենց բնական տեսքով։ Կամ հակառակը՝ ստացիր արտահայտիչ հայացք, իսկ շուրթերին տարածիր որևէ բաց երանգ։

ԳՈՒՄԱՐԱԾ ՄԵԿ
Եթե այդ օրը քո կարգավիճակն է «գումարած մեկ», ապա ամենայն հավանականությամբ, հրավիրվածներից շատերին չես ճանաչում։ Այդ պատճառով ունեցիր գեղեցիկ, ոչ ճչացող արտաքին տեսք։ Հետևի՛ր դրես-կոդին և ստացի՛ր պարզ դիմահարդարում, օրինակ՝ բնական երանգներով։ Հավատա՝ դեռ շատ կլինեն նեոնային ստվերաներկերը փորձելու հնարավորություններ։ 




Տեքստ Ֆոտո Getty Images

Գնել

Նմանատիպ հոդվածներ