1.
ՀԻՄՔԻ ՀԱՄԱՐ
Մի՛փորձիր հիմքը տարածել սպունգի օգնությամբ: Միայն վրձին: Վձնի տեսակը կապված է հիմքի խտությունից: Եթե քեզ դուր է գալիս խիտ ծածկույթով քսուքային հիմքը, ապա քեզ անհրաժեշտ կլինի տափակ վրձին: Եթե նախապատվությունը տալիս ես թափանցիկ հիմքերին, լավագույն տարբերակը կլինի խավոտ, ծավալային վրձինը:
2.
ՔՈՂԱՐԿԻՉԻ ՀԱՄԱՐ
Քողարկիչի վրձինը քո բյութի զինանոցի անհրաժեշտ գործիքն է: Դրա օգնությամբ կարող ես աչքերի տակ տարածել քողարկիչը և արդյունավետորեն ծածկել մուգ շրջանակներն ու այտուցվածությունը: Հենց այս վրձինն էլ հարմար է բծերը քողարկելու համար: Քողարկիչն օգտագործելուց առաջ համոզվիր, որ դրա երանգը համապատասխանում է հիմքի երանգին:
3.
ԴԻՄԱՓՈՇՈՒ ՀԱՄԱՐ
Սնգույրի և դիմափոշու վրձինը պետք է լինի փափուկ, տափակ, կլորացող եզրերով: Դիմափոշին համաչափ տարածելու համար վրձինը վերցրու երկու կողմերից բռնած:
4. ԱՉՔԵՐԻ ՀԱՄԱՐ
Աչքերի դիմահարդարման համար անհրաժեշտ է 2 տիպի վրձին: Միջին չափի վրձինը հարմար է շարժվող կոպի վրա ստվերաներկ տարածելու համար, իսկ փոքր վրձինը կատարյալ է աչքերն ընդգծելու համար: Այս վրձնի օգնությամբ կարող ես ստվերաներկը տարածել թարթիչների աճի ուղղությամբ, կոպի ծալվող հատվածին և անգամ ընդգծել հոնքերը:
Ոչ մի պրոֆեսիոնալ չի կարող աշխատել առանց շուրթերի համար նախատեսված վրձնի: Այն թույլ է տալիս շրթներկը տարածել համաչափ, ընդգծել շուրթերի ձևը և ստանալ կատարյալ արդյունք: Ընդ որում, շուրթերի վրձինն օգտագործելու դեպքում՝ խնայում ես նաև շրթներկը:
