Կանացի 50-ականներ
50-ականների տնային տնտեսուհիները վառ դիմահարդարում էին անում՝ շեշտադրելով թե աչքերը, թե շրթունքները: Դիմահարդարման երանգային գունապնակը շատ հագեցած էր և անսովոր ժամանակի համար: Եթե գունավոր ստվերաներկ էին օգտագործում, ապա մինչ հոնքերը, թարթիչները խիտ էին ներկում և անպայման ընդգծում էին հայացքը գրաֆիկական սլաքներով:
- 50-ականների դիմահարդարման բնորոշ գիծը ճերմակ մաշկն էր, այդ իսկ պատճառով ընտրիր ավելի բաց երանգային քսուք և խուսափիր բրոնզերներից:
- 50-ականների սլաքները ձգում են աչքերը և կերպարն ավելի արտահայտիչ ու տպավորիչ են դարձնում: Վերևի կոպի թարթիչների հիմքից գիծ նկարիր՝ երկարացնելով և սլաքը հասցնելով վերև՝ դեպի քունքը:
- Վերջին, բայց ոչ ըստ նշանակության,փուլը կարմիր շրթունքներն են:Նախ մատիտով ընդգծիր, այնուհետ սկսիր տարածել շրթներկը՝ գրաֆիկական տեսք ստանալու համար: Շուրթերը մի՛ կպցրու իրար մինչ շրթներկը ամբողջովին չորանա, այլապես անփայլ շրթներկը կարող է հոսել:
Կերպարի ստեղծման անհրաժեշտ ողջ կոսմետիկան հղման մեջ է:
Համարձակ 60-ականներ
Այս տասնամյակում աղջիկները հատկապես ուշադրություն էին դարձնում վառ և արտահայտիչ աչքերին: Բարակ սլաքները՝ վերևի թարթիչների երկայնքով և խիտ ներկած ներքևի թարթիչները դիմահարդարման անբաժանան մասն էին: Մաշկը փորձում էին առավելագույնս հարթ և անփայլ դարձնել դիմափոշու օգնությամբ, իսկ ահա շուրթերը համարյա չէին ներկում՝ թողնում էին բնական գույնով կամ կենտրոնում փայլ էին ավելացնում:
- Վերևի կոպին բարակ սլաք նկարիր՝ աստիճանաբար ավելացնելով գծի լայնությունը կենտրոնից մինչ աչքի արտաքին անկյունը՝ սա դիմահարդարմանի հիմքն է:
- Անցնենք կրեատիվ տարրերին: Վերևի կոպի ծալքին պետք է նորից գիծ նկարեl նույն գծաներկով: Սկսիր աչքի ներքին անկյունից և գիծն անցկացրու կոպի բնական ծալքի երկայնքով՝ թեթև դուրս գալով սահմանից: Սա ավելի հեշտ է, քան թվում է, բայց ապահովության համար կարող ես նախ մատիտով գծել, այնուհետ գծաներկով:
- Խիտ ներկիր թարթիչները, հատկապես ներքևինը. չենք խնայում սևաներկը: Իսկ եթե թարթիչները չափազանց խիտ են, ներքևի կոպին ուղղակի գծաներկ տարածիր, ինչպես նկարում. այսպես արել է, հենց ինքը Թվիգգին:
Կերպարի ստեղծման անհրաժեշտ ողջ կոսմետիկան հղման մեջ է:
Վառ 80-ականներ
Փայլ, գույների խենթ համադրություն, առկայծող և փայլող վերջնարդյունք շուրթերին, աչքերին, այտերին՝ սա լրիվ 80-ականների կերպարն է: Այս շրջանի թրենդներից մեկը մոնոխրոմ դիմահարդարումն է և այն կրկնելը շատ հեշտ է:
- Ընտրիր ստվերաներկի վառ երանգ, տարածիր վերևի կոպին, կարելի է անգամ մինչ հոնքերը: Սահմանագծերը լավ մգացրու:
- Իսկ ներքևի կոպը ընդգծիր՝ պոչիկը հասցնելով մինչ քունքը՝ կոնտրաստային երանգի սլաք գծելով:
- Յուրաքանչյուր տասնամյակի բնորոշիչ գիծը՝ հոնքերն են. 80-ականներին նկարում էին մուգ, գրաֆիկական կորությամբ հոնքեր:
Կերպարի ստեղծման անհրաժեշտ ողջ կոսմետիկան հղման մեջ է:
