1.Մի՛ սպասիր, որ քո բույրը կփոխվի օրվա ընթացքում
Բույրը մաշկին տարածելու պահին՝ դու զգում ես վերին նոտաները, որոնցից բացի կան նաև հիմնային և սրտի նոտաներ։ Եթե ուզում ես հասկանալ, թե ինչպիսին կլինի բույրն օրվա ընթացքում, տարածիր այն թեստերի վրա և հետևիր փոփոխություններին։
2.Մի՛ դատիր ըստ առաջին տպավորության
Նոր բույր փորձելիս՝ հատկացրու դրան 30 վայրկյան։ Այդ ընթացքում բույրի մեջ առկա ալկոհոլը կչեզոքանա, և դու կզգաս, թե ինչպիսին է այդ բույրն իրականում ։
3.Մի՛ համառիր, փորձիր
Եթե քեզ դուր չի գալիս որևէ կոնկրետ նոտա, դա ամենևին էլ չի նշանակում, որ պետք է անտեսել այդ նոտան պարունակող բոլոր բույրերը։ Մեկ բույրը կարող է ներառել 10-ից մինչև 200 բաղադրիչ, որոնց հարաբերակցությունը շատ հատուկենտ է կոնկրետ պարֆյումի համար: Այնպես որ, խիզախորեն փորձիր նորը։
4.Մի՛ փորձիր միանգամից մեծ քանակությամբ բույրեր
Խուսափիր միանգամից երեքից ավել բույր փորձելուց և նույնիսկ այդ դեպքում մի մոռացիր սուրճի հատիկներով ընդմիջումների մասին։ Այն չեզոքացնում և կլանում է բույրը։ Հոտառությունը թարմացնելու մեկ այլ միջոց է նաև՝ հերթական պարֆյումը փորձելուց հետո ջուր խմելը։
5.Բաց եղիր
Ընդունիր նորը։ Անընդմեջ քեզ արդեն ծանոթ բույրը ընտրելու փոխարեն՝ ընտրիր բույրեր, որոնք բացահայտում են քո անհատականությունը։
6.Բույրերը ճիշտ պահպանիր
Արևի լույսը, շոգը կամ ցուրտը կարող են խափանել քո պարֆյումում առկա բուրավետ յուղերի բալանսը, այդ պատճառով խորհուրդ ենք տալիս դրանք պահպանել չոր, զով վայրում՝ հեռու արևի ճառագայթներից։
7.Իմացիր ցողելու ճիշտ հատվածները
Համարվում է, որ բույրը պետք է ցողել այն հատվածներում, որտեղ կուզենայիր քեզ համբուրեին։ Ծիծաղելի՞ է հնչում։ Սակայն այստեղ կա ճշմարտություն։ Բույրն ակտիվանում է քո մարմնի ջերմության բարձրացման ժամանակ, այդ պատճառով զարկերակային (այսինքն՝ այստեղ են խոշոր արյունատար անոթները՝ ջերմության հիմնական աղբյուրը) հատվածներում տարածելու դեպքում՝ բույրն առավել երկար կպահպանվի։
8.Մի՛ շփիր դաստակներդ
Սա բացարձակ անօգուտ է։ Ավելին՝ այսպես դու նպաստում ես վերին նոտաների վաղ չեզոքացմանը։
9.Պետք չէ հուսալ, որ ընկերուհուդ բույրը քեզ վրա նույն կերպ կընկալվի
Մարմնի քիմիան՝ բույրերն աշխատացնող գլխավոր ուժն է, այդ պատճառով էլ նույն բույրը տարբեր մարդկանց վրա տարբեր է ընկալվում։ Միակ տարբերակը, որը կօգնի հասկանալ, թե ինչպես այն կընկալվի քեզ վրա, քո մարմնին տարածելն է։
10.Մի սպասիր, որ այն կմնա քեզ հետ ընդմիշտ
Բույրերը ստեղծված չեն ամբողջ օրն աշխատելու համար։ Մարմնի ցողաշիթերը պահպանվում են ոչ ավել քան մեկ ժամ, հարդարաջուրը (eau de toilette) – չորս ժամ, իսկ պարֆումերային ջուրը (eau de parfum) – շուրջ վեց ժամ։ Ամենակայունը՝ օծանելիքներն (parfum) են, որոնք պահպանվում են շուրջ 16 ժամ։
