Ծերության նշաններ: Ջրազրկում:
Ի՞նչ է տեղի ունենում:
Երբ դեռ 20 տարեկան ես, մաշկը հարթ է և ձիգ, փայլում է երիտասարդությունից: Բայց ժամանակի հետ այն ավելի քիչ բջիջներ է արտադրում, դառնում է բարակ, խամրած և ջրազրկված: Ժամանակի ընթացքում չորությունը մեծանում է ճարպագեղձերի դանդաղ աշխատանքի պատճառով: Հորմոնալ անցումներ տեղի են ունենում նաև դաշտանադադարի ժամանակ. էստրոգենի մակարդակն իջնում է, իսկ անդրոգենների քանակը, հակառակը, բարձրանում է: Այդ իսկ պատճառով մաշկն այդքան շատ ջուր է կորցնում:
Լուծում
Ջրազրկումը ծերության ամենահաճախ հանդիպող նշաններից է, բայց երբեք ուշ չէ մաշկին մի փոքր խոնավություն նվիրել: Ճիշտ խոնավացումն ուղղակի անհրաժեշտ է՝ առողջ մաշկային պատնեշ ստեղծելու համար: Ընտրի՛ր ցերեկային և գիշերային քսուք՝ ըստ քո տարիքի և օգտագործի՛ր ամեն օր: Ամինաթթուներ, հակաօքսիդանտներ, միներալներ և վիտամիններ պարունակող խոնավացնող միջոցները հագեցնում են մաշկը խոնավությամբ և պայքարում են ծերության առաջին իսկ նշանների դեմ:
Ծերության նշան: Կնճիռներ:
Ի՞նչ է տեղի ունենում:
Արև, ժամանակ, ժառանգականություն. սրանք բոլորը ծերության գործոններ են: 40 տարեկանում մաշկն ավելի քիչ կոլագեն է արտադրում, քան 20-ում,այդ իսկ պատճառով դառնում է բարակ, կորցնում է ձգությունն ու էլաստիկությունը: Բայց պատճառը միայն սա չէ. կարևոր է նաև քո կենսակերպը: Քնի պակասը, ծխելը, քաղցրի նկատմամբ մեծ սերը և ոչ ճիշտ սնունդը վատացնում են մաշկի վիճակը, հրարհրում են կնճիռների առաջացում և տոնուսի կորուստ: Ճիշտ սնունդը և օգտակար սովորությունները նույնքան անհրաժեշտ են, որքան և ճիշտ խնամքը:
Լուծում
Բոլորին հայտնի է, որ ճիշտ սնունդն օգնում է ավելի լավ տեսք ունենալ և ավելի լավ զգալ: Մաշկը նույնպես պետք է սնուցել անհրաժեշտ նյութերով, այդ իսկ պատճառով խնամքի բաղադրությունը մեծ նշանակություն ունի: Հակաօքսիդանտներ, վիտամիններ, միներալներ, ամինաթթուներ. որքան շատ օգտակար բաղադրիչներ է պարունակում քո ամենօրյա խնամքն, այնքան ավելի լավ կլինի արդյունքը: Գիշերային քսուքի դեպքում ընտրի՛ր միջոցներ, որոնք արդյունավետորեն սնուցում և վերականգնում են: Այդպիսի ապրանքատեսակներում պարունակվում են անփոխարինելի ճարպաթթուներ(օրինակ՝ Օմեգա 3 և Օմեգա 6), որոնք վերականգնում են մաշկի պատնեշը, մեծացնում են ձգությունը, բարելավում են մաշկի կառուցվածքը:
Ծերության նշան: Մուգ շրջանակներ աչքերի շուրջը:
Ի՞նչ է տեղի ունենում:
Եթե քիչ ես քնում, սիրում ես քեզ երես տալ աղի ուտեստներով, բավարար քանակությամբ ջուր չես խմում, շատ ես աշխատում համակարգչի առջև, ապա մուգ շրջանակներն ու աչքերի տակի պարկերը երկար սպասել չեն տա: Սրանք հայտնվում են մաշկի հյուծվածության և մազանոթների թուլացման հետևանքով և մեր աչքերը հոգնած տեսք են ստանում:
Լուծում
Իհարկե, պետք է շատ ջուր խմել և քնել գոնե 8 ժամ, բայց բացի դրանից, պետք է աչքերի համար նախատեսված քսուք ընտրել, ինչը կօգնի քչացնել ծերության նախանշանները և կպաշտպանի նուրբ մաշկը վնասվելուց: Բաղադրության մեջ առկա կոֆեինը ձգում և նվազեցնում է այտուցվածությունը: Էսցինն ուժեղացնում է միկրոշրջանառությունը, ամրացնում է մազանոթների պատերն ու գունաբացում է աչքերի շուրջն ընկած մաշկը: Փորձի՛ր Optimals Age Revive հակատարիքային քսուքն աչքերի շուրջն ընկած հատվածի համար ՝ էսցինով ձիակասկից: Այն սառում է մաշկի հետ շփումից և ապահովում է վերականգնման և փայլի ակնթարթային էֆեկտ:
Ծերության նշան: Խամրած մաշկ:
Ի՞նչ է տեղի ունենում:
Տարիքի հետ մաշկի կառուցվածքը փոխվում է, մեռած բջիջները կուտակվում են մաշկի մակերեսին, դեմքի գույնը խամրում է: Ժամանակն է ուշադրություն դարձնել շերտազատման պրոցեդուրաներին:
Լուծում
Շաբաթը մեկ անգամ օգտագործի՛ր դիմակներ կամ սկրաբեր շերտազատման համար. դրանք կօգնեն հեռացնել կեղտերն ու կլավացնեն մաշկի կառուցվածքը: Շիճուկի ամենօրյա օգտագործումը՝ փայլի համար, կօգնի դիմակայել խամրածությանը: C վիտամինով միջոցները, AHA-թթուները(օրինակ կաթնաթթու և գլիկոլաթթու) խթանում են վերականգնողական գործընթացները բջիջներում և օգնում են պայքարել թերությունների դեմ: Չմոռանաս ուշադի՛ր ուսումնասիրել ցուցումն օգտագործելուց առաջ: Փողոց դուրս գալիս պարտադիր օգտագործի՛ր արևապաշտպան քսուք՝ մաշկը պաշտպանելու համար:
Ծերության նշան: Հիպերգունակավորում:
Ի՞նչ է տեղի ունենում:
Հիպերգունակավորումն առաջանում է մաշկի մեջ մելանինի ավելցուկի պատճառով: Սա կարող է տեղի ունենալ մաշկի ցանկացած տիպի դեպքում, ցանկացած տարիքում: Այնուամենայնիվ, կյանքի ընթացքում ամենից հաճախ բախվում ենք այս խնդրին այն պատճառով, որ մաշկը դառնում է բարակ և դժվար է վերականգնվում:
Լուծում
Հիպերգունակները կանխելու լավագույն միջոցն արևից պաշտպանությունն է, այդ իսկ պատճառով անպայման օգտագործի՛ր SPF-ով միջոցներ: Որպեսզի հեռացնես գոյություն ունեցող խնդիրները, անհրաժեշտ կլինեն էֆեկտիվ բաղադրիչներ: Ժամանակն է նորից հիշել հակաօքսիդանտների մասին, որոնք գրեթե գերհերոսական հատկություններ ունենք մաշկի խնամքի ոլորտում: Հակաօքսիդանտներն օգնում են դիմակայել ազատ ռադիկալների ազդեցությանը և լավացնում են ձգությունը՝ վերականգնելով կոլագենի արտադրման գործընթացը:
Դրանք երբեք շատ չեն լինում: Ստուգի՛ր քո գեղարարական պայուսակը՝ ամենահայտնի հակաօքսիդանտների շարքին են պատկանում C վիտամինը, նիացինամիդը(B3 վիտամին), ռետինոլը(A վիտամին), պոլիֆենոլը և ֆլավոնոիդները: Որոշ ֆլավոնոիդներ կարող են C և E վիտամիններից ավելի էֆեկտիվ ազդել:
