Հարցազրույց աքսեսուարների դիզայների հետ

Ծանոթացեք, Քաթրին Ռոմեյր: Հենց նա է մտածել ամառային աքսեսուարների արևադարձային հավաքածուն, որը դու տեսնում ես կատալոգում և կայքում:

ԻՆՉՈ՞Ւ ՀԵՆՑ ԿԱՐՎԱԾՔ: ԵՎ ԻՆՉՈ՞Ւ ՆՈՐԱՁԵՎ ԱՔՍԵՍՈՒԱՐՆԵՐ, ՈՉ ԹԵ, ՕՐԻՆԱԿ՝ ՀԱԳՈՒՍՏ ԿԱՄ ԿՈՇԻԿ
Ես կարով մանկուց եմ հետաքրքրվել: Մայրիկիս զգեստապահարանն ինձ համար գանձերով սնդուկ էր. 60-70-ականների ամենանորաձև շորերը, պիջակները, կիսաշրջազգեստները և վերնաշապիկները: Ես գաղտնի միտք ունեի. վերցնել մայրիկի իրերից մի քանիսը և ձևափոխել ինձ համար: Ինձ թվում էր, որ այդպես ես նույնպես նորաոճ կդառնամ: Հենց սկսեցի կարել վաճառքի համար, հասկացա, որ լիարժեք կերպարի համար ինձ ինչ-որ բան չի հերիքում: Այդ պակասող օղակը դարձան աքսեսուարները: Հենց դրանք են պատմում պատմությունը:

Ի՞ՆՉՆ Է ՕԳՆՈՒՄ ՆՈՐ ԳԱՂԱՓԱՐՆԵՐԻ ԾՆՈՒՆԴԻՆ
Պաշտում եմ լինել քաղաքից դուրս: Գնալ հեռու-հեռու՝ հանգստություն զգալու և սթրեսից ու տագնապներից ազատվելու համար: Դա ինձ համար մեդիտացիայի պես բան է: Որոշ ժամանակ անց ես հատուկ զգացողություն եմ ունենում, երբ գաղափարները մեկը մյուսի հետևից գալիս են, ուզում եմ ստեղծագործել, արարել:

Ես ծնվել և մեծացել եմ Ստոկհոլմում, 20 տարեկանում գնացել եմ Չինաստան և այնտեղ ապրել 8 տարի: Ես սովորեցի լեզուն, ճանաչեցի մշակույթը, սակայն ինչ-որ պահի հասկացա, որ բավական է: Այժմ ես ցանկանում եմ միայն Շվեդիայում ապրել: Այստեղ է իմ տունը և իմ հոգին: Հենց այդ պատճառով ոգեշնչմանս լավագույն աղբյուրը քաղաքից դուրս՝ փոքրիկ շվեդական գյուղ գնալն է:

Ես նաև հետևում եմ դիզայներների աշխատանքներին, որոնք աշխատում են մինիմալիստական ոճով: «Օվկիանոս և արևադարձ» էկզոտիկ հավաքածուի ստեղծման համար ես հիմք ընդունեցի աբստրակցիան և քաղաքի լույսերը: Շվեդական բնությունը մինիմալիստական է, ինձ թվում է՝ այն կարելի է լրացնել էկզոտիկ պատկերներով և վառ գույներով:

Ի՞ՆՉ ԱՍԵԼ Է ԱՇԽԱՏԵԼ ORIFLAME ԸՆԿԵՐՈՒԹՅԱՆ ՀԱՄԱՐ ԱՔՍԵՍՈՒԱՐՆԵՐԻ ՀԱՎԱՔԱԾՈՒԻ ՎՐԱ
Հոյակապ է, այնքան հաճելի է լինել այսքան տաղանդավոր մարդկանց հետ մեկ թիմում: Մենք կես բառից հասկանում ենք միմյանց, նրանք օգնում են, որ իմ գաղափարները ձև ստանան: Չեմ կարող բացատրել այն զգացումը, երբ առաջին անգամ իմ աշխատանքը տեսա կատալոգում, կայքում և կոնֆերանսին: Հպարտություն, երջանկություն և հաճույք: Մի զվարճալի պատմություն. մի անգամ Օրիֆլեյմի հետ պայուսակ ստեղծեցինք, որի վրա՝ որպես հեղինակի, նշված էր իմ անունը: Իսկ հետո՞: Ես ստացա ընկերության տասնյակ առաջարկներ Լատինական Ամերիկայի խորհրդատուներից, ինչպես նաև մի քանի հաղորդագրություն ընկերներիցս ու ծանոթներիցս: Ես բավականին ամաչկոտ մարդ եմ, հաճախ դժվար է հաղթահարել ուշադրության ավելցուկը: Եվ այդպիսի արձագանք ես չէի սպասում:

Ի՞ՆՉՆ Է ՁԵԶ ՀԱՄԱՐ ԱՄԵՆԱԿԱՐԵՎՈՐԸ
Լինել և մնալ ինքս ինձ հավատարիմ, անկեղծ և հարգանքով վերաբերվել մարդկանց: Բնությունն ու կայուն զարգացումը: Կարծում եմ՝ այս ամենը կապված է: Ինձ համար շրջակա միջավայրի հանդեպ հոգատարությունը նորաձևություն չէ: Ես այդպես կուզենայի ապրել ողջ կյանքս: Ես շատ եմ գնահատում Օրիֆլեյմի հետ համագործակցությունս, այս ընկերությունը բոլորովին նման չէ «մեկանգամյա» ֆեշն-բիզնեսի: Երբ մտածում եմ հավաքածուններ և արտադրանքներ, դրանք չեմ նախատեսում մեկ ամսվա համար, այլ մի քանի սեզոնի: Ինչո՞ւ է դա կարևոր: Գնորդները ստիպված չեն լինի գնել ավելին, կարիք էլ չկա դեն նետել հոգնեցրած իրերը՝ նորերը գնելու համար: Բյուջեի խնայողություն, բնության պահպանություն. սա կարևոր է: Սիրով կաշխատեմ աքսեսուարների ևս մեկ հավաքածուի վրա՝ կայուն զարգացման սկզբունքներով: Oriflame -շվեդական ընկերություն, որը գիտեն և հարգում են բոլորն ամբողջ աշխարհում: Ես զգում եմ, որ իմ աշխատանքը աշխարհն ավելի լավն է դարձնում: 

ՊԱՏՄԵՔ ԱՔՍԵՍՈՒԱՐՆԵՐԻ ԱՄԱՌԱՅԻՆ ՀԱՎԱՔԱԾՈՒԻ ՄԱՍԻՆ. ՈՐՈ՞ՆՔ ԵՆ ԱՄԵՆԱՍԻՐԵԼԻ ԻՐԵՐԸ
Նախ, կապտանարնջագույն պատկերներով շարֆերի հավաքածուն: Դրանցից յուրաքանչյուրը կարելի է տարբեր կերպ օգտագործել. որպես թոփ, կիսաշրջազգեստ, գոտի, պայուսակ կամ գլխակապ: Հրաշալի աքսեսուար է ամռան համար, այն շատ տեղ չի գրավի պայուսակում:

Երկրորդը, հարդարանքի պայուսակով լազերահատ պայուսակն է: Այն կարելի է և՛ լողափ տանել, և՛ գրասենյակ. տարողունակ չափ և ունիվերսալ ձևավորում:

Եվ երրորդը, զարդերը: Ես սիրում եմ ունիվերսալ լուծումներ: Գործնական հանդիպո՞ւմ. օգտագործի՛ր նրբագեղ մեխիկները, որոնք հարմար են ցանկացած հավաքածուի համար: Երեկո՞ւյթ. Մեխիկներից կախիր նաև թերթիկ-կախազարդերը, ավելացրու նաև ապարանջան կամ ոսկեգույն մետաղից պայուսակի փոկը: Ուզում ես ավելի վառ կերպա՞ր: Ավելացրու նաև բյուրեղիկներով կախազարդերը:

Տեքստ Ֆոտո Ֆրիդա Սաթթերբերգ