Ուրախացրու գլխամաշկդ՝ մերսմամբ
Արդեն գլուխ լվանալու ժամանա՞կն է: Գլխամաշկի մերսիչը քեզ հաստատ պետք կգա. այն շատ հարմար է գանգուր մազերի համար: Մերսիչը խթանում է արյան հոսքը, նրբորեն շերտազատում է, ազատում է սթրեսից, հեռացնում աղտոտվածությունը և սեբումի ավելցուկը: Բայց կարևոր է շատ ուժեղ չսեղմել, որպեսզի խուսափես գլխամաշկի գրգռվածությունից: Պարզապես մերսիր գլուխդ շրջանաձև գործողություններով՝ մերսիչն անընդհատ նրբորեն սեղմելով։
Թաց մազերը հիանալի տեսք ունեն
Եթե ուզում ես ունենալ գեղեցիկ ու բնական գանգուրներ, պարտադիր մշակիր դրանք, քանի դեռ թաց են: Սկսի՛ր մուսից՝ ծավալի ավելացման համար. այն գանգուրներին խոնավություն և հստակություն է հաղորդում, ապա օգտագործիր գանգրության էֆեկտն ուժեղացնող միջոց: Քսիր արտադրանքները արմատից մինչև ծայրերը, մատներով սանրիր մազերդ: Այսքանն արեցի՞ր: Ուրեմն անցիր «սեղմիր և թափահարիր» վարժությանը: Սա շատ հեշտ տեխնիկա է. առանձնացնում ես մազի մի փոքր շերտ, դնում ես ափդ նրա ներքևում և սկսում ես բարձացնել շերտը ներքևից վերև՝ միաժամանակ սեղմելով այն ափով: Հեշտ է, չէ՞:
Թող մազերդ օդում չորանան
Որպեսզի գանգուրները չփչանան, թույլ տուր, որ դրանք իրենք իրենց չորանան: Բայց մինչ այդ, գլուխդ փաթաթիր միկորֆիբրայից սրբիչով, թող 10-15 րոպե: Սրբիչի կտորը հրաշքներ է գործում՝ նվազեցնելով գանգուրների վնասման հավանականությունը․ ջրի մի մասը ներծծվում է, արդյունքում մազերը ավելի արագ են չորանում: Սրբիչը հանելուց հետո մազերդ համարյա չոր կլինեն։
Խոնավացում, խոնավացում, խոնավացում
Գանգուրներին անհրաժեշտ է խոնավություն և շատ: Այնպես որ պահուստավորվիր առատ կոնդիցիոներներով, դիմակներով և մազերի յուղերով: Խոնավացման հաճախականությունը կախված է մազերի հյուսվածքներից և քո սանրվածքից: Ավելի խիտ, առաձգական գանգուրը կարող է պահանջել ամենօրյա խոնավացում (դա չի նշանակում, որ պետք է չարաշահել շամպունով լվացումը. դրա փոխարեն, պարզապես ավելացրու յուղ մազերի խնամքին), ավելի թեթև, ազատ գանգուրները խոնավացրու օրը մեջ կամ շաբաթական մի քանի անգամ:
Մի մոռացիր սանրի մասին
Մատները լավ գործիք են, բայց երբ գործը հասնում է գանգուր մազերը սանրելուն, սանր է անհրաժեշտ: Իսկ գիտե՞ս՝ ինչն ավելի լավ կլիներ սովորական սանրից: Իհարկե՛ երկկողմանի սանրը։ Բարեբախտաբար, մենք ունենք հենց այդպիսի մի սանր: Լայն, ոչ խիտ ատամներով կողմն օգնում է զգուշորեն առանձնացնել մազերը և հավասար չափով տարածել միջոցը, իսկ երկրորդ կողմն ավելի խիտ ատամներ ունի, հարմար է մազերի հարդարման և հարթեցման համար: Իդեալական դիզայն՝ գանգուր մազերի համար:
