Որպես կանոն, այն , ինչ մենք տեսնում ենք փաթեթավորման դիմացի հատվածում, ստեղծված է, որ ուշադրություն գրավի և համոզի մեզ գնել արտադրանքը: Իսկ գուցե գրություններն են շփոթեցնող։
Մարլեն․ Ճիշտ է: Չնայած որ սննդամթերքների մասին տեղեկությունը խիստ կարգավորվում են շատ երկրներում, այնուամենայնիվ փաթեթավորման վրա որոշակի պնդումներ կարող են արտադրանքը ավելի օգտակար ներկայացնել, քան իրականում կա՝ «ավելի քիչ ճարպ», «քիչ շաքար», «հարուստ սպիտակուցներով» և այլն: Ամենայն հավանականությամբ, այս հայտարարությունների մեջ ոչ մի վատ բան չկա, բայց, անվտանգության նկատառումներից ելնելով, ավելի լավ է ստուգել, թե ինչ է գրված փաթեթի հետևի մասում՝ ինչից է բաղկացած արտադրանքը և որն է դրա էներգետիկ արժեքը։ Դա կօգնի ավելի գիտակցված ընտրություն կատարել:
Ճի՞շտ է, որ արտադրանք ընտրելիս պետք չէ վերցնել առաջին պատահածը և ավելի լավ է ընտրություն կատարել մի քանի տարբերակների մեջ:
Մարլեն․ Իհարկե: Համեմատեք գոնե երկու արտադրանք, և կարող եք տեսնել բաղադրիչների և էներգետիկ արժեքի տարբերությունը: Տարբերվել կարող են անգամ միանման, բայց տարբեր համերով արտադրանքները: Ես նաև ուշադրություն եմ դարձնում կալորիաների քանակի վրա: Դա կարևոր է, քանի որ, ցավոք, մեզանից շատերը դրանք չարաշահում են: Պիտակների վրա հաճախ նշում են կալորիաների քանակը՝ 100 գ-ում: Այս տեղեկությունը կօգնի ձեզ համեմատել արտադրանքները, բայց նկատի ունեցեք, որ չափաբաժինների չափը տարբեր արտադրողների մոտ կարող է տարբերվել:
Էլ ի՞նչ է կարևոր իմանալ արտադրանք ընտրելիս:
Մարլեն․ Հետաքրքիր փաստ է․ «բաղադրություն» սյունակում բաղադրիչները թվարկված են ըստ արտադրանքում իրենց պարունակության՝ շատից քիչ: Սովորություն դարձրեք ուշադրություն դարձնելու առաջին 3 բաղադրիչներին, քանի որ հենց դրանք են հանդիսանում արտադրանքի հիմքը։
Կիսվեք պրոդուկտիվ գնումների գաղտնիքներով՝ կա՞ արդյոք ինչ որ հատուկ բան, որը պետք է հաշվի առնել:
Մարլեն․ Եթե նախաճաշի համար ընտրում եք հաց կամ վարսակի փաթիլներ, փնտրեք այնպիսի տարբերակներ, որոնք հարուստ են ամբողջական ձավարեղենով, բջջանյութով և ունեն շաքարի ցածր պարունակություն: Այնպիսի պրոտեինային կոկտեյլների , դեպքում, ինչպիսիք են Natural Balance-ը , ուշադրություն դարձրեք սպիտակուցի քանակին, բայց մի մոռացեք քաղցրացուցիչների մասին․ բաղադրության մեջ կարող է ավելացված լինել շաքարի մեծ քանակություն: Պատրաստի ուտեստները կարող են մեծ քանակությամբ ճարպեր պարունակել։ Ես կնախընտրեի տարբերակներ, որոնք պարունակում են ավելի շատ չհագեցած և ավելի քիչ հագեցած ճարպեր:
Պե՞տք է օգտագործել վերամշակված արտադրանքներ, թե՞ ավելի լավ է միշտ սեփական ձեռքերով պատրաստել։
Մարլեն․ Վերամշակված սնունդը, իհարկե, զիջում է թարմ տնական ուտեստներին բազմաթից առումներով, բայց կյանքի հագեցած տեմպի պատճառով դրանք անհրաժեշտություն են դարձել։ Կարևոր է նախընտրություն տալ այն արտադրանքներին, որոնք հարուստ են սպիտակուցներով և բջջանյութերով, քան այն արտադրանքներին, որոնք վերամշակման բարձր մակարդակ ունեն։ Դրանք արտադրանքներ են, որոնց մասին մտածելիս անգամ կարող ես կորցնել քեզ՝ բուրգերներ, ֆրի կարտոֆիլ, չիփսեր, թխվածքաբլիթներ և տորթեր: Համե՞ղ է՝ անկասկած: Մի ստուգեք փաթեթավորումը՝ նրանց մեծամասնությունը պարունակում են շատ կալորիաներ, շաքար, աղ և ճարպեր, և քիչ քանակությամբ անհրաժեշտ սննդանյութեր: Դա չի նշանակում, որ պետք է մոռանալ նման արտադրանքների մասին, պետք է պարզապես սահմանափակել քանակը, այնպես, որ ձեր սննդակարգի հիմքում ավելի օգտակար և բալանսավորված սնունդ լինի։
Կա՞ ավելի հեշտ տարբերակ բազմազանության մեջ գտնելու օգտակար արտադրանքներ:
Մարլեն․ Իհարկե: Որոշ երկրներում արտադրանքները նշվում են լոգոտիպով, որը փաստում է շաքարի և աղի ավելի քիչ պարունակության, բջջանյութերի շատ պարունակության, բաղադրության մեջ օգտակար ճարպերի առկայության մասին: Շվեդիայում դա բանալու կանաչ անցքի պատկեր է: Ստուգեք՝կա նմանատիպ նշան ձեր երկրում:
Եզրափակենք․ միշտ համեմատեք նմանատիպ արտադրանքները, ուսումնասիրեք բաղադրությունը և էներգետիկ արժեքը, ուշադրություն դարձրեք կալորիաներին, քիչ կերեք ճարպերի, աղի և շաքարավազի մեծ պարունակություն ունեցող վերամշակված սնունդ և իմացեք՝ կա՞ ձեր երկրում նշան, որով նշվում են օգտակար արտադրաննքերը: Սրանք հիանալի խորհուրդներ են, որոնք կօգնեն ավելի արագ և գիտակցված գնումներ կատարել:
