Հենց սկզբում բացահայտենք մեկ գաղտնիք. մեկնարկային կապիտալի բացակայությունն ընդհանրապես չի կարող խոչընդոտ լինել սեփական բիզնեսը հիմնելու համար: Սթարթափի համար գոյություն ունեն գումար ստանալու բազմաթիվ միջոցներ, դրանք ոչ միայն գրանտներն են, վարկերն ու անտոկոս փոխատվությունները, այլև քրաուդֆայնդինգը (պոտենցիալ հաճախորդների որոնումը): Այնուամենայնիվ, կան բիզնեսի տիպեր, որոնց համար անհրաժեշտ չէ սկզբնական ներդրումներ: Այսինքն՝ անհրաժեշտ են, սակայն դրանք չեն հաշվարկվում դրամական տեսքով: Առաջարկում ենք ուսումնասիրել դրանցից մի քանիսը:
Ձեռքի աշխատանք
Հմուտ ձեռքեր ունենալու դեպքում կարող ես վաճառել քո ձեռքի աշխատանքները: Ընդ որում, եթե դու նկարիչ ես, ապա քո ներդրումները սահմանափակվում են միայն նյութերով, որոնց օգնությամբ ստեղծում ես քո արվեստը: Կան հարմար հարթակներ, որոնց հետ աշխատում են բազմաթիվ նկարիչներ, դրանք են Etsy-ն, eBay-ը կամ Amazon-ը:
Օգնել տան հարցերով
Ծառայություններ մատուցելու համար քո արտադրանքի օրինակը ստեղծելու նպատակով ներդրումներ կատարելու անհրաժեշտություն չկա: Իսկ տան հարցերով ծառայություններ մատուցելու դեպքում բոլորովին էլ պետք չէ ունենալ գրասենյակ. oգնել մարդկանց շների հետ զբոսնելու հարցում (անգամ առանց հատուկ կրթության), իսկ բժշկի կամ ուսուցչի դիպլոմ ունենալու դեպքում՝ կարող ես մտածել նաև որպես դայակ աշխատելու ուղղությամբ:
Վերանորոգել
Տեխնիկական հմտություններ ունենալու դեպքում՝ կարող ես դրանք վերածել եկամտի աղբյուրի: Ընդ որում պարտադիր չէ կատարել միայն տան աշխատանք, YouDo հարթակի օգնությամբ կարող ես նաև մատուցել արտագնա ծառայություններ:
Բացի այդ, պրոֆեսիոնալ մասնագետ դառնալու համար քեզ անհրաժեշտ է ներդնել գումար արտադրանքը ստեղծելու և գրասենյակ վարձակալելու համար: Հնարավոր է՝ քո ամենախոշոր ներդրումը կլինի գործիքների հավաքածուի հայթայթումը:
Խորհրդատվություն
Շատ մարդիկ չեն շտապում հիմնել սեփական բիզնեսը՝ մինչև խոշոր ընկերություններում բավականաչափ փորձ չկուտակեն: Եթե վաղուց ես աշխատում որևէ ոլորտում, ապա սթարթափերները կամ երիտասարդ մասնագետները երջանիկ կլինեն ստանալ քո խորհրդատվությունը: Խորհրդատվական ծառայությունները չեն պահանջում նյութական արտադրանքի ստեղծում, իսկ դա նշանակում է, որ քո ներդրումները կսահմանափակվեն միայն քո ժամանակով:
Վաճառել կոսմետիկա
Բիզնես-մոդելը շատ պարզ է. դու գնում ես կոսմետիկա արտադրողից և վաճառքում քո ծանոթներին: Օրիֆլեյմ ընկերությունում մեկնարկի համար անհրաժեշտ չեն լուրջ ներդրումներ, միայն աննշան գին՝ գրանցվելու համար: Բացի այդ, Օրիֆլեյմն ունի Հաջողության ծրագիր՝ գործող մարտավարություն, որը կօգնի ոչ միայն ստանալ անհապաղ եկամուտ, այլև հիմնել մեծ եկամուտ ապահովող իրական բիզնես: Դու կարող ես աշխատել առցանց և աշխատանքին տրամադրել այնքան ժամանակ, որքան գտնում ես ճիշտ: Պայմաններին առավել մանրամասն կարող ես ծանոթանալ այստեղ:
Զբաղվել միկրո ձեռնարկատիրությամբ
Դու կարող ես հիմնել սեփական գործ՝ չհիմնելով բիզնես որպես այդպիսին: Դրա համար կարող ես օգտվել հարթակային մոդելներից մեկից. կարող ես դառնալ վարորդ՝ գրանցվելով Uber-ում, կամ ստանալ եկամուտ՝ բնակարանը վարձակալության տալով AirBnB ծառայության միջոցով:
Այն բանից հետո, երբ քո առաջին սթարթափը կաճի ու կբերի իրական եկամուտ, դու կարող ես ներդնել արդեն դրա զարգացման վրա կամ սկսել նոր գործ, որի մասին դեռ վաղուց ես երազել, սակայն քեզ չէր բավականացնում հենց այդ մեկնարկային կապիտալը:
