Մանկություն են անվանում ծնունդից երիտասարդություն ընկած ժամանակահատվածը: Ըստ Ձերդ թագավորական մեծության՝ ինչի՞ կարիք են ունենում երեխաները զարգացման այդքան կարևոր ժամանակահատվածում:
Երեխաներն ունեն սիրո, հոգատարության և առանց վախի ու կյանքի անկայունությունը զգալու մեծանալու հնարավորության կարիք ավելի, քան սննդի և գլխավերևում տանիքի կարիք: Ցավոք, շատ երեխաներ ամբողջ աշխարհում ենթարկվում են շահագործման ու արժանանում են դաժան վերաբերմունքի, այդ պատճառով նրանց մանկությունը դժվար է անվանել ապահով և երջանիկ:
Ինչպե՞ս է Համաշխարհային մանկական ֆոնդը նպաստում ամբողջ աշխարհում երեխաների առաջին անհրաժեշտության պահանջները բավարարելուն:
Մենք հավատում ենք, որ բոլոր երեխաներն ունեն իսկապես երեխա լինելու իրավունք. ասել է, թե իրենց զգալ պաշտպանված և երջանիկ, խաղալ և չարաճճիություններ անել, լինել հետաքրքրասեր և ճանաչել աշխարհը: Համաշխարհային մանկական ֆոնդն աջակցում է ավելի քան 100 նախագիծ: Մենք օգնում ենք երեխաների, որոնք դարձել են կամ կարող են դառնալ դաժան վերաբերմունքի զոհ, ինչպես նաև երեխաների, որոնք ստանում են լրացուցիչ խնամք, աջակցում ենք անօթևան երեխաներին ու ընտանիքներին, որոնք հայտնվել են կեցության դժվար իրավիճակում: Մեր ֆոնդը ոչ միայն ֆինանսական օգնություն է տրամադրում, այլև կարգավորում է ռազմավարական միջոցների օգտագործումը, նաև մեծացնում է համագործակցության հնարավորությունները: Մենք ողջունում ենք համագործակցությունը, գիտելիքների փոխանցումը և բարեգործական նախաձեռնությունները, որոնք ուղղված են կարիքավոր երեխաներին օգնություն ցուցաբերելուն: Մեր աշխատանքում կարևորում ենք որակի արդյունավետության, ծախսերի ռացիոնալացման սկզբունքները:
«Յուրաքանչյուր երեխա արժանի է սիրո»
Օրիֆլեյմ ընկերությունը ևս կիսում է երեխաներին աջակցելու ձգտումը, և մենք կարծում ենք, որ մեր օգնությունը երեխաներին երազելու հնարավորություն է տալիս: Ըստ Ձերդ թագավորական մեծության՝ ինչպիսի՞ աղերսներ ունի դա Համաշխարհային մանկական ֆոնդի գործունեության հետ:
Ես հարգանքով եմ վերաբերվում Օրիֆլեյմի ֆոնդի աշխատանքին, որն ուղղված է աջակցելու երեխաներին: Լինելով Համաշխարհային մանկական ֆոնդի համահիմնադիրներից մեկը՝ Օրիֆլեյմը սերտորեն համագործակցում է մեզ հետ արդեն 15 տարի և այս ընթացքում նրանց հաջողվել է հավաքել համարյա 2 մլն եվրո: Օրիֆլեյմի նոր նախաձեռնությունը ներկայացնում է ընկերության հստակ դիրքորոշումը՝ օգնել երեխաներին իրականացնել երազանքները՝ պարգևելով նրանց երջանիկ մանկություն: Յուրաքանչյուր երեխա պետք է ունենա երազելու և այդ երազանքի իրականացմանը հասնելու հնարավորություն:
«Միասին մենք կհասնենք նրան, որ յուրաքանչյուր երեխա կպահպանի մանկության մասին երջանկ հուշեր»:
Ինչպիսի՞ն կցանկանար Ձերդ թագավորական մեծությունը տեսնել Համաշխարհային մանկական ֆոնդի ապագան:
Հուսով եմ, որ կշարունակենք աճել որպես ընկերություն, որպեսզի ավելի շատ երեխաներ աշբողջ աշխարհում ստանան մեր աջակցությունը: Բռնությունն ու շահագործումը հանդիպում են աշխարհի բոլոր համայնքներում: Կուզենայի համոզված լինել, որ յուրաքանչյուր մեծահասակ գիտակցում է երեխաներին պաշտպանելու անհրաժեշտությունը և գտնում է հնարավորություններ աջակցելու այն կազմակերպություններին, որոնք օգնում են երեխաներին տարբեր համայնքներում: Ահա, թե ինչու ես նախաձեռնեցի «Շնորհակալություն մանկությունից» արշավը, որպեսզի մարդիկ հիշեն իրենց մանկության ամենաերջանիկ պահերը և ասեն շնորհակալություն նրանց, ովքեր դարձրել են այդ պահերը երջանիկ: Միասին կհասնենք նրան, որ յուրաքանչյուր երեխա կունենա երջանիկ հիշողություններ մանկությունից:
|
ՍԻՐՈ ԽՈՍՏՈՒՄ Ծաղկային փնջի արքայավայել, առատաձեռն, կանացի ու նուրբ նոտաները նման են քնքուշ գրկախառնության և երեխայի անմեղ համբույրի. այն կհպվի քո հոգու ամենանվիրական լարերին: Ազնվական շուշանի նուրբ բույրը հետք կթողնի քո սրտում: ՆՎԻՐԻ՛Ր ԵՐԵԽԱՅԻՆ ՔՈ ՍԵՐԸ Գնելով Tenderly Promise հարդարաջուրը՝ դու դառնում ես բարեգործական ակցիայի մասնակից և օգնում երեխաներին: |
 |
