20 տարի առաջ՝ 2003 թվականին Oriflame ընկերությունը բացեց իր պաշտոնական գրասենյակը Երևանում: 2003-ից ի վեր ընկերությունը դարձել է սոցիալական վաճառքներով զբաղվող #1 ընկերությունը Հայաստանում, Oriflame-ն ընդլայնվել է Հայաստանի ողջ տարածքով՝ բացելով սպասարկման կետեր բոլոր մարզերում, իսկ հաճախորդների համար ստեղծել բոլոր հնարավորությունները առցանց պատվիրելու գեղեցկության ու խնամքի համար նախատեսված լավագույն արտադրանքները և ստանալու իրենց պատվերը հանրապետության ցանկացած կետում:
Բացի հրաշալի արտադրանքներից ընկերությունը նաև առաջարկում է սեփական բիզնեսը ստեղծելու հնարավորություններ: Վերջին 20 տարիների ընթացքում ընկերությանը միացել են տասնյակ հազարավոր մարդիկ ու ստացել հնարավորություն իրապես բարելավելու իրենց կյանքի որակն ու իրականություն դարձնելու իրենց ամենահամարձակ երազանքները:
Լինելով գեղեցկության ու նորաձևության խաչմերուկում Oriflame-ն իր ներդրումն ունի ոլորտներից յուրաքանչյուրի զարգացման գործում:
2015 թվականից Oriflame Հայաստանը մեկնարկեց հայաստանյան նորաձևության ոլորտում աննախադեպ ու խոշոր նախագիծ՝ Oriflame Fashion Night-ը, որը 2018-ին արդեն վերածվեց Oriflame Fashion Weekend-ի: Նախագիծը միավորեց հայաստանյան լավագույն դիզայներներին մեկ հարթակում, ինչպես նաև հնարավորություն տվեց սկսնակնակ դիզայներներին ևս ներկայանալու հանրությանը:
2019-ից Oriflame Հայաստանը միավորեց նաև գեղեցկությանը սիրահարվածների հանրությունը՝ մեկնարկելով Oriflame Beauty Award դիմահարդարների մրցույթը: Մրցույթին հայտ ներկայացնելու և մասնակցելու հնարավորություն ունեն ինչպես փորձառու, այնպես էլ սկսնակ դիմահարդարները: Մրցույթի հաղթողը, որին ընտրում է պրոֆեսիոնալ ժյուրին, հնարավորություն է ստանում մեկ տարի շարունակ համագործակցելու միջազգային ընկերության հետ՝ ամենատարբեր ու հետաքրքիր նախագծերում: Առանձնանում էր Oriflame Beauty Award 2020-ի եզրափակիչը, երբ մասնակիցները հնարավորություն ստացան համագործակցելու նորաձևության ոլորտի լավագույն դիզայներների հետ՝ համատեղ ստեղծելով 6 խորհրդանշական կերպար՝ հույսի, վերածնունդի ու զորավոր ապագայի մասին:
Oriflame ընկերության համար կարևոր է նաև սոցիալական պատասխանատվությունը բոլոր այն երկրներում, որտեղ այն պաշտոնապես ներկայացված է: Բացառություն չէ նաև Հայաստանը, որտեղ ընկերությունը ներգրավված է ինչպես բնապահպանական, այնպես էլ բարեգործական ծրագրերում: Այս համագործակցությունների մեջ առանձնանում են մանկատներին ուղղված աջակցությունը, TUMO ստեղծարար տեխնոլոգիաների կենտրոնի և Հայաստանի մանուկներ հիմնադրամի (COAF) հետ համագործակցությունը, որի շրջանակներում սահմանամերձ գյուղերում բնակվող երեխաները հնարավորություն էին ստանում սովորել TUMO ստեղծարար տեխնոլոգիաների կենտրոնում, իսկ առավել հաջողված նախագծերի հեղինակ երեխաները պարգևատրվում ընկերության կողմից:
Առանձնակի հուզիչ ու տարբերվող էր նաև 2020-ի Ամանորը, երբ Oriflame Հայաստանի աշխատակիցների և գործընկերների օգնությամբ իրականություն դարձան Հայաստանում և Արցախում ապրող, պատերազմի հետևանքով տուժած ընտանիքների փոքրիկների ցանկությունները:
20 ամյակի շրջանակներում Oriflame Հայաստանը վերսկսում է իրա համագործակցությունը և Հայաստանի մանուկներ հիմնադրամի (COAF) հետ: Հետևի՛ր նորություններին՝ նոր նախագծի մանրամասներին տեղեկանալու համար:
Հետևելով Oriflame գլոբալ բնապահպանական ծրագիրն, որի շրջանակներում առանձնակի ուշադրություն է դարձվում Oriflame ապրանքանիշի միջոցների արտադրությանը և փաթեթավորմանը. բոլոր լվացվող միջոցները ստեղծվում են բնական և ջրային միջավայրում կենսաքայքայվող նյութերից, սկրաբները միմիայն բնական միկրոմասնիկներով են պատրաստվում, տարաները աստիճանաբար վերամշակված պլաստիկից են պատրաստվում, իսկ փաթեթավորման համար օգտագործվող ստվարաթուղթը վերականգնվող անտառներից է ստացվում, 2020-ին սկսվեց Oriflame Հայաստանի և ISSD հասարակական կազմակերպության համագործակցությունը՝ օգտագործված կոսմետիկ տարաների վերամշակումն ապահովելու համար: Այժմ ցանկացած ոք կարող է մոտեցնել մաքուր ապակե, պլաստիկե և թղթե թափոնները Oriflame գրասենյակ, իսկ ընկերությունը կուղարկի դրանք վերամշակման:
Այս ամենը միայն մի փոքր մասն է այն ամենի, ինչ իրագործել է Oriflame Հայաստանը իր գործունեության 20 տարիների ընթացքում: Բայց վստահորեն կարող ենք ասել, որ սա միայն սկիզբն է, առջևում դեռ սպասվում են նոր նախագծեր ու իրադարձություններ:
