Դիմահարդարվի՛ր պրոֆեսիոնալի նման. լավագույն մեյք-ափ լայֆհաքերը Գալինա Իլյինայից

Լայֆհաք #1. քողարկիչ, որը չի հավաքվում ծալքերում

Եթե դիմահարդարումը պետք է մնա ոչ միայն օրվա ընթացքում, այլև դրան հաջորդող միջոցառմանը, ապա երկու ապրանքանիշ քեզ կօգնեն ճիշտ թաքցնել աչքերի տակի մուգ շրջանակները, և դիմահարդարումը չի ծորա:

Նախ, տարածի՛ր The One փրայմերը՝ ծակոտիները վիզուալ փոքրացնելու համար.այն կհարթեցնի մաշկը, և քողարկիչը չի հավաքվի: Այնուհետ՝ սիրելի քողարկիչը՝ քողարկման համար: Ինձ դուր են գալիս The ONE-ի միջոցներն.  ավելի թեթև IlluSkin-ը հարմար է չոր մաշկի համար, իսկ EverLasting-ը՝ յուղոտ և խնդիրներով մաշկի համար: Տարածման կատարյալ տարբերակը՝ մատնեմատով է, հարվածող շարժումներով:

Եվս մեկ լայֆհաք քողարկչի օգնությամբ. բարակ վրձնով վերցրու և ներքևից ընդգծիր հոնքերի կորությունը: Հոնքերի ներքևի հատվածով բարակ գիծ անցկացրու հիմքից մինչև պոչիկը: Այսպես ձևն ավելի հստակ և կոկիկ կլինի:

Լայֆհաք #2. սևաներկ՝ գծաներկի փոխարեն

Երբ դիմահարդարման համար քիչ ժամանակ կա, կփրկի կրկնակի էֆեկտով THE ONE Double Effect սևաներկը: Սկսի՛ր երկարեցման համար նախատեսված վրձնից, ինչի համար պտտեցրու վերին նեղ կափարիչը: Վերևի թարթիչները ներկելիս թեթև սեղմի՛ր վրձինը թարթիչների արմատին, այնուհետ ձգիր վերև զիգզագաձև շարժումներով: Սևաներկը հայտնվում է թարթչային եզրագծին և լորձաթաղանթին և հայացքն ավելի արտահայտիչ է դառնում: Եթե ամբողջական սլաքի համար ժամանակ չկա, ապա սա հենց քո տարբերակն է: Այնուհետ փակի՛ր սևաներկը, պտտեցրու ներքևի կափարիչը. երկրորդ շերտը՝ ծավալի համար նախատեսված վրձնով, կավարտի կերպարը և արտահայտչականություն կհաղորդի:

Լայֆհաք #3. մեծացնել աչքերն՝ ուրվագծումով

Ամենօրյա դիմահարդարման ժամանակ ոչ միայն դեմքն ուրվագծման կարիք ունի, այլև աչքերը: Օգտագործի՛ր ուրվագծման The ONE գունապնակը, որպեսզի վիզուալ մեծացնես աչքերը և նրանց ձև հաղորդես: Տարածի՛ր բրոնզերը ծավալուն վրձինով կոպերի ծալքին և ընդգծիր ներքևի թարթիչների եզրը: Ավելացրո՛ւ սնգույր կոպի միջին հատվածին, իսկ հայլայթերով փայլ հաղորդիր աչքի ներքին հատվածին: 

Լայֆհաք #4. ամեն անգամ կատարելապես հավասար սլաքներ

Եթե չի ստացվում համաչափ և կոկիկ պոչիկ նկարել, վերցրո՛ւ այցեքարտ, մոտեցրո՛ւ այն կոպին, կամ կպչուն ժապավենն ամրացրո՛ւ աչքի արտաքին անկյունի մոտ, այնպես, որ այցեքարտի եզրագիծը կամ կպչուն ժապավենը դառնան ներքևի թարթչային եզրի շարունակությունը: Նկարի՛ր տրաֆարետի օգնությամբ կարճ շարժումներով .այսպես քեզ մոտ կստացվի կատարյալ սլաք՝ հավասար պոչիկով: Նորեկներին խորհուրդ եմ տալիս ընտրել ֆլոմաստերի նման գծաներկ. դրանով ավելի հեշտ է աշխատել: Օրինակ, The ONE մարկերը՝ այն հարմար եզր ունի և հագեցած սև երանգ:

Լայֆհաք #5. վառ, բնական հոնքեր

Փարթամ հոնքեր ունենալու համար մազիկները վեր սանրի՛ր, այնուհետ ներկի՛ր կարճ շարժումներով՝ հիմքից դեպի վեր. այսպես բնական արդյունք կստանաս: Մի՛ վախեցիր փորձարկել նոր, ժամանակակից կառուցվածքներով. The ONE հոնքերի քսուքային շրթներկը, որը վերածվում է դիմափոշու, երանգ է հաղորդում, արագ չորանում է և թույլ է տալիս կարգավորել հագեցվածությունը՝ բնականից մինչ վառ և խիտ  հոնքեր: