Casual-ը թարգմանաբար նշանակում է «առօրյա», «անկաշկանդ»: Այս ոճը տարբերվում է իր պրակտիկությամբ և հարմարավետությամբ, սակայն, միևնույն ժամանակ, ունի բավականին խիստ կանոններ: Այս համադրությունը թույլ է տալիս сasual-ն ընկալել՝ որպես գրասենյակային խիստ դրես կոդը փոխարինած ոճ: Այստեղ ֆորմալ սահմանները «կոտրվում» են: Անգամ сasual ոճով աշխատանքի գնալիս՝ մենք վստահ չենք, որ բոլոր սկզբունքները պահպանված են:
Сasual-ը բոլորի մոտ տարբեր է:
Ոճաբանների և ոճի խորհրդատուների մոտ կան dress up և dress down հասկացությունները: Դրանք սահմանում են ոճի ֆորմալ լինելու աստիճանը, որքանով է այն հեռու դասականից և օգնում կերպար ստեղծելիս: Օրինակ՝ ազատ թողած շապիկը dress down է, դա ավելի ոչ ֆորմալ տարբերակ է: Իսկ սպորտային բաճկոնը՝ ավելի ֆորմալ տարբերակ (dress up): Որքան շատ ենք հագուստի մեջ ներառում ոճի դասական էլեմենտները, այնքան ֆորմալ է դառնում ոճը:
Сasual բնութագրերը.
- Դասական ոճից հետո երկրորդն է իր լրջության աստիճանով,
- Մուգ, մոխրագույնի, դարչնագույնի, բեժի, մուգ կապույտի խլեցված պրակտիկ երանգներ: Առավելագույնը երեք երանգ: Նրբագեղ տարբերակում (այո-այո, այդպիսին նույնպես կարող է լինել) թույլատրելի է միայն մեկ գույնը:
- Сasual ոճն իրենից ներկայացնում է ազատ, շարժումները չկաշկանդող հագուստ: Բնորոշ են ուղիղ գծերը և բազմաշերտությունը, բայց ոչ ի վնաս կարգավիճակի և լրջության: Սովորական եռանկյուն կամ ուղղանկյուն: Կանացի կերպարներում չկա ընդգծված գոտկատեղ, այն դեպքում, երբ տղամարդկանց կերպարում այն ավելացնում է խստություն և ֆորմալ տեսք, որն ընդօրինակված է դասականից: Աքսեսուարները չպետք է լինեն շատ կամ թանկարժեք
Հուշում.
Сasual-ը դասականից տարբերելու կարևոր գործոն՝ կայծակ-ճարմանդի առկայություն: Դասական ոճում դա անընդունելի է: Կայծակ-ճարմանդով կարդիգանը, ինչպես և դրա առկայությունը գրպանների վրա, сasual ոճի խորհրդանիշն է: Եթե կերպարում առկա են ավելի քան 3 գույն, աքսեսուարների խաղ, իրերի հետաքրքիր դիզայն, նախշեր և այլն, ապա սա ո՛չ сasual է, ո՛չ էլ առավել ևս, դասական ոճ: Լավագույն դեպքում դա ավելի հանգիստ տարբերակ է, որը կոչվում է smart casual:
Եվ, իհարկե, ամենակարևորը, ինչի մասին անհրաժեշտ է հիշել ցանկացած ոճ ստեղծելիս. հագուստը պետք է համադրելի լինի գույներով, հարմար լինի չափսով և երկարությամբ, ինչպես նաև տեղին՝ կոնկրետ իրավիճակի համար: