Խնամք. գեղեցկություն ներսից և դրսից
Սնունդը, ֆիզիկական ակտիվությունը, մաշկի խնամքը և ներքին վիճակը սկանդինավյան կանանց մոտ գրեթե անբաժան են: Նրանք կողմնակից են գեղեցկության համալիր խնամքին, որը և դառնում է կենսակերպ:
Մարզասրահի փոխարեն շվեդուհիներն իրենց առօրյայում ներառում են ակտիվություն:Աշխատանքի են գնում՝ հեծանվով, ընկերուհիների հետ հանդիպում են այգում և ոչ թե մոտակա սրճարանում՝ կրուասանով սուրճի սեղանի շուրջը: Արդյունքը՝ առույգություն, հրաշալի ինքնազգացողություն, ծաղկող վարդագունում: Եվ ոչ մի անհանգստություն ժամկետնանց բաժանորդագրության մասին:
Խնամքում նախընտրում են մինիմալիզմն ու ֆունկցիոնալությունը՝ հագեցնելով մաշկը ոչ միայն ներսից, այլև դրսից: Սպիտակուցներ, բջջանյութ, մրգեր, բանջարեղեն, օգտակար ճարպեր և շատ ջուր՝ ահա առողջ սնունդի սկանդինավյան բանաձևը: Բայց անգամ ամենաբալանսավորված սննդակարգի դեպքում, դժվար է ստանալ բոլոր անհրաժեշտ վիտամիններն ու միներալները: Սկանդինավյան աղջիկները գիտեն սրա մասին և հավելումներ ընդունում են ամեն օր և ոչ թե այն ժամանակ, երբ ողջ մաշկը պատված է չորուկներով, իսկ իմունիտետը դավաճանել է:
Դիմահարդարում. զսպվածություն թրենդերում
Սկանդինավյան աղջիները սիրում եմ զուսպ դիմահարդարում, բայց միաժամանակ կարող են փորձարկումներ անել թրենդերով. ընդ որում՝ կուրորեն չեն հետևում դրանց, այլ ընտրում են այն, ինչն ընդգծում է իրենց բնական գեղեցկությունը:
Եթե դեռ պատրաստ չես հրաժարվել վառ դիմահարդարումից և անցնել աննկատին, ապա փորձի՛ր շվեդուհիների սիրելի հնարքները:
Օրինակ՝ ստվերաներկի ընտրություն՝ ըստ աչքերի գույնի՝ հայացքի խորությունն ուժեղացնելու և երանգի հարստությունն ընդգծելու համար.
- Շագանակագույն աչքերի համար ընտրի՛ր ստվերաներկեր կապույտ գունակով՝ երկնագույն, մանուշակագույն, յասամանագույն:
- Կանաչ աչքերի դեպքում, ընտրի՛ր ցանկացած ինտենսիվության երանգեր, որոնցում առկա է կարմիրի ակնարկ՝ դա ողջ գունապնակն է վարդագույնից մինչ բորդո և շագանակագույն:
- Երկնագույն աչքերով աղջիկները պետք է ընտրություն անեն՝ի օգուտ բնական երանգների՝ բեժ, շագանակագույն, ոսկեգույն: Կարելի է նաև համարձակորեն փորձել նարնջագույն երանգներ:
- Մոխրագույն աչքերին հարմար են չեզոք, բայց արտահայտիչ երանգները: Սևը, մուգ շագանակագույնը, արծաթագույնը, բաց մանուշակագույնը:
Ոճ. մինիմալիզմ և հարմարավետություն
Սկանդինավյան ոճը կարելի է բնորոշել երեք բառով՝ ֆունկցիոնալ, լակոնիկ, հարմարավետ: Շվեդական զգեստապահարանի հիմնական թրենդները.
- Մինիմալիզմ: Սկանդինավյան աղջիկները նախընտրում են հասարակ ուրվագիծը և կտրվածք, հանգիստ երանգներ, միագույն կտորներ, իսկ եթե նախշեր՝ ապա միայն դասական (գծեր, վանդակներ, կլորակներ): Ստացվում է շատ ֆունկցիոնալ զգեստապահարան. բոլոր իրերը համադրվում են իրար հետ:
- Պրակտիկություն: Սկանդինավյան աղջկա հագուստը համապատասխանում է նրա ակտիվ կենսակերպին, որի մասին խոսել ենք վերևում, պատրաստված է միայն բարձրորակ բնական կտորներից և երկար կծառայի:Կրում են մի քանի բարակ շերտով, ինչը շատ արդիական է ցրտերի և փոփոխական եղանակի ժամանակ:
- Աքսեսուարներ: Զգեստապահարանն ինքնին հիմքային է և լակոնիկ, այդ իսկ պատճառով կերպարին տրամադրությունը հաղորդում են աքսեսուարների օգնությամբ:
