Նախքան սկսելը, արի՛ հասկանանք, որ ցանկացած բույր մտածված է որպես ամբողջական, ինքնաբավ կոմպոզիցիա: Խաղի կամ փորձի համար կարելի է խառնել սովորական օծանելիքները: Բայց, որպեսզի նորաձև մեթոդն իսկապես աշխատի, քեզ անհրաժեշտ են օծանելիքներ, որոնք մշակված են հատուկ խառնելու համար: Դրանց բույրերի նոտաները կատարելապես համատեղելի են և ներդաշնակորեն միանում և ստեղծում են մի երրորդ՝ բացառիկ բույր: Օրինակ, Օրիֆլեյմի նոր՝ Scentsational ապրանքաշարը:
Գնահատի՛ր հավաքածուդ
Նախ փորձարկումների համար դաշտ առանձնացրու: Բարդ բուրգով հագեցած բույրերն այս գործում պիտանի չեն: Աղմկոտ կոկտեյլը միայն գլխացավ կառաջացնի: Խառնելու համար անհրաժեշտ են մոնոբույրեր՝ մեկ առաջատար բույրով: Որպես կանոն, հենց այդ բույրի անունով էլ կոչվում է օծանելիքը: Ցիտրուսներն ու վանիլը սազում են գրեթե ամեն բանի հետ, բայց ահա ծաղկային բույրերը պետք է զգուշորեն համատեղել: Եթե ցանկանում ես ուժգնացնել որոշակի նոտա՝ օրինակ, հասմիկի բույրը, փորձի՛ր դրան ավելացնել տարբեր բույրեր:
Թեստավորի՛ր թղթի վրա
Փորձի՛ր միավորել բույրերը՝ դրանք ցողելով սպիտակ թղթին, մեկ անգամի համար ոչ ավելի, քան երեք բույր: Փորձարկումներ արա մինչև հետաքրքիր համատեղում ստանալը, հետո միայն՝ տարածիր մարմնիդ: Եթե բույրը մաշկիդ վրա իրեն անկանխատեսելի է դրսևորել, դու այն կարող ես հեշտությամբ հեռացնել յուղի կամ ջրակայուն դիմահարդարումը մաքրելու նամար նախատեսված միջոցի օգնությամբ:
Կախարդա՛նք ստեղծիր
Տարածի՛ր բույրերը՝ ամենահագեցածից մինչև ամենաթեթևը: Տարածի՛ր դրանք մարմնի միևնույն հատվածին, օրինակ՝ դաստակի վրա, առանց սպասելու, որ նախորդ բույրը ներծծվի մաշկի մեջ: Փորձարկի՛ր կառուցվածքները՝ բույրերը կարելի է խառնել ոչ միայն միմյանց, այլ նաև՝ մարմնի համար քսուքի, պարֆյումերացված յուղի կամ նրբաքսուքի հետ: Իդեպ, կառուցվածքների մասին՝ ցնցուղի գելը կամ դեզոդորանտը նույնպես բույր են համարվում: Ընտրի՛ր չեզոք բույրով միջոցներ, որպեսզի դրանք չխառնվեն կոմպոզիցիային:
Փորձարկումը հաստատ կհաջողվի, եթե դու օգտագործես խառնելու համար ստեղծված բույրեր: Scentsational հարդարաջուրը, վարդի կենտրոնական բույրով, կդառնա հիմք կերպարի համար, իսկ խնձորի բույրով պարֆյումերացված ցողաշիթը կօգնի նոր շտրիխ ավելացնել: Յուրաքանչյուր ապրանք կարելի է օգտագործել առանձին կամ միասին՝ ստեղծելով երրորդ՝ բացառիկ բույր:
