Ի՞նչ է անհրաժեշտ իմանալ կերամիդների մասին
Կերամիդները ճարպեր են, որոնք կան մաշկի մեջ: Եթե մաշկի բջիջները համեմատենք աղյուսների հետ, ապա կերամիդները կլինեն ցեմենտը, որը պահում է դրանք միասին: Մարդու մարմինը՝ ունիկալ համակարգ է, որը արտադրում է նրան անհրաժեշտ բոլոր նյութերը, սակայն արտաքին գործոնների և ծերացման գործընթացի ազդեցության տակ մաշկում կերամիդների պարունակությունը կարող է նվազել: Այստեղ էլ գալիս են օգնության կերամիդների պարունակությամբ կոսմետիկ արտադրանքները:
Ինչո՞վ են կերամիդները օգտակար մաշկի համար
• Դրանք ամրապնդում են մաշկի բնական պատնեշը՝ պաշտպանելով այն արտաքին գործոններից, օրինակ՝ աղտոտված շրջակա միջավայրից:
• Կոսմետիկայում առկա կերամիդները նման են բնական ճարպերին, հեշտությամբ ինտեգրվում են մաշկի լիպիդային շերտին՝ վերականգնելով դրա ամբողջականությունը:
• Խոնավացնում են և հաղորդում հակատարիքային էֆեկտ՝ օգնելով մաշկին մնալ հարթ և էլաստիկ:
Ինչպե՞ս են աշխատում կերամիդները
Որպես շինարարական խառնուրդ դրանք լրացնում են միջբջջային տարածությունը: Կերամիդները պահպանում են մաշկի բնական պաշտպանիչ գործառույթները: Նորմալ իրավիճակում մաշկի պատնեշն օգնում է պահպանել խոնավությունը և թույլ չի տալիս ներթափանցել արտաքին ագրեսորներին: Այն դեպքում, երբ կերամիդների պակասի ժամանակ մաշկի պաշտպանիչ պատնեշը թուլացած է, այն հեշտորեն կորցնում է խոնավությունը և դառնում է խոցելի ալերգենների, ագրեսիվ շրջակա միջավայրի և ուլտրամանուշակագույնի համար:
Եթե օրգանիզմն արտադրում է կերամիդներ, ինչի՞ համար է պետք դրանք ավելացնել նաև կոսմետիկայի մեջ
30 տարեկանից հետո մաշկում կերամիդների քանակությունը աստիճանաբար նվազում է և այն դառնում է ավելի հակված չորության և կնճիռների առաջացմանը: Ինչքան քիչ է կերամիդների մակարդակը, այնքան շատ խոնավություն է կորցնում մաշկը՝ դառնալով կոշտ և ջրազրկված: Մաշկի պաշտպանիչ պատնեշի ամրապնդումից բացի, կերամիդներով կոսմետիկ միջոցները կարող են օգտագործվել որպես թերապիա տարբեր մաշկային հիվանդությունների համար:
Ի՞նչ միջոցներում են առկա կերամիդներ
Հիմնականում դրանք հանդիպում են քսուքներում և նրբաքսուքներում, բայց նրանց կարելի է գտնել նաև մաշկի խնամքի այլ արտադրանքներում: Պիտակն ուսումնասիրելիս ուշադրություն դարձրու հետևյալ բաղադրիչներին
• Ceramide համապատասխան с 1, 2, 3, 6 II, EOS, EOP, NG, NP, NS կամ AP
• Cetyl-PG Hydroxyethyl Palmitamide
• Hexadecanamide
Բաղադրիչներ, որոնք անվան մեջ պարունակում են «sphing», օրինակ՝
o N-stearoyl sphinganine
o N-stearoyl phytosphingosine
o α-hydroxy-N-stearoylphytosphingosine
o Caproyl sphingosine
o Phytosphingosine
o Sphingosine
