ՆՅՈՒԴ. Ո՞ՐՆ Է ԳԱՂՏՆԻՔԸ
Բնական դիմահարդարման մեջ օգտագործվում են բնական երանգներ և տեխնիկա, որը միայն ընդգծում է բնատուր գեղեցկությունը: Այս տարի մեզ առաջարկում են անցնել մյուս մակարդակ. աշխատել ներքին գեղեցկության վրա: Ինչպե՞ս: Ավելի քիչ ավելորդ շարժումներ և ավելի շատ բազմաֆունկցիոնալ արտադրանքներ՝ խնամքի համար: Եթե ընդհանրացնենք՝ պետք չէ ժամերով կանգնել հայելու առաջ, որպեսզի հոյակապ տեսք ունենաս:
ՀԱՐՈՒՍՏ ՆԵՐԱՇԽԱՐՀ
Երբ քեզ լավ ես զգում, ավելի հեշտ ու հաճելի է ապրել: Սկսի՛ր նվազագույնից. քնի՛ր նվազագույնը 8 ժամ և օրվա ընթացքում ջուր խմիր: Վերջին նկարահանումներից մեկի ժամանակ մենք մոդելներին հարցրինք՝ ինչպես է նրանց հաջողվում այդքան լավ տեսք ունենալ: Պարզվեց, որ բացի ջրային հաշվեկշռի «վերահսկողությունից», նրանք նաև ժամանակ են հատկացնում պարանոցի մաշկի մերսմանն ու խոնավացմանը. այդպես դեմքն ավելի թարմ տեսք է ստանում: Նկատի կառնենք:
ՄԻ՛ ԲԱՐԴԱՑՐՈՒ
Արդեն խճճվե՞լ ես վրձինների և սրվակների մեջ ու փորձում ես չուշանա՞լ աշխատանքից: Նոր բնական դիմահարդարումը բազմաֆունկցիոնալ արտադրանքների փնտրտուքն է, որոնք կօգնեն խուսափել շտապողականությունից և խուճապից: Օրինակ՝ The ONE A-Z Hydra SPF 30 դեմքի երանգային քսուքը: Խոնավացում, թեթև ծածկույթ և SPF-գործոն. սրանք միջոցի 10+ առավելություններից միայն մի քանիսն էին: Ընդգծի՛ր հայացքդ սիրելի սևաներկով և պատրաստ ես:
Ամփոփում. նոր բնական դիմահարդարումը սեփական անձի անդեպ հոգատարությունն է, ժամանակի խնայողությունը և բազմաֆունկցիոնալության ընտրությունը: Գեղեցկություն՝ իրական կյանքում. ամեն ինչ այնպես, ինչպես սիրում ենք:
