Բնավորություն ունեցող օծանելիք կամ 5 բույր նրա համար

Մեկ բույրը՝ որպես անձնական ոճի խորհրդանիշ, աքսիոմա չէ: Տղամարդկանց համար օծանելիքների հավաքածուն նախատեսված է կյանքի բոլոր իրավիճակների համար, և օգնում է ընդգծել բնավորության տարբեր կողմերն ու ամեն օր ստանալ նոր կերպար: Հինգ բույր՝ հինգ տրամադրություն: Ի՞նչ կընտրես դու:

ԺԱՄԱՆԱԿԱԿԻՑ ՋԵՆԹԼՄԵՆԻ ԻԴԵԱԼԸ

Ռոմանտիկայի, խարիզմայի և ազնվականության պայթյունավտանգ համադրություն՝ նա անգամ չնկատեց՝ ինչ արագությամբ գրավեցիր  նրա սիրտը: Միշտ երազել է հենց քո մասին, բայց չէր էլ կարող ենթադրել, որ կլինես հենց այսպիսինը՝ 21-րդ դարի կատարյալ ջենթլմեն:

Քո բնական հմայքը կընդգծի Debonair  բույրը՝ կեդրի և փայտային-խոտային երանգներով: Կեդրի յուղը հայտնի է իր տոնուսավորող հատկություններով.այն հագեցնում է էներգիայով, հանգստացնում է նյարդային համակարգը, պաշտպանում է դեպրեսիայից և օգնում է ինքնավստահություն ճառագել:

 

 

ՍՈՒՐ ԷՔՍՏՐԻՄ
Գրասենյակում իննից վեցը թղթեր ուսումնասիրել, կրել կոստյում և գնալ բիզնես-լանչերի: Նրա սարսափելի երազը երևի հենց այս սցենարով է: Հիպոթեքի և ծովափնյա հանգստի փոխարեն նա երազում է Էլբրուսը բարձրանալու, էքստրեմալ վարման դասընթացների գնալու, կայակով լողալու և օդապարիկից ցատկելու մասին: Նրանում մեկտեղվում են ադրենալինի ծարավն ու հանգստությունը, հոգևոր ջերմությունը, մեծ որոշումներ ընդունելու կարողությունը:

Արա՛ այն, ինչի համար համարձակություն չի հերիքել, և խթանի՛ր վճռականությունդ Glacier Fire բույրի օգնությամբ: Թարմ և տաք փայտյա նոտաների հակադրությունն անհրաժեշտ պահին էներգիա կհաղորդի:

ԱՐԿԱԾԱԽՆԴՐՈՒԹՅԱՆ ՈԳԻ
Նրա անձնագիրը հարուստ է աշխարհի բոլոր անկյունների վիզաներով, հեռախոսը լիքն է ամենագեղեցիկ վայրերի նկարներով, ուղեցույցներով ու ծրագրերով: Հինգաստղանի հյուրանոցներ և հոսթելներ, վայրի բնություն և ժամանակակից ճարտարապետություն, տեխնոլոգիական Ասիա և խորհրդավոր Արևելք... Նրան հիացնում են երկրագնդի հակադրություններն ու նա երազում է այն ոտքով անցնելու մասին:

Կարծում ես, որ կանգ  ես առել  մեկ կետո՞ւմ: Փորձի՛ր Born to Fly For Him հարդարաջուրը:  Մեքսիկական ագավան, ֆրանսիական նարդոսն ու ճապոնական յուձուն ոգեշնչում կհաղորդեն նոր արկածների համար: Վերցրո՛ւ քեզ հետ սրվակը, որպեսզի բույրը պահպանի հիշողությունները: 

ԱՐԲԵՑՆՈՂ ԿԻՐՔ
Նա հստակ գիտի, թե ինչ է ցանկանում, և կարողանում է ստանալ ցանկալին: Կաշվե բաճկոն, պարզ մարզաշապիկ կամ դասական կոստյում. ոչ մի հագուստ չի կարող թաքցնել նրա հզոր ներքին ուժը և լուրջ, բայց գերող հայացքը, որը լի է կրակով: Հայացք, թեթև ժպիտ շուրթերիդ անկյուններում... նա որսում է ազդանշաններն ու սկսում վտանգավոր խաղը: Նա գիտի, որ հաղթելու է: Նրա համար անհնարին ոչինչ չկա, և նման վստահությանն անհնար է հակադրվել:

Ընտրի՛ր So Fever Together for Him բույրը՝ հրավիրված երեկոների և «այն միակի» հետ ժամադրության համար: Սուր «պիմենտո» պղպեղի բույրը՝ պարուրված եղեսպակի և դարչնի բույրերով, ամեն ինչ կանի քո փոխարեն:

ՄԻՆԻՄԱԼԻԶՄ ԵՎ ԹԵԹԵՎՈՒԹՅՈՒՆ
Վաղ առավոտ, լռություն և ոչ մի շտապողականություն:  Նախաճաշին մեկ բաժակ սուրճ, սիրածդ չորահացն ու լուրերի շարքը: Սառը ջրի կաթիլները ցնցուղի տակ հոսում են մարմնովդ մեկ՝ հեռացնելով քնատության, մտքերի, հուզումների վերջին հետքերը: Այժմ պատրաստ ես նոր օրվա ցանկացած մարտահրավերի՝ կարծես ամեն ինչ սկսելով մաքուր էջից: Հնարավոր է՝ հանգստյան օրեր կամ սովորական աշխատանքային օրեր են՝ լի հոգսերով: Եվ ոճային, բայց անհարմար հագուստ կրելու ցանկություն չկա: Ջինսեր, սպիտակ մարզաշապիկ: Ծանր օծանելի՞ք: Ո՛չ այսօր:

Հանգստի օրերի համար սազական է պարֆյումերացված ցողաշիթը. թարմ կամ թունդ: Այն չի ճնշի շրջապատողներին ո՛չ տրանսպորտում, ո՛չ էլ գրասենյակում, մաշկիդ շատ մոտ լինելով՝ այն տրամադրություն կստեղծի միայն քեզ համար:  

ՆԵՐՔԻՆ ԱԶԱՏՈՒԹՅՈՒՆ
Դպրոց, ինստիտուտ, աշխատանք, ամուսնություն, բնակարանի գնում, թոռներ, ծերություն... ծրագրված կյանքը նրա համար չէ: Նա միայն ինքն իրեն է լսում, կախում չունի ուրիշների կարծիքներից, հետևում է իր բնազդներին,  և անսխալ ընտրում իր ուղին այս կյանքում:

Դառնալ ռոք-աստղ, ընտանեկան բիզնես հիմնել, ապրել մի քանի երկրում և մայրցամաքում: Իսկ ինչո՞ւ ոչ, եթե դա այն է, ինչ իրականում ցանկանում ես: Առօրյան կլանե՞լ է քեզ: Փորձի՛ր դուրս գալ դրա շրջանակներից Be the Wild Legend բույրի օգնությամբ: Այն ազատության իսկական բույրն է: Սաթի, սև պղպեղի և հիբրիդային նարդոսի տտիպ բույրերը քեզ դուրս կբերեն առօրյա գորշ մթնոլորտից և կարթնացնեն նոր գաղափարներ:

Տեքստ Ֆոտո Oriflame

Գնել հիմա

Նմանատիպ հոդվածներ