Գլաֆիրա Տարխանովա, «Դավաճանություններ», ՏՆՏ
Անգործ, հարուստ աղջնակի կերպարի գլխավոր դետալը, որին «Դավաճանություններ» սերիալում մարմնավորել է Գլաֆիրա Տարխանովան, շքեղ խոպոպներն են, այդ պատճառով նրա դիմահարդարումը բավականին արտահայտիչ է և միևնույն ժամանակ զուսպ։ Առաջին հերթին զբաղվիր սանրվածքով։ Խոնավ մազերին տարածիր մուս՝ ծավալ հաղորդելու համար, գլուխը դեպի ներքև պահելով՝ վարսահարդարիչով չորացրու արմատները, մազափնջերը պտտիր խոշոր վարսափաթթուկով։ Այժմ անցնենք դիմահարդարմանը։ Օգտագործիր թեթև, խոնավացնող երանգային հիմք, այն աննկատ է մաշկի վրա, սակայն ապահովում է բնական համաչափ երանգ։ Բեժ-վարդագույն սնգույրով թեթևակի ընդգծիր այտոսկրերը, սա կհաղորդի թարմ ու հանգստացած տեսք, ասես, ամբողջ օրը սպա սրահում ես անցկացրել։ Դիմահարդարումը արտահայտիչ կլինի ընդգծված, խիտ հոնքերի շնորհիվ։ Այս արդյունքին հասնելու համար օգտագործիր մատիտ կամ փայլատ ստվերաներկեր։ Աչքերն ընդգծիր շագանակագույն մատիտով։ Շարժվող կոպին տարածիր բաց երանգի ստվերաներկ, իսկ ավելի մուգ երանգով ընդգծիր վերին կոպի ծալվող գիծն ու թարթիչների աճի ուղղությամբ աչքի կենտրոնական հատվածից դեպի արտաքին անկյունն ընկած հատվածը։ Զգուշորեն տարածիր այնպես, որ գունային անցումները լինեն աննկատ։ Թարթիչներին տարածիր ծավալ հաղորդող սևաներկ, իսկ շուրթերին՝ բեժ-վարդագույն շրթներկ։ Դիմահարդարումը պատրաստ է։ Ժամանակն է հանել վարսափաթթուկները, սակայն սկզբում ստուգիր՝ արդյոք մազերն ամբողջությամբ չորացել են, եթե ոչ, ապա չորացրու վարսահարդարիչի օգնությամբ։ Գլուխդ կախիր, մատներով շտկիր խոպոպները, ցողիր մազերի լաք և գլուխդ կտրուկ հետ տար։ Գանգուրները կլինեն շարժուն և ծավալուն։ Կերպարն ավարտիր սպիտակ եղունգների լաքով։
Մարինա Ալեքսանդրովա, «Ծնված՝ արդեն աստղ», Ռոսիա -1
Եթե քո ծրագրերում կա այցելություն պարահանդես, օրինակ վերցրու «Ծնված՝ արդեն աստղ» սերիալի հերոսուհի Մարինա Ալեքսանդրովայից։ Ո՞ր արքայադուստրը չի երազում բարձր հավաքած մազերի մասին։ Եվ ամենևին էլ անհրաժեշտ չէ այցելել գեղեցկության սրահ, դասական «խխունջ» կարող ես ստանալ ինքդ՝ իհարկե, նախապես վարժվելու դեպքում։ Խոնավ մազերին տարածի՛ր մուս, գլուխդ կախիր ներքև և չորացրու վարսահարդարիչով։ Ճակատին մոտ մազերը գզիր սանրի օգնությամբ, և վերևում զգուշորեն սանրիր։ Այնուհետև պահպանի՛ր գործողությունների պարզ հետևողականությունը․ Մազերը ներքևի հատվածում հավաքիր պոչ, կեմի օգնությամբ այն պտտիր դեպի ներս և վերև՝ վզից դեպի գլխավերև, պոչի ծայրը մտցրու «խխունջի» մեջ և ամրացրու ծամակալների օգնությամբ։ Ահա և պատրաստ է։ Կարելի է անցնել դիմահարդարմանը։ Հաջողության բանալին՝ կատարյալ, ճենապակյա մաշկն է։ Նման արդյունքի հասնելու համար օգտագործիր փայլատություն հաղորդող երանգային հիմք և դիմափոշի։ Շարժվող կոպին տարածիր փայլող մանուշակագույն ստվերաներկ, սև գծաներկով ստացիր արտահայտիչ սլաքներ և տարածիր թարթիչները պտտեցնող սևաներկ։ Ռոմանտիկ կերպարին ավելացրու նուրբ վարդագույն սնգույր և շուրթերի վարդագույն փայլ։
3. Infant terrible
Ինգրիդ Օլերինսկայա, ՍՏՍ
Խորհրդավոր շիկահեր ալ կարմիր շրթներկով՝ կատարյալ տարբերակ ամանորյա երեկույթն ակումբում անցկացնելու համար։ Դու առանց որևէ դժվարության կարող ես կրկնել «Լոնդոնգրադ» սերիալի հերոսուհի Ինգրիդ Օլերինսկու կերպարը, անգամ եթե առօրյա կյանքում նախապատվությունը տալիս ես ջինսե տաբատներին և սպորտային կոշիկներին, իսկ կատարյալ սանրվածքը համարում ես պոչիկը։ Մազերը ձգիր խոշոր կլոր սանրով՝ թեթևակի պտտեցնելով ներս, բացի՛ր եղևնաձև հերաբաժուկ և սանրվածքն ամրացրու մազերի լաքի օգնությամբ։ Կա նաև երկրորդ տարբերակ. Վերցրու բնական մազերից կեղծամ (անպայման առանց ճակատի հերափնջի) և հարդարիր նույն եղանակով։ Իսկ դիմահարդարումն անելն ավելի պարզ է։ Դեմքին տարածիր լուսարձակող մասնիկներով երանգային հիմք, այն մաշկին կհաղորդի փայլ, իսկ թարթիչներին տարածիր երկարություն հաղորդող սևաներկ։ Գլխավոր շեշտը դիր ալ կարմիր շուրթերին։ Շուրթեն ընդգծիր շուրթերի մատիտով, որպեսզի գույնը պահպանվի ավելի երկար և չծորա, իսկ շրթներկը տարածիր վրձնով։
4. ԴիվաՅուլիա Պերեսիլդ, «Լյուդմիլա Գուրչենկո», Ռոսիա -1
Գիշերային դիմակահանդեսի համար նախապատվությունը տուր ամենավառ դերին՝ անմոռանալի Լյուդմիլա Գուրչենկոյին, ում էլ մարմնավորել է Յուլիա Պերեսիլդը։ Գանգուրենր, կարմիր շրթներկ, աչքերին՝ սլաքներ. տարին մեկ անգամ կարող ես քեզ թույլ տալ ամեն ինչ՝ մանավանդ, որ 70-ականներն արդեն երկրորդ սեզոնն է, ինչ գտնվում են նորաձևության կիզակետում։ Նման խոպոպներն ստանալու հարցում քեզ կօգնի մազերը գանգրելու ունելին։ Առանձնացրու մազափունջ, ցողիր մազերի լաք, պտտիր՝ ուղղությունը տալով դեմքից դեպի պարանոց, մազափունջը զգուշորեն հանիր ունելիի վրայից և ամրացրու ծամակալի օգնությամբ։ Դեմքին տարածիր կայուն երանգային հիմք, իսկ այտոսկրերն ընդգծիր փայլող սնգույրի օգնությամբ։ Օգտագործիր մետալիկ էֆեկտով քսուքանման ստվերաներկեր, ոսկեգույնը՝ աչքի ներսի անկյան վրա և հոնքերի տակ, իսկ բրոնզագույնը՝ շարժվող կոպին։ Ստվերաներկերը չորանալուց հետո սև գծաներկով գծիր լայն սլաքներ։ Թարթիչներին տարածիր փայլող ստվերաներկի երկու շերտ։ Այժմ մազերից հանիր մազակալները, մազերը բաժանիր թեք հերաբաժուկով, մատներով թեթևակի թափ տուր գանգուրները և ամրացրու մազերի լաքի օգնությամբ։ Մնում է շուրթերին տարածել կարմիր փայլատ շրթներկ. դու պատրաստ ես քո բեմելին։
