Կանացիության խորհրդանիշից մինչ համարձակ արտահայտումներ՝ հագեցած սև սլաքները կարող են փոխանցել բազմազան տրամադրություններ. ահա թե ինչու սլաքները դարձել են դիզայներների պոդիումային դիմահարդարման սիրելին: Մեկ ցուցադրությանը մասնակցում են տարբեր դիմագծերով և աչքի կտրվածքով աղջիկներ, ինչն ապացուցում է, որ ցանկացած ձևի սլաքները հարմար են բացարձակ բոլորին:
Քայլ 1: Հստակ եղի՛ր
Դիմահարդարման լայֆհաք ինչպես մասնագետի մոտ՝ ինտենսիվ սև գծաներկ՝ ֆլոմաստերի հարմար ձևով, որով այնքան հեշտ է ստեղծել հստակ գծեր և հասնել թարթիչների արմատներին՝ դրանց և սլաքի միջև որևէ տարածություն չթողնելով:
Սկսիր արտաքին անկյունից, օգտագործիր հարմարանքի եզրը, այնուհետ այն ամբողջությամբ հարմարեցրու կոպիդ և գծիր: Կարող ես զգուշորեն ձգել աչքի վերևի անկյունը, այսպես հատվածն ավելի հեշտ կլինի ներկել: Հենց հիմքը պատրաստ լինի, զբաղվիր սլաքի եզրերով. կարելի է ֆլոմաստերը շրջել և օգտագործել հարմարանքը որպես տրաֆարետ: Ուղղակի հարմարեցու այն կոպին և կստացվի եռանկյունաձև համաչափ արտապատկեր, որը կարելի է միացնել հիմնական գծին:
Քայլ 2: Համադրի՛ր կատարյալ երանգով
Ինտենսիվ դիմահարդարումը դրամատիկ սլաքների համադրությամբ կարող է ծանրացնել կերպարը, այդ իսկ պատճառով ամեն ինչ պետք է թեթև լինի: Խառնիր երանգային հիմքը հեղուկ հայլայթերի մի կաթիլի հետ՝ ներսից շողացող տպավորություն ստեղծելու համար կամ խոնավեցնող քսուք ավելացրու, որպեսզի առկայծող փրայմեր ստանաս: Թեթև ուրվագծում արա և մի քիչ դիմափոշի ավելացրու քթին, կզակին և T-աձև հատվածին:
Քայլ 3: Դասականը ժամանակից դարձրո՛ւ
Եթե ընտրել եք դասական սլաքներ, ապա մի՛ վախեցիր համադրել համարձակ շեշտադրումներով՝ օրինակ, անկանխատեսելի վառ մանիկյուր: Այս սեզոնին մանուշակագույնն է արդիական, ինչպես երբեք:
