Կատարյալ երանգ
Սկսի՛ր երանգային հիմքի բարակ շերտից, տարածի՛ր վրձինով կամ հենց մատներով՝ հարթ ծածկույթ ստանալու համար, որը չի ծանրաբեռնի մաշկը: Հիշի՛ր՝ որքան քիչ, այնքան լավ. ահա բնական, առողջությամբ փայլող մաշկի գաղտնիքը: Եթե փոքր անհարթություններ են մնացել, օրինակ ցան կամ դրանից մնացած հետքեր՝ մի՛ փորձիր ծածկել դրանք երանգային հիմքի օգնությամբ: Ավելի լավ է երանգի շերտը թեթևացրու և քողարկիչ ավելացրու:
Ամրապնդի՛ր դիմահարդարումը փխրուն դիմափոշիով: Պարտադիր չէ տարածել ամբողջ դեմքին: Հիմնական հատվածներն են՝ ճակատի կենտրոնական հատվածը, քթարմատը, կզակը և քթի շուրջն ընկած հատվածը:
Կատարում ենք շեշտադրումները
Ողջ դիմահարդարումը պետք է գրեթե աննկատ լինի բացի շուրթերից: Ընտրի՛ր խնամող բաղադրությամբ երկարացնող սևաներկ. այսօր դրամաների և ծավալի ժամանակը չէ: Լրացրո՛ւ ունքերի բաց հատվածները՝ ստեղծելով բնական մազիկների պատրանք և սանրիր՝ ուղղությունը վեր: Սթիքի օգնությամբ սնգույր և առողջ փայլ ավելացրո՛ւ. օգտագործի՛ր այտերին, քթարմատին, կոպերին և տարածիր հենց մատներով:
Վերջնական շտրիխ
Դիմահարդարման շեշտադրումը հագեցած գույնն է շուրթերին: Կարևոր է ընտրել հենց վառ գույն՝ կարմիր, բալագույն, հագեցած վարդագույն, ֆուքսիա և խնամող բաղադրիչներով բանաձև, որոնք հոգ կտանեն շուրթերի մաշկի մասին: Մեզ դուր է գալիս Giordani Gold Iconic նոր սատինե շրթներկը. այն մեկ շարժումով շուրթերին հաղորդում է նուրբ սատինե փայլ և հագեցած գույն ՝ շնորհիվ Pigment Oil Fusion համալիրի: Pigment Oil Fusion համալիրը համադրում է հագեցած գունակներ՝ խոր և կայուն գույնի համար և խնամող բաղադրիչներ՝ արգանի, խնձորի սերմերի յուղեր և անմոռուկի մզվածք:
