1. Առույգություն. յուձու և անանուխ
Ճապոնական յուձու ցիտրուսը կարող է աճել վայրի պայմաններում և դիմանում է մինչև -9 աստիճան ցրտերին, իսկ դրա տտիպ բույրը կարծես մանդարինի և թուրինջի բույրերի միախառնումն է փշատերևի ու ծաղկային բույրերին: Ավելացնենք թարմ անանուխի տերևներ: Այն վերականգնում է ուժերը, թարմացնում է, ունի խթանող ազդեցություն, պայքարում է հոգնածության և գրգռվածության դեմ: Արդյունավետ առավոտվա համար առույգացնող կոկտեյլը պատրաստ է:
2. Դրական տրամադրություն. կարմիր նարինջ և քրքում
Այն ամենն, ինչ նման է արևին, մեզ երջանկացնում է: Այս սկզբունքը պարզ է թվում, սակայն գործում է: Կարմիր նարնջի հյութեղ բույրը տոնուս է հաղորդում, ազատում է թախծից, մեծացնում է արտադրողականությունը, պայքարում է տագնապայնության դեմ, լավատեսություն է հաղորդում և օգնում հավատալ սեփական ուժերին: Մենք դրան չնչին քրքում ենք ավելացրել, որն ավանդական չինական բժշկության մեջ օգտագործվում է դեպրեսիան բուժելու համար:
3. Թուլանալու համար՝ մայրու և նարդոսի բույրեր
Չոր նարդոսով բարձիկները կամ նարդոսի յուղի մեկ-երկու կաթիկը բուրմունք տարածող լամպի մեջ օգնում են հանգստացնել գրգռված նյարդերը, մոռանալ ծանր օրվա հոգսերն ու ինտեգրվել տնային հարմարավետ մթնոլորտին: Մարմնի համար խնամքի մեր միջոցներում նարդոսը համալրված է մայրու բաղադրիչներով: Դրա բույրն ընդունակ է բառացիորեն վերագործարկել գիտակցությունը՝ թողնելով անտառում կատարած զբոսանքի ազդեցություն: Մայրու բույրը վերականգնում է ներքին հարմոնիան, հանգստացնում և արթնացնում ստեղծագործ մտածելակերպը:
4. Զգայականություն. սալոր և սև պղպեղ
Սերը սավառնում է օդում: Խորհրդավորության և գայթակղության մթնոլորտ ստեղծելու գործում կօգնի սալորի բույրը՝ այս պահին դա զգայական բույրերում ամենաթրենդային բաղադրիչն է: Սև պղպեղը, որն աֆրոդիզիակ է համարվում բազմաթիվ մշակույթներում, եզրափակում է հատուկ դեպքերի համար նախատեսված բույրը:
