Որպես կանոն, միջոցառման ձևաչափը նշվում է հենց հրավիրատոմսի վրա՝ Black tie, White tie, Cocktail: Այս դեպքում հագուստի ընտրությունը չպետք է առաջացնի հարցեր: Սակայն եթե միջոցառման կազմակերպիչները զգեստի ընտրությունը թողել են ձեզ՝ համապատասխան դաշտում պարզապես նշելով «երեկոյան», ես խորհուրդ եմ տալիս հետևել տասնամյակների ընթացքում ձևավորված դրես-կոդի կանոններին:
Մեր դեպքում ամենահավանական տարբերակը կլինի Creative black tie դրես-կոդը, սա կարելի է թարգմանել «Սև փողկապ, ստեղծագործական մոտեցում»:
Տղամարդու համար այս դրես-կոդը ենթադրում է ֆորմալ կոստյումի տարատեսակ մեկնաբանումներ՝ համադրած ոճային նորույթների հետ: Օրինակ՝ սմոքինգը ոչ ավանդական աքսեսուարներով (վառ թիթեռ և կամերբանդ) կամ կարված գործվածքի ոչ ավանդական երանգներից: Խստաբարո տղամարդկանց առաջարկում եմ նորաձև երանգի դասական սմոքինգ՝ սև լամպասներով տաբատի, սպիտակ վերնաշապիկի և հետաքրքիր թիթեռի հետ, կոշիկները՝ լաքապատ օքսֆորդ:
Առավել պարզ լուծում՝ մուգ կապույտ ֆորմալ կոստյում, որը կարելի է դարձնել հանդիսավոր՝ դրան հավելելով փայլատ սև օքսֆորդների և անսովոր թիթեռի հետ: Երանգների համընկնումն այս դեպքում պարտադիր չէ:
Կարևոր կանոն. եթե տաբատի վրա առկա են գոտու համար կարված օղակներ, ապա գոտու առկայությունը պարտադիր է: Լավ է ընտրել լակոնիկ, ուղղանկյուն ճարմանդով գոտի՝ առանց գրվածքների ու տարբերանշանների:
Գոտու գույնը կարող է համընկնել կոշիկների գույնի հետ՝ դասական կոստյում ընտրելու դեպքում:
Տարբերակ կանանց համար՝ երկար զգեստ կամ երեկոյան հավաքածու, օրինակ՝ երկար թավշե կամ մուգ փայլերով կարված զգեստ, կլաչ և լաքապատ դասական կոշիկներ: Այստեղ ողջունվում են բացառապես մուգ երանգի զգեստները:
Առավել պարզ լուծում՝ միջին երկարության մետաքսե, շիֆոնե կամ ատլասե զգեստ: Երանգը՝ կապույտ, կարմիր կամ թրծակավագույն: Մենք ընտրել ենք կապույտ զգեստ՝ համադրած նյուդ երանգի կոշիկների և հարմար կլաչի հետ:
Աքսեսուարներ ընտրելիս փորձեք չչարաշահել: Եթե կանգնել եք հայելու առջև և մտածում՝ էլ ինչ ավելացնել կերպարն ամբողջացնելու համար, ապա ամենայն հավանականությամբ հակառակը՝ քեզ անհրաժեշտ է ազատվել որևէ դետալից:
Եվ իհարկե հանդիսավոր երեկույթի ամենակարևոր կանոնը բարձր տրամադրությունն է: Կհանդիպենք Օրիֆլեյմի գալա-ընթրիքին:
