Մաշկի խնամք
Ես բավականին շատ ժամանակ եմ տրամադրում մաշկիս և միշտ մաքրում եմ շիճուկը կամ խոնավացնող քսուքը տարածելուց առաջ: Քանի որ շվեդական ձմեռը բավականին ցրտաշունչ է, հավելյալ օգտագործում եմ նաև սնուցող քսուք՝ մաշկս ցրտից պաշտպանելու համար:
Անտեսանելի դիմահարդարում
Այս գարնանը բավականին արդի է չեզոք, բնական կամ ոչ ակնհայտ դիմահարդարումը: Քանի որ մաշկս այնքան էլ կատարյալ չէ, այսպիսի դիմահարդարում ստանալու համար ինձ անհրաժեշտ է լավ խոնավացնող քսուք և քողարկիչ: Քողարկիչն ընտրելիս նախապատվությունը տալիս եմ իմ մաշկից մեկ երանգով ավելի բաց միջոցին, և այն տարածում վրձնի օգնությամբ:
Աչքերի ամենօրյա դիմահարդարում
Գոյություն ունի դիմահարդարման միջոց, առանց որի ես դժվարությամբ եմ պատկերացում իմ առօրյան՝ դա սևաներկն է: Լավագույն արդյունք ստանալու համար թարթիչներս նախապես պտտեցնում եմ: Իսկ հատուկ դեպքերում նաև վերին կոպի թարթիչների աճի ուղղությամբ տարածում աչքերի գծաներկ:
Նոր գույներ
Շրթներկը լավագույն աքսեսուարն է: Ես սիրում եմ ուղիղ մազերի և փայլատ մաշկի համադրությունը՝ այն լրացնելով շրթներկի վառ երանգով: Գարնանը փորձում եմ չօգտագործել ձմեռային, մուգ երանգներ՝ նախապատվությունը տալով մարջանագույն և հատապտղային երանգներով շրթներկերին:
Եղունգներ
Խնամված եղունգները չափազանց կարևոր են: Այս դեպքում ևս ես կիրառում եմ միևնույն օրենքը՝ մի կողմ դնելով մուգ երանգները և լրացնելով բաց, գարնանային երանգները: Այս գարնան համար նախապատվությունը տալիս եմ վարդագույն, բեժ և սպիտակի տարբեր երանգներին:
