Օրինակ՝ այսպիսի էլեմենտ կարող է լինել վառ գույնը: Ակտիվ հանգստի ժամանակ գունային շեշտադրումները քեզ կդարձնեն ոչ միայն առավել նկատելի, այլև կբարձրացնեն քո տրամադրությունը՝ անգամ եղանակի փոփոխության կամ անձրև տեղալու դեպքում:
Առավել ցուրտ օրերի համար փքված բաճկոնը՝ ինչպես «Հետ դեպի ապագա» գ/ֆ դերասան Մարտի ՄըքՖլայինը: Ընդհանրապես վերնազգեստը պետք է լինի ավելի վառ, քան օրինակ՝ տաբատը կամ սվիտերը: Հետաքրքիր էլեմենտ, որը շատ անհրաժեշտ է հեծանիվով զբոսանքի կամ երեկոյան վազելու համար՝ լուսային անդրադարձիչներ:
Սպորտային ոճի կարևոր և արդի էլեմենտ՝ վառ ու նկատելի զոլ: Դեղինը, մանուշակագույնը, վարդագույնը և այլ վառ գույները կդառնան առօրյայի ոչ ստանդարտ պատասխան և քեզ կառանձնացնեն ամբոխից: Ոճի այս յուրահատկությունը վառ դետալներն ու էլեմենտներն են, որոնք թույլ են տալիս խաղարկել անգամ պարզ, սպիտակ շապիկը: Համադրի՛ր այն վառ տաբատների, սպիտակ կամ վառ սպորտային կոշիկների հետ:
Սպորտային քեժուալի մեկ ընդհանուր կանոնը համադրելիությունն է. անկեղծորեն սպորտային էլեմենտները հնարավոր է համադրել ցանկացած իրի հետ, սակայն ամենից լավ այն համադրվում է ջինսե կամ կարճ տաբատների հետ:
Ոճը հիանալի կերպով կլրացնի սպորտային կոշիկը, այս սեզոնի բացարձակ must-have-ը սպիտակ կոշիկներն են: Այո, կոշկատակը նույնպես պետք է լինի սպիտակ: Եթե սպիտակ սպորտային կոշիկները քեզ թվում են վառ (չնայած ի սկզբանե սպորտային ոճի մեջ չկա չափից շատ վառ բնորոշումը), կարող ես ընտրել մեկ այլ երանգի կոշիկ, կարևոր է հետևել, որ այն հակադրվի ամբողջ կերպարի գույների հետ: Նայի՛ր ֆուտբոլիստներին կամ թեթև ատլետիկայով զբաղվող մարզիկներին:
Ինչ վերաբերվում է ձևվածքին, ապա քեժուալ ոճի սպորտային հագուստը պետք է առանձնանա պարզ և ֆունկցիոնալ հագուստից: Եվ, իհարկե, այն չպետք է ներառի ավելորդ ծալքեր, զարդարանքներ, փուլեր և ասեղնագործություն: Ոճով առանձնանալն անհրաժեշտ է, սակայն դա պետք է անել գունային համադրությունների և վառ շեշտադրումների օգնությամբ:
Ժամանակակից կերպար ստեղծելիս կարևոր է հետևել երկարությանն ու չափսերին: Հագուստը չպետք է լինի լայնացած, ուսերը պետք է լինեն իրենց ճիշտ տեղում, իսկ ջինսը կամ տաբատն իր երկարությամբ չպետք է մաքրի փողոցները: Կատարյալ երկարությունը մինչև կոճի հատվածն է: Խուսափի՛ր լայնացած թևերից կամ վզի կտրվածքից, պահպանի՛ր հստակ գծերն ու սպորտային ուրվագծերը:
