Պոդիումի շատ մոդելներ այնպիսի տեսք ունեն, ասես բնությունից են օժտված կատարյալ մաշկով և ընդամեն մի թեթև դիմափոշի են օգտագործել: Հավատա՛, նրանք այդպես չեն արթնանում: Եթե մաշկն այնպիսի տեսք ունի, որ տպավորություն է, թե դիմահարդարում չկա, ուրեմն դիմահարդարները մեծ ջանքեր են գործադրել, քան վառ կերպար ստանալիս:
Քայլ 1: Ուշադրությունը խնամքին
Մաշկի շեշտադրումով դիմահարդարումը միշտ սկսվում է խնամքից, անգամ եթե մոդելի արդեն երրորդ ելքն է մեկ օրվա մեջ և դիմահարդարն ունի ընդամենը 20 րոպե՝ կերպար ստանալու համար: Մենք առավել ևս որևէ արդարացում չենք կարող ունենալ՝ այս քայլը բաց թողնելու համար:
Մաքրման ընթացքում թեթև լիմֆոդրանեժային մերսում արա՛, որպեսզի նպաստես արյան շրջանառությանը, լիմֆոհոսքին և հեռացնես այտուցները: Կենտրոնացի՛ր կզակի և դիմոսկրերի գծերին. թեթև սեղմիր մատների ծայրերով և մերսիր՝ կենտրոնից շարժվելով դեպի եզրերը: Կնկատես թեթև լիֆթինգ-էֆեկտ. տեխնիկան կօգնի նաև ազատվել չորուկներից: Ավարտի՛ր խնամքը քո մաշկին հարմար խոնավացնող քսուքով:
Քայլ 2: Գծագրիր մասնագետի պես
Փայլող մաշկը բացարձակ բնական տեսք ունի, իսկ գրագետ ուրվագծումը հաջողության կարևոր գաղտնիք է: Դիմագծերը անհրաժեշտ է ընդգծել, այլապես դեմքը հարթ տեսք կունենա: Քեզ երկու միջոց է անհրաժեշտ է՝ մգացնող կոնտուրինգի միջոց և հայլայթեր՝ դեմքի արտահայտված մասերն ընդգծելու համար: Փորձի՛ր քսուքանման կառուցվածքով միջոցներ. դրանք առավել բնական տեսք են հաղորդում և հեշտ են տարածվում:
Օգտագործի՛ր հագեցած շագանակագույն կամ բրոնզագույն երանգ, որպեսզի դիմոսկրերի ներքևի հատվածին առավել խորություն հաղորդես, շտկես քթի և ճակատի ձևը: Ավելացրու հայլայթեր այն հատվածներն, որտեղ բնական լույս է ընկնում՝ դիմոսկրի վերին հատվածին, քթարմատին, վերևի շրթունքի փոսիկին:
Քայլ 3: Վերջին շտրիխ
Ձևավորի՛ր հոնքերը՝ կերպարն ամբողջական դարձնելու համար: Նկատելի հոնքերը դեռ թրենդային են, իսկ ընդգծված կորությունը լրացուցիչ լիֆթինգ-էֆեկտ է հաղորդում, օգնում է վիզուալ բացել հայացքը: Օգտագործի՛ր THE ONE հոնքերի շրթներկը. ուշադրությունը կենտրոնացրու հոնքերի պոչիկին կոր հատվածից մինչ եզրը և նկարիր նոր մազիկներ թեթև, կտրվող շարժումներով՝ հավաքածուում ներառված թեք վրձնակի օգնությամբ: Քթին մոտ հատվածն ավելի բնական դարձրու՝ օգտագործելով այն, ինչ մնացել է վրձնակի վրա՝ առանց նոր քանակ վերցնելու: Երբ ձևը պատրաստ է, սանրիր հոնքերը խոզանակով և մգեցրու: Ավարտի՛ր դիմահարդարումը թեթև վարդագույն երանգով՝ շուրթերին և այտերին, մեզ շատ է դուր գալիս THE ONE սթիք-սնգույրը:
