ՖԱՏԻՄԱ ԴԵ ԼԱՉԻԿԱ
Լատինական Ամերիկա
«Երբեք չի կարելի քնել առանց դիմահարդարումը հեռացնելու։ Շատ կարևոր է դեմքը լվանալ օրական երկու անգամ՝ առավոտյան և երեկոյան, անգամ եթե վերադարձել ես ուշ, հոգնած ես և երազում ես հնարավորինս շուտ անկողնում հայտնվելու մասին։ Լավագույն խորհուրդը, որը երբևէ ինձ տվել են՝ մաքրող անձեռոցիկները անկողնու կողքի դարակներում պահելն է, որպեսզի ծայրահեղ անհրաժեշտության դեպքում հնարավոր լինի հեռացնել դիմահարդարումը և նրբորեն մաքրել մաշկը»։
ՍՈՖԻԱ ՄԱՐԻՆՅՈ ԴԵ ԼԵՄՈՍ
Շվեդիա
«Մայրս միշտ ասում էր, որ մազերը քո գլխավոր աքսեսուարն են, այդ պատճառով պետք է չմոռանալ դրանց խնամքի մասին։ Նա ճիշտ է, քանի որ շողացող, գեղեցիկ մազերը, ինչպես և խնամված մաշկը, վկայում են առողջության լավ վիճակի մասին։ Պետք է կանոնավոր կերպով այցելել գեղեցկության սրահ, ժամանակին թարմացնել մազերի գույնը, դնել մազերի դիմակ (նվազագույնը՝ շաբաթը մեկ անգամ)։ Սրանք են խնամքի իմ կանոնները»։
ՍԱՆԴՐԱ ՄԱՐԻՉ
Արևմտյան Եվրոպա
«Լավագույն բյութի-խորհուրդը ինձ տվել է դիմահարդարս։ Թարթիչները պտտելուց առաջ ունելիքը տաքացրու վարսահարդարիչով։ Սա կտևի ընդամեը մի քանի վայրկյան։ Դա ոչ միայն օգնում է թարթիչներին հաղորդել գեղեցիկ տեսք, այլև պահպանում է արդյունքը ավելի երկար ժամանակ»։
ԴԵՎԱՆՏԻ ՍՈՒԲԻՋԱՆՏԱՐՈ
Ինդոնեզիա
«Մի մարդ բացահայտեց ինձ համար գեղեցկության բաղադրատոմսը՝ երջանկության զգացողություն և առողջ մաշկ։ Այդ պահից ի վեր ես մեծ ուշադրություն եմ դարձնում համալիր խնամքին և փորձում եմ հնարավորինս հաճախ ժպտալ»։
ԴԱՄԼԱ ԱՅԳՅՈՒՆ
Թուրքիա
«Տատիկս ուներ կատարյալ մաշկ։ Երբ նրան հարցրեցի ո՞րն է նրա գաղտնիքը, պատասխանեց. «Արևը կյանքի մեծագույն հրաշքն է, սակայն մաշկի ամենավտանգավոր թշնամին»։ Դրանից հետո ես սկսեցի օգտագործել բարձր արդյունավետությամբ արևապաշտպան միջոցներ անգամ ամպամած եղանակին»։
