Ի՞նչ է իրականում տեղի ունենում, երբ կոսմետիկան «սահում» է դեմքից
Մաշկի խնամքի միջոցները չեն մնում մաշկի վրա, եթե ներծծվել են՝ ազդելով ոչ թե մաշկի, այլ հենց իրար վրա: Արդյունքում խոնավացնող կամ տոնային քսուքը վերածվում է փոքրիկ մոխրագույն գնդիկների և կարող է անգամ մաշկի վրա չմնալ: Բավական անհարմար և տհաճ իրավիճակ է, հատկապես, եթե շտապում ես. չէ՞ որ ամեն ինչ պետք է նորից սկսել:
Ի՞նչն է պատճառը
Կոսմետիկայի հոսելը պայմանավորված է բազմաթիվ գործոններով և դրանց համադրությամբ: Մենք առանձնացրել ենք հիմնականները:
1. Քսուքի առատությունը
Մոռացի՛ր այն կարծրատիպը, թե քսուքը պետք է շատ օգտագործել և միայն այդ դեպքում այն լիարժեք արդյունք կապահովի: Իրականում, քսուքի ավելորդ քանակությունը չի ներծծվում և կարող է հոսել: Բավարար է օգտագործել քսուքի շատ քիչ քանակություն, մոտավոր մի քանի զույգ գնդիկ: Ուշադիր եղի՛ր նաև քսուքի խտությանը. արդյո՞ք այն ծանր կամ պինդ չէ քո մաշկի տեսակի համար:
Ճիշտը ձևը
Օգտագործի՛ր քսուքի քիչ քանակություն, որը թեթև է, և համապատասխանում է հենց քո մաշկի տեսակին և ամբողջապես ներծծվում է:
2. Շտապողականություն
Համալիր խնամքի դեպքում կարևոր է թույլ տալ, որ յուրաքանչյուր բաղադրիչ ամբողջությամբ ներծծվի, ինչից հետո միայն ՝անցնել հաջորդ նյութին: Եթե դեմքը պատեք քսուքով, երբ մաշկը դեռ խոնավ է սիճուկից կամ էսսենցիայից, ապա երկու շերտն էլ չի պահպանվի:
Ճիշտ ձևը
Դադար տո՛ւր բաղադրիչներն օգտագործելիս և համոզվի՛ր, որ յուրաքանչյուրն ամբողջապես ներծծվել է: Դադարի ընթացքում կարող ես մաքրել ատամներդ կամ հարդարել վարսերդ, ինչից հետո նոր անցնել տոնային քսուքին:
3. Մաշկի ոչ բավարար խորը մաքրումը
Եթե անտեսեք պիլինգը կամ սկրաբի օգտագործումը, ապա խնամքն ու դիմահարդարումն անընդհատ կհոսեն: Մաշկի մեռած բջիջները չեն յուրացնում նյութերը և դրանցում պարունակվող օգտակար բաղադրիչները:
Ճիշտ ձևը
Մաշկը խնամելիս սովորություն դարձրու մաշկի խորը մաքրումը, որպեսզի բջիջների նորացումն ակտիվանա: Պետք է առավել ուշադիր լինել հատկապես տարվա ցուրտ եղանակին, երբ չորությունն ու թեփոտումը բնորոշ են նաև մաշկի նորմալ տեսակին: Մենք նախընտրում ենք NovAge պիլինգը, որը նպաստում է մաշկի վերականգնմանն ու վերադարձնում է փայլը:
4. Անհամատեղելի նյութեր
Երբեմն ապրանքի միևնույն հատկանիշը ստիպում է այն սիրել կամ տառապել: Օրինակ, սիլիկոնային հիմքով միջոցները՝ փրայմերի բաղադրության կամ տոնային քսուքի հիմքի դեպքում նպաստում են խոնավության պահպանմանն ու հավասարեցնում են մաշկի արտաքին շերտը: Այնինչ, եթե նման տոնային քսուքւ կամ փրայմերն օգտագործեք խոնավացնող քսուքի վրա,որը սիլիկոն է պարունակում, ապա բաղադրիչները ռեակցիա կառաջացնեն և կհոսեն:
Ճիշտ ձևը
Մի՛ օգտագործիր սիլիկոնի բաղադրությամբ մի քանի նյութ միաժամանակ: Ուշադրություն դարձրու խոնավացնող և տոնային քսուքի բաղադրությանը և փնտրի՛ր բաղադրիչներ -thicone գրվածքով:
5. Նյութերի ոչ ճիշտ հերթականությամբ օգտագործումը
Դեռևս քիմիայի դասերից կարող ենք հիշել, որ յուղն ու ջուրը չեն միաձուլվում: Այս կանոնը ճշմարիտ է նաև ջրային ու յուղային հիմքով խոնավացնող միջոցների համար: Միշտ սկսի՛ր ջրային հիմքով նյութերից, որոնք ավելի հեշտ են յուրացվում, իսկ յուղի հիմքով միջոցները թող մնան վերջում: Հակառակ դեպքում, յուղային շերտը պաշտպանիչ շերտ կձևավորի մաշկի վրա և թույլ չի տալ, որ ջրային հիմքով նյութերը ներծծվեն:
Ճիշտ ձևը
Խստորեն հետևի՛ր միջոցների օգտագործման հերթականությանը և ուշադիր կարդա՛ նյութերի բաղադրությունը:
