Զգայուն մաշկի 6 նշան և այն խնամելու խորհուրդներ

Կարմրությո՞ւն, գրգռվածությո՞ւն կամ քո՞ր։ Հնարավոր է` զգայուն մաշկ ունես։

img-1.jpg

Ի՞նչ է զգայունությունը։

Սա այնպիսի վիճակ է, երբ մաշկը գրգռվածությամբ է արձագանքում տարատեսակ գործոնների։ Ըստ վիճակագրության՝ զգայուն մաշկի խնդրին բախվում են զարգացած երկրների բնակիչների 50%-ը։ Զգայուն մաշկի նախանշաններն են չորությունը, թեփոտումը, կարմրությունը, ձգվածությունը, ցանը, քորը, ծակծկոցն ու այրոցները․ անգամ յուղոտությանը հակված մաշկը կարող է զգայուն լինել։

Ինչո՞ւ է մաշկը զգայուն դառնում։

Մաշկի զգայունությունը կարող է լինել ինչպես ի ծնե առանձնահատկություն, այնպես էլ ժամանակավոր արձագանք արևի ազդեցությանը կամ ագրսիվ շրջակա միջավայրին, կոսմետիկայի բաղադրիչներին, սթրեսին, ջերմաստիճանի տատանումերին, ցրտին և քամուն։ Զգայունությունը սովորաբար առաջանում է մաշկի պաշտպանիչ պատնեշի թուլացման պատճառով և ուղեկցվում է մաշկի կողմից արտաքին գրգռիչների բարձր ընկալունակությամբ։

 

Զգայուն մաշկի նախանշաններ

1․ Մաշկդ արձագանքում է եղանակի փոփոխություններին։

Երբ մաշկը զգայուն է, ցուրտն ու քամին կարող են գրգռվածություն, չորություն, կարմրություն կամ քոր հրահրել։

2․ Մաշկը մաքրելուց հետո ձգվածություն, այրոց կամ քոր ես զգում։

Լվացվելու շատ միջոցներ պարունակում են սուլֆատ և բուրավետ նյութեր, որոնց կարող է արձագանքել զգայուն մաշկը։

3․ Խնամող կամ դեկորատիվ միջոցներ տարածելիս զգում ես ծակոցներ և մաշկը սկսում է կարմրել։

Մաշկի խնամքի միջոցները չպետք է անհարմատավետության զգացողություն առաջացնեն, ինչից կարելի է ենթադրել, որ մաշկդ զգայուն է կամ օգտագործում ես միջոցներ, որոնք քո մաշկի տեսակի համար չեն։

img-2.jpg 

4․ Առկա է գրգռվածություն։

Գրգռվածությունն ու կարմրությունը պարտադիր չէ, որ կապված լինեն յուղոտ մաշկի հետ, դրանք կարող են լինել բարձր զգայունության նախանշան։

5․ Մի քանի վայրկան արևից կարմիր ցան է հայտնվում։

Զգայուն մաշկը շատ վատ է դիմանում ուլտրամանուշակագույն ճառագայթներին և կարող է արձագանքել կարմին ցանով կամ հետքերով։

6․ Մաշկդ չոր է և թեփոտված։

Քանի որ զգայուն մաշկի դեպքում խախտված է պաշտպանիչ պատնեշը, այն արագ է կորցնում խոնավությունը և դառնում է չոր, կոշտ, առաջանում է ցան և թեփոտում։

 

Ինչպե՞ս խնամել զգայուն մաշկը։

Զգայուն մաշկի արձագանքները և գրգռվածության պատճառները կարող են անհատական և անկանխատեսելի լինել, բայց մենք մի քանի ընդհանուր խորհուրդ ենք պատրաստել, որոնք կօգնեն հանգստացնել մաշկն ու խուսափել սրացումից։

  • Լվացվի՛ր գոլ, և ոչ թե տաք ջրով, որպեսզի խուսափես ջերմաստիճանի կտրուկ տատանումից։ Բացի այդ, օգտագործի՛ր մաքրող միջոց զգայուն մաշկի համար, որն օժտված է հանգստացնող հատկություններով և չի պարունակում սուլֆատներ և բուրավետ նյութեր։
  • Նրբորեն մաքրի՛ր և խնամքով միջոց տարածի՛ր մաշկին․ հպումների ագրեսիվ ազդեցությունը կարող է մաշկի գրգվածություն առաջացնել։
  • Խոնավացրո՛ւ մաշկը։ Մաշկի բոլոր տեսակները խոնավացման կարիք ունեն, հատկապես զգայուն մաշկը, քանի որ խախտված պաշտպանիչ պատնեշի պատճառով այն ավելի հեշտ է կորցնում խոնավությունը։
  • Տարածի՛ր SPF միջոցներ և գլխարկ կրի՛ր, եթե պատրաստվում ես դուրս գալ արևին, բայց ըստ հնարավորության՝ մնա ստվերում։
  • Մի՛ օգտագործիր մաշկի գրգռվածություն առաջացնող միջոցներ, որպես կանոն, դրանք պարունակում են բուրավետ նյութեր, սպիրտ և սինթետիկ գունանյութեր։
  • Հրաժարվի՛ր թթուներով պիլինգներից և ռետինոլով միջոցներից, որոնք կարող են անցանկալի հետևանքներ առաջացնել զգայուն մաշկի դեպքում։ Որպես ռետինոլի այլընտրանք փորձի՛ր NovAge Skinrelief շարքի միջոցները՝ DermaLift Active համալիրով․ այն կրճատում է կնճիռները և բարձրացնում է մաշկի ձգությունը, ինչպես և ռետինոլը, բայց ունի ավելի խնայող ազդեցություն։
 
Տեքստ