Էկոլոգիայի վատթարացումը, քիչ քնելը և անառողջ կենսակերպը մաշկը զրկում են էներգիայից. հայելու մեջ կարող ես տեսնել դեմքի խամրած գույն, շերտավորում, առաջին կնճիռներ և լայնացած ծակոտիներ: NovAge Skinergise համալիր խնամքն ունի ակտիվ բանաձևեր, որոնք մաշկը հագեցնում են խոնավությամբ և էներգիայով: Սա էներգիայի իսկական աղբյուր է՝ 25 անգամ ավելանում է փայլը, 89%-ով բարձրանում է խոնավությունը:
Ի՞նչ նկատի ունենք, երբ ասում ենք, որ մաշկը փայլում է: Այն խոնավեցված, ձիգ, թարմ ու հանգստացած տեսք ունի, դեմքն ունի առողջ երանգ, իսկ ծակոտիները քիչ նկատելի են: Այսպիսի արդյունքի կարելի է հասնել կանոնավոր խնամքի և ճիշտ բաղադրիչների առկայությամբ. այնպիսի բաղադրիչների, որոնք առկա են NovAge Skinergise միջոցներում:
Թաուրին
Բոլորս էլ գիտենք թաուրինը՝ որպես էներգետիկ ըմպելիքների հայտնի բաղադրիչ: Բայց գիտես արդյո՞ք, որ թաուրինը նաև հրաշալի բնական էներգետիկ է մաշկի համար: Սքանդինավյան ջրիմուռների համադրությամբ՝ այն բառացիորեն լիցքավորում է բջիջները՝ խոնավեցնելով, վերականգնելով և պահպանելով մաշկի կենսական ուժը, վերացնելով հոգնածության հետքերը:
Թաուրինն ամինաթթու և հզոր բջջային հակաօքսիդանտ է: Այն օգնում է պահպանել խոնավության անհրաժեշտ քանակը, ունի anti-age ազդեցություն, խթանում է բջիջների թարմացումը և չեզոքացնում է ուլտրամանուշակագույն ճառագայթների ազդեցությամբ պայմանավորված վնասվածքները, վերացնում է գրգռվածությունը:
Ասայի ցողունի բջիջների մզվածք
Ասայի պտուղը հարուստ է հակաօքսիդանտներով և օգտակար է ոչ միայն սմուզի-ափսեում, այլև կոսմետիկայի բաղադրության մեջ: NovAge-ի բաղադրության մեջ առկա բույսի ցողունային բջիջներն օգնում են չեզոքացնել արտաքին և ներքին գործոնների ագրեսիվ ազդեցությունը՝ էկոլոգիա, տարիքային փոփոխություններ, խնամքի բացակայություն, ուլտրամանուշակագույն ճառագայթներ և այլն: NovAge Skinergise խնամքը պարունակում է ասայի ցողունային բջիջների մզվածք, որը պաշտպանում է բջիջներն ազատ ռադիկալների ազդեցությունից, ուժեղ խոնավեցում է պարգևում և լրացնում է թաուրինի լիցքավորող ազդեցությունը:
Կոֆեին
Կյանքի իսկական էլիքսիր, որն օգնում է մեզ առավոտից հավաքվել և տրամադրվել երկար օրվան. այժմ ոչ միայն սուրճի գավաթում, այլև դեմքի խնամքում:
Հայտնի է, որ աչքերի տակ սև շրջանակների առաջացման հիմնական պատճառը միկրոշրջանառության խախտումն է և թուլացած մազանոթները: Կոֆեինը բարելավում է միկրոշրջանառությունը, ունի մազանոթապահպան հատկություններ, կարող է հեռացնել ավելորդ հեղուկի կուտակումը և ամրացնում է անոթները: Այն օգնում է պայքարել սև շրջանակների, պարկերի, այտուցների և կնճիռների դեմ՝ ահա թե ինչու ենք այն ավելացրել աչքերի շուրջն ընկած հատվածի համար նախատեսված NovAge Skinergise քսուքի մեջ, որը կօգնի հայացքն ավելի թարմ ու հանգստացած դարձնել, անգամ անքուն գիշերից հետո:
Pollution protect տեխնոլոգիա
Մենք հազվադեպ ենք մտածում մեր մաշկի վրա շրջակա միջավայրի ազդեցության մասին, բայց եթե ապրում ես մեծ քաղաքում, ապա այս խնդիրը հատկապես արդիական է: Արտանետված գազերի մասնիկները, գործարանների արտանետումները և ծխախոտի ծուխը քաղաքում օրեցօր վատացնում են մաշկի վիճակը: NovAge Skinergise ցերեկային քսուքում առկա Pollution Protect պաշտպանիչ տեխնոլոգիան և ուլտրամանուշակագույն ֆիլտրները պաշտպանում են մաշկը շրջակա միջավայրի ագրեսիվ ազդեցությունից՝ կանխարգելով վաղաժամ ծերացումը:
Նիացինամիդ
Նիացինամիդը կամ նիկոտինամիդը B3 վիտամինի տարբերակ է, ջրալույծ նյութ՝ անհրաժեշտ մեր օրգանիզմի համար: Նիացինամիդն օգնում է հագեցնել բջիջներն էներգիայով արդյունավետ աշխատանքի համար, բարձրացնում է մաշկի առաձգականությունն, ամրացնում է պաշտպանիչ պատնեշը, խթանում է կոլագենի արտադրումը և պայքարում է արտահայտիչ կնճիռների դեմ:
Ակտիվ բաղադրիչների հենց այս համալիրն է, որ յուրահատուկ է դարձնում NovAge Skinergise խնամքն. այն իրոք ազդում և բարելավում է մաշկի վիճակը, երբ դու քնած ես: Հիմնական խնամք. օրինակ՝ սովորական քսուքը կպարգևի միայն խոնավեցում, իսկ NovAge Skinergise քսուքները պաշտպանում են մաշկը ցերեկը և վերականգնում են գիշերը, պայքարում են ծերացման առաջին նշանների դեմ և մաշկը հագեցնում էներգիայով:
