Ինչպե՞ս թարմացնել արևից պաշտպանությունն օրվա ընթացքում
Որքա՞ն հաճախ ես կրկնակի օգտագործում արևապաշտպան քսուքը սովորական աշխատանքային օրվա ընթացքում: Այո-այո, հենց օրվա ընթացքում, ոչ թե առավոտյան, հիմնական խնամքից հետո. չէ՞ որ արևից պաշտպանությունը պետք է թարմացնել երկու ժամը մեկ: Դեմքի և մարմնի արևապաշտպան սթիքն ամենապարզ միջոցներից է՝ պահպանելու արևից պաշտպանությունն օրվա ընթացքում, երբ փողոցում ես և ակտիվ տեղաշարժվում ես քաղաքում: Հարմարավետ սթիքը կտեղավորվի գրպանում և ցանկացած պայուսակում, շատ հարմար է քեզ հետ վերցնելու համար. չի թափվի՝ պինդ բանաձևի շնորհիվ:
Հիմնական միջոց. ո՞րն ընտրել
Ամառային պարտադիր միջոց՝ թեթև կառուցվածքով արևապաշտպան նրբաքսուք, որն ապահով ֆիլտի կվերածվի վնասակար ճառագայթների դեմ: Նրբաքսուքի տարածումը ողջ մարմնին պետք է դառնա քո ամենօրյա խնամքի մի մասն՝ անկախ նրանից դրսում անձրև է, թե արև. հավանաբար լսել ես, որ ուլտրամանուշակագույն ճառագայթները ներթափանցում են մաշկի մեջ անգամ ամպամած եղանակին:
Իսկ եթե օրը տաք է և արևո՞տ
Պատկերացրու, որ դրսում ամռան ամենաթեժ շրջանն է՝ վառ արևով: Ձմերուկը հավասար շերտերով կտրատված է, զովացուցիչն ու սնունդով լանչ-տուփիկները սառնարանում են՝ պատրաստ ենք պիկնիկին: Դու գիտես, որ այսպիսի եղանակին արևն առավել ուժեղ է ազդում մաշկի վրա և մտածում ես ինքդ քեզ. «Բավարար կլինի՞ օգտագործել իմ սովորական նրբաքսուքը»: Մեր պատասխանն է՝ ոչ: Այսպիսի դեպքերում անհրաժեշտ է SFP ամենաբարձր գործոնով միջոց՝ SFP 50-ից ոչ պակաս: Արևապաշտպան քսուք SFP 50+՝ լայնածավալ ազդեցության ուլտրամանուշակագույն ճառագայթների ֆիլտրներով, կպաշտպանի մաշկը վնասակար ճառագայթների 98%-ից. հենց այսպիսի պաշտպանություն է պետք ապահովել երկար ժամանակ արևի տակ անցկացնելու դեպքում:
Ատո՞ւմ ես նրբաքսուքները
Եթե չես սիրում մաշկի վրա քսուքային զգացողությունը, ընտրիր չոր ցողաշիթը. կառուցվածքն այնքան թեթև է, որ հազիվ թե զգաս այն մաշկի վրա, իսկ SFP 50 պաշտպանությունը նույնքան արդյունավետ է, որքան և քսուքային միջոցինը: Հետաքրքիր առավելութուն՝ այժդ դու ինքդ կարող ես ամեն ինչ անել, և կարիք չկա խնդրել որևէ մեկին, որպեսզի մեջքիդ տարածի քսուքը: Երբեմն դժվար է լինում հասկանալ, արդյոք անհրաժեշտ քանակությամբ միջոց ես օգտագործել, թե ոչ: Ուղղակի մի՛ շտապիր միջոցը մաշկին տարածել՝ նախ համոզվիր, որ ցողելուց հետո այն հավասարաչափ շողում է խոնավ փայլով: Մի՛ խնայիր ցողաշիթը, որպեսզի կարողանաս պաշտպանության անհրաժեշտ աստիճանն ապահովել:
Իսկ եթե մաշկը հակվա՞ծ է պիգմենտացիայի
Եթե ամեն մի արևային օրը մաշկիդ վրա հետքեր է թողնում, ամենայն հավանականությամբ, քո մաշկը հակված է պիգմենտացիայի: Սովորական պաշտպանիչ քսուքն այս դեպքում բավարար չէ. փնտրի՛ր գունաբացող միջոցներ՝ նիացինամիդով, որը կանխարգելում է նոր պիգմենտային հետքերի հայտվելը և ազդում է արդեն իսկ առաջացածների վրա:
Լավագույնը երեխաների՞ն
Ծնող լիելը երբեմն ենթադրում է ապրել մշտական անհանգստության մեջ. « Երջանի՞կ են երեխաներս, լավ են սնվո՞ւմ և պաշտպանվա՞ծ են արդյոք արևից »: Ազատվեք ավելորդ անհանգստություններից և ձեր հավաքածուին ավելացրեք հատուկ մանկական մաշկի համար մշակված արևապաշտպան քսուքը: Նուրբ բաղադրությունը չի վնասի մանկական նուրբ մաշկի պաշտպանիչ պատնեշը՝ միաժամանակ երաշխավորելով ապահով պաշտպանություն: Մանկական մաշկն առավել բարակ է և զգայուն, քան մեծահասակների դեպքում և հեշտ է այրվում: Այդ իսկ պատճառով SFP-50-ը նվազագույնն է:
Ինչպե՞ս հանգստացնել մաշկն արևից հետո
Խոնավացնումն առողջ և խնամված մաշկի բանալին է, իսկ արևային օրվանից հետո դեմքն ու մարմինը հատկապես կարիք ունեն հավելյալ խոնավության: Արևը կարող է չորացնել մաշկն՝ այն ավելի զգայուն դարձնելով ուլտրամանուշակագույն ճառագայթների բացասական ազդեցության հանդեպ և հանգեցնելով օքսիդատիվ սթրեսի: Արևայրուքից հետո դեմքի և մարմնի դոնդողը ոչ միայն ապահովում է էպիդերմիսի ջրային հավասարակշռությունը, այլև հրաշալի կերպով հանգստացնում և սառեցնում է մաշկը տաք արևային օրվանից հետո:
