Ի՞նչ է սքանդինավյան սննդակարգը:
Սքանդինավյան սննդակարգի հիմնական սկզբունքն է ավելի շատ ուշադրություն դարձնել տեղային, սեզոնային և էկոլոգիական մաքուր սննդամթերքներին և որքան հնարավոր է քիչ ուշադրություն՝ վերամշակված սննդին, ռաֆինացված շաքարին և կարմիր մսին: Նման սննդակարգի պահպանման արդյունքում ռացիոնը հարստանում է օգտակար ճարպերով, վիտամիններով, միներալներով և ֆիտոսննդանյութերով: Արևմտյան սննդակարգերի հետ համեմատությամբ՝ այս սննդակարգն ապահովում է մեծ քանակությամբ սպիտակուցների և սննդային մանրաթելերի ընդունում, ինչպես նաև շաքարի, աղի և հագեցած ճարպերի ավելի ցածր մակարդակ:
Ո՞ր սննդամթերքներն են առկա խորհուրդ տրվող ցանկում:
Հատապտուղներ և մրգեր
Առավելությունները. տարբեր տեսակի և գույնի հատապտուղներ օգտագործելով՝ հագեցնում ես օրգանիզմը հակաօքսիդիչներով: Սքանդինավյան երկրների տարածքում աճող և սքանդինավյան սննդակարգի մեջ ներառվող հատապտուղներից են հապալասը, կարմիր հաղարջը, մոշը, ազնվամորին, մորին, ճահճամոշը, գիհին և սա ամբողջական ցանկը չէ:
Եզրահանգում. ամենօրյա ռացիոնում որքան հնարավոր է շատ հատապտուղ և մրգեր ներառիր: Դրանցով կարելի է փոխարինել ավանդական աղանդերը:
Բանջարեղեններ և արմատապտուղներ
Առավելությունները. ապացուցվել է, որ բավարար քանակությամբ մրգերի և բանջարեղենի(600 գրամ օրական) օգտագործումը նվազեցնում է այնպիսի հիվանդությունների ռիսկը, ինչպիսին են ճարպակալումը և քաղցկեղի որոշ տեսակները: Ռացիոնում շատ բանջարեղեն ներառելով՝ ավելի շատ սննդային մանրաթելեր ես ստանում՝ արյան մեջ շաքարի նորմալ մակարդակի պահպանման, ինչպես նաև և օրգանիզմի սնուցման և պաշտպանության համար: Կարճ վեգետացիոն շրջանի և երկար ձմռան ընթացքում օգտակար հատկությունների պահպանման շնորհիվ՝ սքանդինավյան սննդակարգում տարածված են ստեպղինով, վայրի ստեպղինով, բազուկով, կարտոֆիլով և կաղամբով ուտեստները:
Եզրահանգում. համոզվի՛ր, որ ամեն օր օգտագործում ես բավարար քանակով բանջարեղեն՝ մշակված քո տարածաշրջանում:
Ամբողջահատիկավորներ
Առավելությունները. հարուստ են սննդային մանրաթելերի բարձր պարունակությամբ բարդ ածխաջրերով, որոնք մարսվում են այլ կերպ, քան դրանց ռաֆինացված տարբերակները: Սննդային մանրաթելերը դառնում են «սնունդ» աղիքների օգտակար բակտերիաների համար՝ պահպանելով դրանց առողջությունը, իսկ հատիկավորների թաղանթը հագեցնում է օրգանիզմը վիտամիններով, միներալներով և հակաօքսիդիչներով: Ամբողջահատիկավորները նաև դրական են ազդում խոլեստերինի մակարդայի և արյան մեջ շաքարի վրա:
Սքանդինավյան սննդակարգը նախապատվությունը տալիս է վարակին, գարուն և տարեկանին, որոնք հանդիպում են խանութներում տարբեր ձևերով՝ Knäckebröd շվեդական հացիկներից մինչ Rugbrød հոլանդական սև հաց և Havregrynsgröt տիպիկ շվեդական վարսակի շիլա:
Եզրահանգում ընտրի՛ր ամբողջահատիկի ալյուր, հաց և շիլա՝ ռաֆինացված և մշակված տեսակների փոխարեն:
Հատիկավորներ
Առավելությունները. բնական ծագման սպիտակուցի, ինչպես նաև B6 վիտամինի, կալցիումի, ցինկի, երկաթի և ռիբոֆլավինի աղբյուր են: Հատիկավորները պարունակում են նաև սննդային մանրաթելեր, իսկ սա հենց այն է, ինչ պետք է մեր աղիքներին:
Ինչո՞ւ են հատիկավորները հայտվել խորհուրդ տրվող մթերքների ցանկում: Սքանդինավյան սննդակարգի հիմնական ասպեկտը ոչ յուղոտ, կարմիր մսի սահմանափակ օգտագործումն է: Հատիկավորներն օգնում են պահպանել սպիտակուցի մակարդակը, այդ իսկ պատճառով հյուսիսային պետություններին բնորոշ են լոբուց, դեղին ոլորից և ոսպից ուտեստները:
Եզրահանգում. ըստ հնարավորության՝ կենդանական սպիտակուցը փոխարինիր բուսական սպիտակուցով և քո մարմինն ու երկրագունդը շնորհակալ կլինեն:
Կաթնամթերքներ
Առավելությունները. հարուստ են բարձորակ սպիտակուցով և առողջության համար կարևոր վիտամիններով և միներալներով, այդ թվում՝ կալցիումով: Ֆերմենտացված կաթնամթերքներում՝ յոգուրտներում, թթվասերում և պանրում, պարունակվող օգտակար բակտերիաներն օգնում են պահպանել աղիքների և օրգանիզմի ընդհանուր առողջությունը:
Եզրահանգում. ընտրի՛ր տեղական կաթնամթերքը՝ որպես սպիտակուցի աղբյուր, ինչը կապահովի աղիների աշխատանքն ու ընդհանուր լավ ինքնազգացողություն:
Յուղոտ ձուկ
Առավելությունները. ձուկը սպիտակուցի, ճարպաթթուների, սելենի, յոդի, ֆոսֆորի, կալիումի և B խմբի վիտամինների աղբյուր է: Յուղոտ ձուկը հարուստ է օմեգա 3 ճարպաթթուներով, որոնք հայտնի են իրենց պաշտպանիչ հատկություններով և դրական են ազդում տեսողության, ուղեղի և սրտի աշխատանքի վրա: Լճերով և ծովերով հարուստ տարածքներում բնակվող Հյուսիսային Եվրոպայի երկրների բնակչությունը պարբերաբար օգտագործում է ծովատառեխ, սկումբրիա, սաղմոն և սարդինա՝ մարինացված, ծխեցված կամ պահածոյացված տարբերակներով:
Եզրահանգում. փորձի՛ր ամեն շաբաթ օգտագործել ոչ յուղոտ և յուղոտ ձուկ՝ օրգանիզմը բարձրորակ սպիտակուցներով և յուղոտ օմեգա 3 ճապաթթուներով ապահովելու համար:
Կանոլայի յուղ
Առավելությունները. կանոլայի յուղը սովորաբար օգտագործվում է՝ ուտեստներ կամ աղցանների սոուսներ պատրաստելու համար: Դրանում քիչ են հագեցած և շատ են օգտակար մոնոհագեցած ճարպերը: Կանոլայի յուղը նաև պարունակում է օմեգա 3 ճարպային ալֆալինոլաթթու (ԱԼԿ), որն ինչպես հայտնի է, օգնում է ուղեղի աշխատանքին:
Եզրահանգում. սննդի մեջ և ուտեստներ պատրաստելիս հիմնականում օգտագործի՛ր բուսական յուղեր՝ հարուստ չհագեցած ճարպերով՝ առողջության ընդհանուր վիճակը պահպանելու համար:
Սքանդինավյան սննդակարգի ևս մեկ առավելություն
Այն օգնում է կրճատել շրջակա միջավայրի վրա վնասակար ազդեցությունը՝ ոգեշնչելով էկոլոգիական մաքուր և տեղային մթերքների օգտագործումը, ինչը բացառում է փոխադրման անհրաժեշտությունն ու ագրեսիվ տոքսինների օգտագործումը: Սքանդինավյան սննդակարգը նաև կոչ է անում մեծաքանակ բուսական մթերքների և կարմիր մսի քիչ օգտագործումը, ինչը նվազեցնում է ջերմոցային էֆեկտը, հողի աղտոտումն ու նախրի չափից շատ արածեցումը: Երկրագնդի որ հատվածում էլ լինես, սքանդինավյան սննդակարգի դրական սկզբունքներն օգուտ կբերեն ոչ միայն քո օրգանիզմին, այլև մեր մոլորակին:
Գիտե՞ս արդյոք, որ Oriflame-ի Welness շարքի մեր ապրանքատեսակները ստեղծված են սքանդինավյան սննդակարգի սկզբունքներով: Բացահայտիր՛ քեզ համար դրա օգտակարությունն ու առավելությունները:
