Որքա՞ն ժամանակ կարելի է մնալ արևի տակ կախված SFP գործոնից:
SPF-ը (Sun Protective Factor, արևից պաշտպանող գործոն) նախ և առաջ պաշտպանության ժամանակավոր միջոց է: Մարդը միջինը արևի տակ առանց պաշտպանության կարող է մնալ մոտ 10 րոպե: SPF 10 միջոցի օգտագործման դեպքում արևի տակ անվտանգ մնալու ժամանակահատվածը կավելանա մինչ 100 րոպե, SPF 30-ի դեպքում՝ մինչ 300 րոպե և այդպես շարունակ: Գործնականում մենք խորհուրդ ենք տալիս ամեն երկու ժամը մեկ թարմացնել միջոցը, հատկապես լողափին. միջոցի հատկությունները թուլանում են մաշկի հետ հպումից, մեխանիկական ազդեցությունից և ջրի հետ շփումից:
Ինչպե՞ս ընտրել հենց քո SFP գործոնը:
Որքան գունատ է մաշկի գույնն, այնքան ավելի բարձր SPF պարունակող միջոց է պետք ընտրել: Արևի անմիջական ճառագայթների ներքո բաց մաշկը արդեն իսկ 5 րոպե անց սկսում է կարմրել, այնինչ ավելի թուխ մաշկը՝ մոտ 15 րոպե անց: Միջոց ընտրելիս հաշվի առ այս փաստը:
Իմ երանգային քսուքն արդեն իսկ պարունակում է SPF: Ստացվում է, որ կարելի՞ է չօգտագործել դեմքի արևապաշտպան միջոց:
Երանգային քսուքը, որպես կանոն, մաշկին չի հաղորդում ապահովության անհրաժեշտ մակարդակն անգամ SPF գործոնի առկայությամբ. մեծ քանակությամբ այն հնարավոր չէ օգտագործել, իսկ քսուքի դեկորատիվ հատկությունները «հաղթում» են պաշտպանիչ հատկություններին: Օգտագործիր հատուկ արևապաշտպան միջոց մինչ դիմահարդարումը և թույլ տուր՝ այն ներծծվի: Դեկորատիվ կոսմետիկայի կիրառման դեպքում շատ ուշադիր եղիր՝ մի լղոզիր, այլ տարածիր միջոցը թեթև շարժումներով:
Իսկ եթե ես ողջ օրը գրասենյակում եմ, պաշտպանիչ միջոցի կարիք չկա՞:
Արևապաշտպան միջոցները պետք է օգտագործել ոչ միայն լողափին, այլև քաղաքում, և ամեն օր՝ մռայլ եղանակին, փակ տարածքում, ձմռանը: Ուլտրամանուշակագույն ճառագայթումը ներթափանցում է ամպերի և պատուհանների միջով, արտացոլվում է հարթ մակերեսներից և ազդում է մաշկի վրա՝ դառնալով գերպիգմենտացիայի և ֆոտոծերացման հիմնական պատճառներից մեկն է:
Քսուքը տարածում եմ հարթ, բարակ շերտով. սա բավարա՞ր է:
Որպեսզի արևապաշտպան միջոցն արդյունավետ լինի, այն մեծ քանակությամբ օգտագործիր. մարմնի համար ամենաքիչը երկու ճաշի գդալի չափով: Եթե ցողաշիթ ես օգտագործում, ապա համոզվիր, որ միջոցը ծածկում է մաշկի ամեն մի սանտիմետրը, այնուհետ՝ մերսելով տարածիր միջոցը:
Ինչպե՞ս ճիշտ օգտագործել արևապաշտպան քսուքը:
Օգտագործիր արևապաշտպան միջոցը տանից դուրս գալոց 15-20 րոպե առաջ, որպեսզի այն հասցնի ներծծվել, չմնա հագուստի վրա և սկսի գործել: Եթե միջոցը օգտագործելու ես անմիջապես լողափին, ապա իմացիր, որ առաջին 15-20 րոպեներին մաշկդ անպաշտպան է և կարող ես այրվածքներ ստանալ:
Տուփի վրա գրված է «Ուլտրամանուշակագույն ֆիլտրներ լայնամասշտաբ ազդեցության համար» : Ի՞նչ է սա նշանակում:
SPF-ը մաշկը պաշտպանում է UVB-ճառագայթներից, որոնք կարող են այրվածքներ առաջացնել, բայց քեզ անհրաժեշտ է ավելի ծավալուն պաշտպանություն, որպեսզի կանխարգելես նաև առավել վտանգավոր` UVA ճառագայթների ազդեցությունը: Վերջիններս ավելի խորն են անցնում մաշկի մեջ՝ հասնելով դերմայի բջիջներին և դրդում են ազատ ռադիկալների առաջացմանը, ինչը մաշկի վաղաժամ ծերացման և մաշկի քաղցկեղի պատճառ կարող է հանդիսանալ: Համոզվիր, որ քո պաշտպանիչ միջոցը պաշտպանում է արևային երկու տեսակի ճառագայթումից, ինչպես օրինակ Ողջ ընտանիքի համար նախատեսված արևապաշտպան միջոցների նոր Sun 360 ապրանքանիշը Oriflame-ից։
Խմբագրի ընտրությունը
Multi-Rays տեխնոլոգիայի և շվեդական բնական վերականգնող բաղադրիչների շնորհիվ Sun 360 շարքի միջոցները մաշկը պաշտպանում են վնասակար արևային ճառագայթների ազդեցությունից, շրջակա միջավայրի աղտոտվածությունից և ջրազրկումից: Ընտրիր քեզ հարմար ձևաչափը՝ ցողաշիթ, քսուք, մանկական քսուք, նրբաքսուք կամ սթիք և վայելիր կյանքիդ լավագույն պահերն՝ անկախ եղանակային պայմաններից:
Իմացիր ավելին. ինչպես կարդալ արևապաշտպան միջոցների բաղադրությունը և ընտրել ամենաապահովները:
