ՇԵՐՏԱԶԱՏՈՒՄ
Տարվա ցուրտ եղանակին մաշկը հատկապես զգայուն է, բայց չպետք է մոռանալ պարբերաբար շերտազատման մասին: Փորձի՛ր քեզ համար ընտրել փոքր մասնիկներով փափուկ միջոցներ և խնամող պիլինգներ: Կրկնի՛ր պրոցեդուրան շաբաթը մեկ անգամից ոչ պակաս:
ՀՈԳ ՏԱՐ ԺԱՄԱՆԱԿԻ ՄԱՍԻՆ
Խոնավացնող միջոցների վնասը ձմռան ամիսներին միֆ է, բայց մինչ ցրտին դուրս գալը, պետք է անպայման սպասել մինչ քո սիրելի քսուքն ամբողջովին ներծծվի: Մենք խորհուրդ ենք տալիս մաշկի խնամքի միջոցներն օգտագործել զբոսանքի դուրս գալուց 40 րոպե առաջ:
ՋՐԻ ՋԵՐՄԱՍՏԻՃԱՆԸ
Ջերմաստիճանի կտրուկ տատանումներն անխուսափելի են մեր կողմերում՝ ամենացուրտ օրերին մենք շտապում ենք տաքանալ առավելագույն կերպով: Մաշկին լրացուցիչ սթրես պետք չէ, այդ իսկ պատճառով լվացվի՛ր պաղ և ոչ թե տաք ջրով:
ԳԱՂՏՆԻ ԹՇՆԱՄԻ
Ձմեռային վառ արևը դժվար է լուրջ ընկալել, բայց անգամ ամենացուրտ օրերին օդում կան մաշկի համար վնասակար բավականին քանակով ուլտրամանուշակագույն ճառագայթներ: Մի՛ մոռացիր օգտագործել ապրանքատեսակներ՝ սկսած SPF15 գործոնով:
ՄԵՐՍՈՒՄ
Քսուքը տարածելիս թեթև մերսումն ու հարվածող շարժումները հենց այն է, ինչը հեշտությամբ կարելի է մոռանալ շտապելիս, բայց միայն ոչ ձմռանը: Ցրտին արյան շրջանառությունը դանդաղում է, իսկ մերսումն ամենահեշտ միջոցն է խթանելու արյան շրջանառությունը:
ՄԻ՛ ՄՈՌԱՑԻՐ ՁԵՌՔԵՐԻ ՄԱՍԻՆ
Ձեռքեր. մեր մարմնի ևս մի հատված, որը «տառապում» է սառը ձմեռային օդից: Նրանց կօգնեն սնուցող, յուղոտ քսուքն ու ձեռնոցները: H2O. Ձմռանը շենքերում առկա չոր օդը հանգեցնում է ջրազրկման, և առաջին հերթին դա արտացոլվում է մեր մաշկի վրա: Չորուկները ու կարմրությունը նվազեցնելը շատ հեշտ է՝ բավական է օրական 1,5 լիտր ջուր խմել և ընկերանալ օդը խոնավացնող սարքի հետ:
ՀՈԳ ՏԱ՛Ր ՄԱԶԵՐԻԴ ՄԱՍԻՆ
Ձմռանը գլխամաշկը կարող է հատկապես զգայուն դառնալ, իսկ ոչ ճիշտ խնամքը կհանգեցնի թեփի և կոտրվելուն: Քո սանրվածքը կփրկեն գլխարկն ու գանգրացնող արդուկների և վարսահարդարիչի պահպանող ռեժիմները:
