Դուք վերջերս նկարահանվեցիք «Գեղեցկությունը՝ որպես կենսակերպ» գովազդային հոլովակում, և ես ուզում եմ ողղել ձեզ հարց, որը հոլովակի սկզբում հնչեցնում է դերասանուհի Եկատերինա Գուսևան. Ի՞նչ է ձեզ համար գեղեցկությունը:
Ինձ համար գեղեցկությունը արտաքինի և ներքինի հավասարակշռությունն է:
Դուք կտրուկ փոխեցիք կենսակերպն ու արտաքինը: Ինչպե՞ս դա տեղի ունեցավ, ո՞րն էր դրդապատճառը:
Դեռ մանկուց իմ հասակակիցներից ավելի գեր էի, բայց դա ինձ ամենևին չէր անհանգստացնում: Սակայն ժամանակի ընթացքում հասարակությունը սկսեց ինձ պիտակավորել, և սնունդն ինձ համար դարձավ փրկություն: Երբ քաշս հասավ կրիտիկական ցուցանիշի (ավելի քան 100 կգ), ինձ դժվար էր ոչ միայն հոգեպես, այլև ֆիզիկապես: Բարդ էր հագուստի ընտրությունը, բացակայում էր հարմարավետության զգացողությունը, նկատվում էր տրամադրության անկում: Այսինքն՝ խնդիրը միայն արտաքինս չէր, դա իմ անձի խնդիրն էր, քանի որ ես ոչ այնքան ընկերասեր, ավելի շատ բացասական անձ էի դարձել: Ես նիհարեցի՝ առանց դա սխրագործություն համարելու, և հիմա էլ եմ նույն կարծիքին: Ես դա արել եմ առաջին հերթին ինքս ինձ համար՝ կրկին ներդաշնակության մեջ ապրելու համար: Քանի որ արտաքին տեսքից դժգոհություն ունենալու դեպքում՝ դժվար է պահպանել ներքին ներդաշնակությունը:
Ի՞նչ պատահեց հետո: Ե՞րբ հասկացաք, որ կարող եք օգնել նաև շրջապատող մարդկանց:
Պատմությունս հետագայում հրապարակեցի կանացի բլոգներից մեկում, որտեղ ես ձեռք բերեցի բավականին լայն ճանաչում: Ինձ սկսեցին տալ հարցեր, փնտրել շփում, և այդ ժամանակ ես հասկացա, որ կարող եմ լինել օգտակար: Ես սկսեցի պատասխանել հարցերին, հետո իմացա՝ ինչպես է աշխատում YouTube-ը, հետո հայտնվեց Ինստագրամը: Ես պարզապես կիսվում էի իմ պատմությունով ու խորհուրդներով: Այսպես էլ ես դարձա հայտնի, անգամ սկսեցին հրավիրել գովազդային հոլովակներում նկարահանվելու:
Երկու խոսքով՝ ինչպե՞ս կձևակերպեիք ձեր առաքելությունը:
Ես դարձնում եմ մարդկանց ավելի գեղեցիկ: Դա իմ աշխատանքն է: Իմ ամբողջ գործունեությունը՝ համացանցում իմ վարած ծրագրերը, հոլովակները, անձնական շփումը, ուղղված են մարդկանց ինքնագնահատականը բարձրացնելուն:
Ինչպե՞ս է անցնում թոփ-բլոգեր Տանյա Ռիբոկովայի օրը:
Ես արթնանում եմ, կերակրում եմ իմ տնային կենդանիներին, նախաճաշում: Կատարում սոցցանցերում հրապարակումներ և կազմում առաջադրանքների ցանկը: Մարզասրահը, որտեղ մարզվում եմ, գտնվում է իմ տանը բավականին մոտ (քայլելով՝ 15 րոպե), այդ պատճառով այնտեղ կարող եմ այցելել նաև ընդմիջման ժամին: Ես սնվում եմ կանոնավոր, օրը մի քանի անգամ: Աշխատանքիս մեծ մասը՝ սկսած դիզայներներին տրվող առաջադրանքներից մինչև մարդկանց հետ աշխատանքը, անցնում է համակարգչի մոտ: Բավականին հաճախ եմ մասնակցում տարատեսակ միջոցառումների ու հանդիպումների: Ինչպես տեսնում եք՝ սա սովորական աշխատանքային օր է, պարզապես գրասենյակի փոխարեն ինձ մոտ հյուրասենյակ է:
Ո՞վ կարող է դառնալ բլոգեր, և ի՞նչ է դրա համար անհրաժեշտ:
Նախկինում հայտնի լինելու համար անհրաժեշտ էր ՄՏՄ-ի աջակցությունը, պետք է լինեիր թերթերում, ամսագրերում, հեռուստատեսությունում, իսկ համացանցը բոլոր մարդկանց ընձեռեց արտահայտվելու հնարավորություն: Եթե մարդը լավ հասկանում է՝ ինչ է խոսում, տիրապետում է իր ներկայացրած գործի հմտություններին, ունի տաղանդ (սկսած նկարելուց մինչև մարդկանց օգնելը), ապա ինչո՞ւ դա չօգտագործել:
Խնամք, սնունդ և ֆիթնես՝ ինչպե՞ս են այս երեք էլեմենտները բաշխված քո կյանքում:
Հենց սա էլ ինձ գրավեց Օրիֆլեյմի կոնցեպցիայում. առողջ սննդակարգի, ակտիվ կենսակերպի և խնամքի ճիշտ համադրություն: Ես արդեն տարիներ շարունակ խոսում եմ այդ մասին, չկա որևէ սուպեր-արտադրանք, որը կօգնի նիհարել, չկան սուպեր-առաջարկներ, որոնք կօգնեն նիհարեցնել որովայնը, և գոյություն չունի մի այնպիսի քսուք, որը կհեռացնի ձեր բոլոր խնդիրները: Ամեն ինչի համար անհրաժեշտ է համալիր մոտեցում:
Ինչպիսի՞ սխալներ են մարդիկ հաճախ կատարում՝ ֆիթնես-մարզումների կամ խնամքի մեջ լավագույն արդյունքի հասնելու համար:
Աղջիկներից շատերը փնտրում եմ կատարյալ քաշ՝ ընդհանրապես չհասկանալով, որ կատարյալ կազմվածքը և կշեռքի վրա արտացոլվող քաշը կարող են կտրուկ տարբերվել: Առավել կարևոր է ձեր արտացոլանքը հայելում, ինչպես նաև մկանային ու ճարպային հյուսվածքների հարաբերակցությունը: Եթե որևէ մեկը մտածում է , որ կշեռքի 55 կգ ցուցանիշը կապահովի իր կատարյալ տեսքը, ապա իրականում նա կարող է ունենալ ավելորդ, կախվող մաշկով մարմին, և անգամ 55 կամ 50 կգ-ն չի ապահովի ցանկալի արդյունք:
Այսինքն՝ կրկի՞ն ներդաշնակություն:
Այո, ներդաշնակություն, որն անհրաժեշտ է փնտրել ոչ թե վերացական թվերում, այլ ձեր ներքին ինքնազգացողության մեջ՝ ինչպես է աշխատում քո օրգանիզմը, առողջ ես դու, հասցնում ես քունդ առնել, թե՞ ոչ, այնուհետև շտկել արտաքին թերությունները: Քանի որ բավականին տարօրինակ է կարծել, որ քսուքը կօգնի ապահովել ձեր գեղեցիկ տեսքը, եթե մշտապես վատ ես սնվում, լավ չես քնում կամ մտածել, որ կունենաս գեղեցիկ ոտքեր՝ առանց մարզասրահ այցելելու և ճիշտ սննդակարգի:
