Բույրեր. Պարֆյումերների խորհուրդները

Պարֆյումեր Ալիենոր Մասսինեն՝ Օրիֆլեյմի նոր Wonderflower բույրի հեղինակը, տալիս է խորհուրդներ՝ ինչպես ընտրել ձեր անհատականությանը հարմար պարֆյում։

1. ԱՌԱՋԻՆ ԲՈՒՅՐ

«Երբ դեռ 13 կամ 14 տարեկան դեռահաս էի, հայտնվեցի Մոնակոյի պարֆյումերային խանութում։ Ինձ այնտեղ գրավեց վանիլի նոտա պարունակող բույր, դա շատ հետաքրքիր արևելյան կոմպոզիցիա էր՝ միաժամանակ քաղցր և թարմ։

Առաջին բույրն ընտրելիս՝ խորհուրդ եմ տալիս հետևել ձեր անձնական զգացողություններին և ինտուիցիային։ Բույրը պետք է արտացոլի քո ներաշխարհը, սակայն այն կրելը պետք է պարգևի բացառապես հարմարավետության զգացողություն»։

2. ԲԱՑԱՀԱՅՏԻ՛Ր ԻՆՔԴ ՔԵԶ

«Մեզ դուր եկած բույրերի մեծամասնությունը կապված են մեր հուշերի և կյանքի որոշակի իրադարձությունների հետ։ Այդ պատճառով բույրն ընտրելիս պետք է ուշադրությամբ հետևես ներքին ձայնիդ։ Մեր առօրյա կյանքում կա նոր բույրերի երկու մշտական աղբյուր՝ բնությունն ու խոհանոցը։ Անտառում, այգում զբոսնելով, նոր ուտեստներ համտեսելով՝ մենք կարծես փորձում ենք նոր նոտաներ և համադրություններ։ Օրինակ՝ անձամբ ինձ շատ է դուր գալիս վանիլի նոտան, այն կարող է լինել քաղցր, կարող է հիշեցնել որևէ անսովոր ուտեստի մասին, կարող է շրջվել իր անիմալիստական կողմով»։

3. ՎՍՏԱՀԻ՛Ր ԲՆԱԶԴՆԵՐԻԴ

«Ես հստակ գիտեմ, թե ինչն է ինձ դուր գալիս, երբ բույրը բռնկվում է իմ գիտակցության մեջ՝ ստիպելով բոլոր զգացմունքներին թրթռալ։ Ես սիրում եմ վառ, ուժեղ կոմպոզիցիաներ՝ հավասարակշռված թարմ նոտաներով։ Նմանատիպ բույրերը գրավում են ինձ, և ես ի զորու չեմ դիմադրել այդ կախարդանքին»։

4. ԵՂԻ՛Ր ԿՅԱՆՔՈՎ ԼԻ

«Օրիֆլեյմի նոր՝ Wonderflower բույրը կանացիության, կենսուրախության և թեթևամտության անսահման տոն է։ Դրա հիմքում հուսալի, խաղուն, մոգական ակորդն է։ Այս վառ ու հզոր նոտան պարգևում է ազատության և ուրախության զգացողություն»։

5. ՕԳՏԱԳՈՐԾԻ՛Ր ԽԵԼԱՄՏՈՐԵՆ

«Կոկո Շանելն ասում էր. «Բույրը տարածիր այնտեղ, ուր ուզում ես, որ քեզ համբուրեն»։ Ես կարող եմ ավելացնել միայն մեկ բան․ մի՛ մոռացիր զարկերակային կետերի մասին՝ ականջների հետևի հատվածը, դաստակները»։

6. ԱՐԴՅՈՒՆՔԸ ՎԱՅԵԼԻՐ ԱՎԵԼԻ ԵՐԿԱՐ

«Գոյություն ունեն բույրի հնչողությունը երկարաձգելու մի քանի միջոցտարածիր այն հագուստին, շարֆին կամ մազերին։ Դու կարող ես նաև ավելացնել մի քանի կաթիլ քո մարմնի նրբաքսուքի մեջ»։

7. ՀՈԳԱ՛ ԴՐԱ ՄԱՍԻՆ

«Բույրերի վրա ջերմությունն անդրադառնում է վատագույնս։ Քո պարֆյումն ավելի երկար պահպանելու համար կարող ես այն պահել սառնարանում կամ պարզապես հով սենյակում»։





WONDERFLOWER
Հյութալի տանձի, նուշի ծաղիկների և մանուշակի նուրբ նոտաները ճանապարհ են բացում դեպի սեխի, հասմիկի և ալպյան մանուշակի ծիածանային ակորդը: Այս բույրը ստիպում է ժպտալ և պարելով պտույտներ գործել՝ քեզ համար բացահայտելով հրաշքներով լի աշխարհը:

Wonderflower ոբւյրը կարող եք գնել այստեղ։


Տեքստ Ֆոտո Oriflame