Բույրն ու ճակատագիրը. զրուցում ենք Սոֆի Լաբբեի հետ

Օրիֆլեյմի նոր՝ My Destiny բույրը հայտնի պարֆյումեր Սոֆի Լաբբեի վերջին աշխատանքն է։ Մենք հանդիպեցինք Սոֆիին՝ նրա կենսուրախությամբ լիցքավորվելու, բույրի և ճակատագրի գաղտնիքների մասին խոսելու համար։

Հայտնի պարֆյումերների շարքում կան շատերը, որ շարունակում են իրենց հայրերի ու պապերի աշխատանքը, սակայն այս առումով դուք բացառություն եք։ Ի՞նչը Ձեզ բերեց բույրերի արտադրության աշխարհ։
Ինձ միշտ էլ գրավել են բույրերը, սակայն ես միանգամից չհասկացա, որ դա կարող է դառնալ իմ կյանքի հիմնական գործը։

Ամեն ինչ փոխվեց, երբ ես սովորում էի համալսարանում, և քիմիայի դասընթացների շրջանակներում կարդացի ISIPCA պարֆյումերային դպրոցի մասին հոդվածը։ Ես միանգամից հասկացա, որ ուզում եմ հայտնվել հենց այնտեղ։ Սակայն մինչև փաստաթղթերս հանձնելը ես որոշեցի հանդիպել կենդանի պարֆյումերների հետ՝ հասկանալու համար, թե ինչ է իրենից ներկայացնում բույրեր ստեղծելով գումար վաստակելը։ Ինձ հաջողվեց ծանոթանալ իրական վարպետի՝ Ժան Կարլոյի հետ։ Հետագայում պարզվեց, որ նա եղել է ISIPCA-ի ընդունող հանձնաժողովի նախագահը։ Դա, անկասկած, ճակատագրի նշան էր։ 

Հենց այդ ժամանա՞կ դուք հասկացաք, որ բույրերը ձեր կյանքի կոչումն են։
Ես դա միանգամից չհասկացա, սակայն հանգամանքները հենց այդպես դասավորվեցին։ Ես հավատում եմ, որ մեզնից յուրաքանչյուրը ունի կյանքի իր ուղին ու նպատակը, որին պետք է հասնել։

Արդյո՞ք համալսարանում անցած քիմիայի դասերը ձեր աշխատանքի վրա ունեցան իրենց ազդեցությունը։ Ի՞նչ է ձեզ համար բույրը՝ խիստ գիտական վերլուծության օբյե՞կտ, սուբյեկտիվ զգացողությունների արտացոլա՞նք։ 
Ե՛վ մեկը, և՛ մյուսը։ Պարֆյումերը պետք է լինի չափազանց հետաքրքրասեր անձնավորություն, պետք է մշտապես ձգտի ստանալ նոր փորձ, քանի որ դա զարգացնում է երևակայությունը և մոտիվացնում ստեղծագործելու։ Միևնույն ժամանակ, լավ պարֆյումերը չի կարող աշխատել՝ առանց ռացիոնալ գիտական մոտեցման։

Դուք զգո՞ւմ եք բույրերն այլ կերպ, ոչ այնպես, ինչպես սովորական մարդիկ։
Կարծում եմ, որ հոտառության մեխանիզմը բոլոր մարդկանց մոտ էլ մոտավորապես նույնն է. Մեր օրգանների վրա ազդում են էմոցիաներն ու նախորդ փորձը։ Հնարավոր է, որ ես պարզապես ընկալում եմ ավելի շատ հոտեր, քան մարդկանց մեծամասնությունը։ Ինձ համար դա կարծես խաղ լինի։ Ես փորձում եմ կռահել՝ ինչ պարֆյում են օգտագործել փողոցի անցորդները, իսկ երբ այցելում եմ նոր երկիր, իմ առաջին տպավորությունը դառնում է հենց հոտը։

My Destiny բույրում օգտագործվում է տուրմալին կիսաթանկարժեք քարը։ Ինչի՞ համար է դա արված։
Սա հատուկ քար է, այն իր մեջ կրում է դրական էներգիայի լիցքեր, ունակ է մարդուն հաղորդել ինքնավստահության զգացողություն և արթնացնել ստեղծագործական ունակություններ։ Ես կարծում եմ, որ թանկարծեք քարերով զարդեր կրելը նման է բույրեր կրելուն․ և՛ մեկը, և՛ մյուսը հաղորդում է ուժ։ Իսկ երբ մեկը մյուսի հետ ներդաշնակ է՝ ինչպես My Destiny բույրում, այդ ուժը կրկնապատկվում է։

Որտեղի՞ց եք վերցնում ինքնավստահության զգացողությունն ու կենսուրախությունը։ 
Սիրուց։ Երբ ես սիրում եմ և սիրված եմ, ունակ եմ «սարեր շրջել»։ Եվ, իհարկե, հաջողության համար անհրաժեշտ է տարված լինել սեփական գործով։

Ի՞նչ նոտաներ կան My Destiny բույրում։ Ինչո՞ւ եք ընտրել հենց այդ բաղադրիչները։
Մենք ուզում էինք ստեղծել բույր, որը կանանց կլիցքավորի դրական էներգիայով, այդ պատճառով էլ այն սկսվում է թուրինջի և հաղարջի առկայծող նոտաներից։ Բույրի սրտում հնչում է քաջվարդի նոտան, որը բույրին հաղորդում է նրբագեղություն, բույրին ուժ է հաղորդում նարնջի ծաղիկը, իսկ հիմքում կարող ես զգալ պաչուլիի նոտաները, որոնք պատասխանատու են բույրի խորության և խորհրդավորության համար։ 

Ի՞նչ էիք զգում, երբ աշխատանքն ավարտված էր։
Ես ապրեցի հպարտության և երջանկության զգացողություն։ My Destiny բույրն իմ հաջողությունն է, և առավել հաճելի է այն հանգամանքը, որ այդ աշխատանքը կատարելիս համագործակցել եմ Օրիֆլեյմ ընկերության հետ։



Տեքստ