Օրիֆլեյմը ստեղծում է նորաձև միտումներ

Մեկ տարի առաջ Օրիֆլեյմ ընկերությունը առաջին անգամ հանձնեց Oriflame Trend Award մրցանակը: Այդ մրցանակի դափնեկիր դարձավ Ստոկհոլմի Բեկմանս (Beckmans College of Design in Stockholm) դիզայնի դպրոցի ուսանողուհի Շիա Ջավաերին, որը ստեղծել էր աքսեսուարների հավաքածուն հատուկ Օրիֆլեյմի համար:

Ի՞նչ զգացողություններ ունեիր, երբ ստացար Օրիֆլեյմի այս մրցանակը։

Ինձ համար մեծ անակնկալ էր, ես հաղթանակի ակնկալիքներ չունեի։ Ընդհանուր առմամբ մինչ օրս էլ լիովին չեմ գիտակցում՝ որքան է բախտս բերել։  Բազմաթիվ դիզայներներ տարիներ շարունակ աշխատում են, մինչև իրենց արտադրանքը կհայտնվի շուկայում, իսկ ինձ դա միանգամից հաջողվեց։ Դա իրապես երջանկություն է։

Ինչպիսի՞ն էր Օրիֆլեյմի համար զարդեր ստեղծելու գործընթացը:
Դա անհավանական փորձ էր։ Ցանկի համաձայն՝ անհրաժեշտ էր ստեղծել երեքից հինգ իր, սակայն արդյունքում ինձ մոտ ստացվեց վեցը։ Ես կարող էի հավաքածուն ամբողջությամբ ստեղծել՝ սկզբից մինչև վերջ։ Ես որոշեցի, որ այն անպայման պետք է ներառի պայուսակ, քանի որ սիրում եմ ստեղծել պայուսակներ և շարֆ, քանի որ այն պայուսակի հիանալի հավելում  է։ Ինքնուրույն զարդեր ստեղծելը բավականին բարդ է, անհրաժեշտ են նախօրինակ ստեղծող մասնագետներ: Ես շատ ուրախացա, երբ Օրիֆլեյմն ինձ ընձեռեց այդ հնարավորությունը։

Իսկ նախկինում ունեցե՞լ ես զարդեր ստեղծելու փորձ
Ես ստեղծել եմ կաշվե պայուսակներ և ապարանջաններ իմ անձնական ապրանքանիշի համար, սակայն ես միշտ ունեցել եմ մետաղների և քարերի հետ աշխատելու ցանկություն։ Իրականում, մեր ազգում եղել են իրական ակնավաճառներ։ Իմ նախապապը  և իր հայրը աշխատել են ոսկերչական ֆիրմայում, այդ պատճառով դեռ մանկուց ինձ շրջապատում էին ոսկերչական իրերի արվեստի ստեղծագործություններ։

Դիմե՞լ ես ազգականներիդ օգնության հարցով
Ես հորս ցույց եմ տվել էսքիզները, սակայն ընթացքն այնքան արագ էր, որ ես ստիպված էի որոշումներս ինքնուրույն կայացնել։ Սակայն նա միշտ վստահում է իմ ճաշակին։

Որտե՞ղ էիր փնտրում ոգեշնչում այս հավաքածուի համար
Ինձ ոգեշնչում էր Ջիակոմո Բալլայի արվեստը։ Ինձ հետաքրքիր թվաց՝ ինչպես է նա նկարում պատկերում արագության ու շարժման գաղափարը։ Օրինակ՝ պայուսակի ուրվագծերը ես նկատել եմ նրա կոստյումի էսքիզներում։ Այդ անհամաչափ գծերն իրական բացահայտում էին այդ ժամանակների համար։

Քո հավաքածուն վաճառվելու է ամբողջ աշխարհում։ Մտածո՞ւմ էիր այդ մասին՝ հավաքածուի վրա աշխատելիս
Շատ եմ մտածել այդ ուղղությամբ։ Դա դիզայների աշխատանքն է՝ մտածել նաև այն մասին, թե ով է օգտագործելու քո իրերը։ Ինձ դուր էր գալիս այն միտքը, որ կարող եմ ստեղծել հավաքածու՝ հասանելի աշխարհի բոլոր կանանց։ Դա խիզախ մարտահրավեր էր, սակայն նույնքան էլ հետաքրքիր էր այն ընդունել։

Այս հավաքածուից ի՞նչն է քեզ դուր գալիս
Դա շատ բարդ հարց է։ Դա նույնն է, ինչ հարցնեք, թե երեխաներիցս ում եմ ավելի շատ սիրում։ Ես դրանք բոլորն էլ շատ եմ սիրում։

Այդ դեպքում միգուցե կարող ես ասել՝ ո՞րն է դիզայնի այն առանձնահատկությունը, որը քեզ հատկապես դուր է գալիս
Սև մարգարիտ, որը օգտագործել եմ հավաքածուիս մեջ։ Ինձ համար այն չափազանց խորհրդանշական է, քանի որ ընտանիքիս ընկերներից մեկը մանկության տարիներին ինձ անվանում էր «սև մարգարիտ»։ Նա ասում էր, որ դա բավականին բացառիկ է։ Ինձ համար դա շատ կարևոր է։

Իսկ դու ինքդ ունե՞ս որևէ հատուկ  արժեքավոր իր  կամ զարդ
Ես ունեմ մատանի, որը երբեք չեմ կրում, քանի որ այն չափազանց թանկարժեք է ինձ համար։ Սա ծաղկի ձև ունեցող անտիկվար մատանի է։ Այն ինձ նվիրել է մայրս, սա իրական ընտանեկան նվիրական հուշաիր է։




Տեքստ Ֆոտո Oriflame