Որո՞նք են բույրի մասին առաջին հիշողությունները
Բույրի մասին իմ առաջին հուշերը կապված են տատիկիս հետ։ Նա աշխատում էր Գրասի վարդագույն դաշտում։ Այդ ժամանակվանից այս բույրն իմ գիտակցության միջ արթնացնում է նրա կերպարը։ Մանկության մեկ այլ հուշ՝ Azzaro բույր, որն օգտագործում էր հայրս։
Ե՞րբ հասկացաք, որ ուզում եք պարֆյումեր դառնալ
Ես մեծացել եմ Ֆրանսիայի հարավում, այն քաղաքի հարևանությամբ, որտեղ ծնունդ է առել ֆրանսիական պարֆյումի արտադրությունը։ Այնպես որ ինձ համար պարզ էր, թե որ ուղով պետք է քայլեմ կյանքիս ընթացքում։
Դուք Օրիֆլեյմի համար ստեղծել եք արդեն 11 բույր (այս պահի դրությամբ վերջինը Happydisiac Man-ն է)։ Դրանք ունե՞ն որևէ ընդհանրություն։
Վերջերս եմ հասկացել, որ բույրերս իսկապես ունեն ինչ-որ ընդհանուր բան՝ հաճախ օգտագործում եմ համպար և փայտյա նոտաներ։
Ո՞րն է կանանց և տղամարդկանց համար բույրեր ստեղծելիս տարբերությունը
Տղամարդկանց համար բույրեր ստեղծելիս ես փորձում եմ կենտրոնանալ փայտյա նոտաների վրա, իսկ կանացի բույր ստեղծելիս ավելի շատ հակված եմ փայտյա նոտաներին ավելացնել նաև ծաղկային նոտաներ։ Հիմնական տարբերությունն այն է, որ տղամարդկանց համար բույր ստեղծելիս սահմանափակումները շատ են, իսկ կանանց բույրերում կարող ես կիրառել նոտաների առավել լայն սպեկտր։
Դուք մի անգամ անվանեցիք Ձեզ «բույրեր հնարող»։ Որտե՞ղ եք գտնում ոգեշնչում ձեր հայտնագործությունների համար։
Մարդկանց, երաժշտության, նկարչության մեջ՝ այն ամենում, ինչ մեզ շրջապատում է։
Ըստ Ձեզ, ո՞րն է երջանկությունը
Ինձ համար երջանկությունն իմ կինն է, երեխաները, այգին, արևը, Ֆրանսիայի հարավը, առավոտյան լույսը...
Ո՞րն է երջանկության բույրը։ Ո՞ր նոտաներն են պատասխանատու դրա համար։
Կարծում եմ Happydisiac Man-ում այդ նոտաներն են լայմի ակորդը՝ միահյուսված կանաչ խնձորի և ելակի նոտաների հետ։
Ինչպե՞ս է Ձեր աշխատանքն ազդել հոտառության վրա։ Միգուցե այլ կե՞րպ եք ընկալում սովորական հոտերը։
Ես չափազանց զգայուն եմ առօրյայում ինձ շրջապատող բույրերի նկատմամբ։ Ինձ դուր է գալիս դրանց վերլուծությունը։ Օրինակ՝ երբ ես Սանկտ Պետերբուրգում էի, անկեղծորեն զարմացած և շփոթության մեջ էի խորհրդավոր բույրից, որն ինձ հետապնդում էր հյուրանոցում։ Աշխատակիցներն ինձ բացատրեցին, որ այդպես է հնչում սաթը, որը հայթայթել են հատուկ այս հյուրանոցի կառուցման համար։ Նմանատիպ իրավիճակներն ինձ հաղորդում են ոգեշնչման հզորագույն լիցքեր՝ նոր բույրեր ստեղծելու համար։
Ո՞ր տղամարդուն է հարմար Happydisiac Man բույրը։Happydisiac Man-ը հարմար է ցանկացած տղամարդու։ Այս բույրը ստեղծվել է զգացմունքներ արթնացնելու համար, իսկ զգացմունքները հատուկ են մեզ բոլորիս։
Happydisiac Man կարող եք գնել այստեղ։
Happydisiac Man
ՎԵՐԻՆ ՆՈՏԱՆԵՐ
Կանաչ թուրինջ
Գինձի սերմեր
Արքայախնձոր
ՍՐՏԻ ՆՈՏԱՆԵՐ
Դափնետերև
Նարնջի ծաղիկներ
Նարդոս
ՀԻՄՆԱՅԻՆ ՆՈՌԱՆԵՐ
Պաչուլի
Հիրիկի փոշի
Կաշի
