Բարձր արդյունավետությամբ մարդկանց 7 սովորույթ

Հաջողակ ձեռներեցներն ունեն մեկ ընդհանուր գիծ՝ գաղափարը հսկայական կայսրության վերածելու կարողություն: Ինչպե՞ս է դա նրանց մոտ ստացվում: Ի՞նչն է նրանց օգնում: Ներկայացնում ենք 7 հաջողակ առաջնորդների սովորույթներ:

Հաջողության մեկ օրում չեն հասնում: Բոլոր հաջողակ մարդիկ սկսել են որևէ գաղափարից: Հաճախ ձեռքբերումները սահմանվում են սովորույթներով, որոնք հանդիսանում են հաջողության և բարեկեցության գաղտնիքներ:

ՄԱՐԿ ՑՈՒԿԵՐԲԵՐԳԸ ԱՄԵՆ ՕՐ ԿՐՈՒՄ Է ՄԻԱՆՄԱՆ ՀԱԳՈՒՍՏ
Մարկ Ցուկերբերգը՝ Ֆեյսբուք սոցիալական կայքի հիմնադիրը և գործադիր տնօրենը, կրում է միանման մոխրագույն շապիկներ և կապույտ ջինսե տաբատներ: Այս սովորույթը բացատրվում է հագուստի ընտրության վրա ժամանակ վատնելու ցանկության բացակայությամբ: «Դա երջանկություն է ամեն օր արթնանալն ու օգնել ծառայել գրեթե միլիարդավոր մարդկանց», - ասում է նա: «Ես զգում եմ, որ չեմ կարողանա աշխատանքս պատշաճ կատարել՝ էներգիաս նման անմիտ գործողությունների վրա վատնելու (շապիկի կամ բաճկոնի ընտրություն) դեպքում, - խոստովանում է Ցուկերբերգը:

ՕՓՐԱ ՈՒԻՆՖՐԻՆ ՀԱՄԵՍՏՈՒԹՅՈՒՆ ՉԻ ԱՆՈՒՄ
Ամերիկացի հեռուստահաղորդավար և մեդիամագնատ  Օփրա Ուինֆրին կարծում է, որ համեստության օգտակարությունը չափազանցված է: «Նախկինում ես ամաչում էի իմ հաջողությունների և քաշի մասին խոսելուց, սակայն այժմ ամեն ինչ այլ կերպ է: Այո՛, ես հաջողակ եմ, այո՛, չափերով մեծ եմ, և ի՞նչ»:

ԻԼՈՆ ՄԱՍԿԸ ՉԻ ԽՈՍՈՒՄ ՀԵՌԱԽՈՍՈՎ
Կանադացի ձեռնարկատեր-միլիարդեր, Tesla և SpaceX ընկերության գործադիր տնօրեն և համասեփականատեր Իլոն Մասկը հեռախոսազանգեր կատարելուց գերադասում է հաղորդագրություններ գրելը: «Իմ առանցքային հմտությունը էլեկտրոնային փոստի միջոցով շփվելու կարողությունն է»,- ասել է Մասկն իր հարցազրույցում: Դա տաղանդավոր ինժեներին թույլ է տալիս պահել հստակ օրակարգը և ժամանակը չվատնել դատարկ խոսակցությունների վրա:

ՊՈԼԵԺԱԵՎՆԵՐԻ ԸՆՏԱՆԻՔԸ ԾՐԱԳՐԱՎՈՐՈՒՄ Է ԻՐ ԿԻՐԱԿՆՕՐՅԱ ԳՈՐԾԵՐԸ
«Ապագան չծրագրավորելու դեպքում՝ դուք այն պարզապես չեք ունենա, Մեր ընտանիքում ամեն կիրակի ծրագրավորման օր է, այս ավանդույթը հիմնել է դեռ մայրս»,- մեզ պատմեցին Վլադիմիր և Սնեժանա Պոլեժաևները: Զարմանալու ոչինչ չկա, չէ՞ որ այս սովորույթը Տամիլա Պոլեժաևային օգնեց համալրել ռուս կին միլիոնատերերի  սակավաթիվ շարքերը, ում բիզնեսը կառուցվել է զրոյից:

ՄԱՐՏԱ ՍՏՅՈՒԱՐՏՆ ԸՆՏՐՈՒՄ Է ԱՌՈՂՋ ՍՆՆԴԱԿԱՐԳԸ
Ամերիկացի ձեռնարկատեր, մեդիամագնատ, հաղորդավարուհի և տնային տնտեսության և խոհանոցի վերաբերյալ բեսթսելերի հեղինակ Մարտա Ստյուարտը չի ուտում կիսաֆաբրիկատներ և նախընտրում է առողջ սնունդը: «Ես չեմ գնում սնունդ, որն ինձ թվում է վնասակար առողջության համար», - պատմում է Մարտան: Եթե դու համակարծիք ես և փնտրում ես համեղ և օգտակար բաղադրատոմսեր, ուշադրություն դարձրու մեր հոդվածին:

ՍԹԻՎ ՔԵՅՍՆ ԻՐԵՆ ՇՐՋԱՊԱՏՈՒՄ Է ՀԱՄԱԽՈՀՆԵՐՈՎ
Իր «Համացանցի երրորդ ալիքը» գրքում  AOl ընկերության համահիմնադիր Սթիվ Քեյսը  բերում է հին աֆրիկական ասացվածքը: Այն հնչում է այսպես. «Եթե ուզում ես քայլել արագ, քայլիր միայնակ, եթե ուզում ես գնալ հեռու, քայլիր ընկերոջդ հետ»: «Որքան էլ պարզ հնչի այս խորհուրդը, կարծում եմ, որ այն բիզնես վարելու կարևորագույն գործոններից մեկն է», - գրում է Քեյսը: «Այն հատկապես արդի է, երբ հաջողությունը շատ հարցերում կախված է առաջատար ընկերությունների միջև գործընկերական հարաբերություններից, անգամ եթե որոշ հարցերում ձեր հայացքները չեն համընկնում»:

ՇԵՐԻԼ ՍԵՆԴԲԵՐԳԸ ԳԻՇԵՐԸ ԳՋԵԹՆԵՐՆ ԱՆՋԱՏՈՒՄ Է
Շերիլ Սենդբերգը, որն աշխատել է Facebook-ի տնօրենական խորհրդում, քնելուց առաջ միշտ անջատում է հեռախոսը: «Գիշերը հեռախոսը միացրած թողնելը ծանր է: Ես ուզում է հանգիստ քնել, այլ ոչ թե արթնանալ նամակների և հաղորդագրությունների անդադար հնչող ծանուցումներից: Ես ստուգում եմ փոստարկղս քնելուց առաջ և արթնանալուց անմիջապես հետո: Դա բավական է»,- պատմում է Շերիլը:

Տեքստ Ֆոտո Shutterstock / Oriflame