1. ԱՍԵԼ «ՈՉ»
Անիմաստ հանդիպումներ, տհաճ մարդիկ, տարօրինակ առաջադրանքներ՝ ասա «ոչ» այն ամենին, ինչը անիմաստ է, ժամանակի վատնում է և քո կյանքը դարձնում է ավելի բարդ, քան այն իրականում կա: Նմանօրինակ գործելակերպը սկսելուն պես՝ կհասկանաս, թե ինչն է իրապես կարևոր քեզ համար:
2. ՀԱՃԱԽ ՃԱՄՓՈՐԴԵԼ
Մենք կարող էինք խորհուրդ տալ որոշ ժամանակով տեղափոխվել մեկ այլ երկիր: Եթե ունես այդպիսի հնարավորություն, գերազանց է: Իսկ եթե ոչ, ապա փորձիր հանգստյան օրերն անցկացնել ամառանոցում: Փնտրիր դեպի աշխատավայր կամ տուն տանող նոր ճանապարհներ: Փոխիր տրանսպորտը: Ե՞րբ ես վերջին անգամ եղել այգում, անտառում... Ճամփորդությունները (անգամ կարճատև) կօգնեն դուրս գալ սովորական իրավիճակներից և սեփական կյանքին նայել ուրիշ տեսանկյունից:
3. ՄՏԱԾԵԼ ԱՊԱԳԱՅԻ ՄԱՍԻՆ
Հեշտ է ասել: Միակ բանը, որ գալիս է մտքիդ. «Ես չգիտեմ՝ հետագայում ինչ անել»: Սա նորմալ է: Եվ դա նշանակում է, որ ժամանակն է նստել և մտածել, թե ինչ ունես և ինչ ես ուզում: Սա կօգնի քեզ հասնել բավականին շոշափելի ցանկությունների ու գտնել դրանց հասնելու ուղիները: Կազմի՛ր ցանկ, այնուհետև ջնջիր արդեն արվածը:
4. ՀԱՎԱՔԻՐ ԲՆԱԿԱՐԱՆԴ
Վերանայիր իրերդ: Ամենայն հավանականությամբ դրանցից շատերն արդեն ունեն շտկելու կարիք, իսկ մյուսներից արդեն վաղուց ազատվելու ժամանակն է: Խիզախորեն դեն նետիր այն ամենն, ինչ չես օգտագործել մեկ տարի և ավել ժամանակ: Հանձնիր դրանք ընդունման կետեր, տուր բարեգործության: Դու կզարմանաս, թե որքան քիչ բան է քեզ անհրաժեշտ երջանիկ ու ներդաշնակ կյանքի համար: Մաքուր և հաճելի տան հետ մեկտեղ կունենաս նաև ազատության զգացողություն:
5. ԱՄՌԱՆԸ ՔՇԻՐ ՀԵԾԱՆԻՎ
Ապահովագրության, վառելանյութի և տեխնիկական սպասարկման հաշիվներ՝ ուզո՞ւմ ես շարունակենք ցանկը: Ամռանը նախապատվությունը տուր հեծանիվին: Այսպես դու ոչ միայն կտնտեսես՝ այդ հաշիվները կրճատելով, այլև տանից աշխատավայր ճանապարհը կդառնա հիանալի այլընտրանք կարդիոմարզումներին: Մնացած գումարը կարող ես ծախսել հասարակական տրանսպորտի կամ տաքսու վրա, երբ ցանկություն կունենաս պարզապես վայելել ուղևորի կարգավիճակը՝ ուշադրություն չդարձնելով երթևեկության կանոններին:
6. ՄԱՔՈՒՐ ԱՇԽԱՏԱՆՔԱՅԻՆ ՍԵՂԱՆ
Մաքուր սեղան՝ մաքուր գլուխ: Պահպանիր սեղանի կարգ ու կանոնը, մաքրիր փոշին, ազատվիր ոչ կարևոր առարկաներից, քանի որ մաքուր սեղանն օգնում է հստակեցնել մտքերը և որոշումներ ընդունելու պրոցեսը դարձնում առավել արագ: Քո սեղանն այնպես է՞լ էր մաքուր: Շնորհավորում ենք, այդ դեպքում ստուգիր բնակարանի, ինտերնետի, հեռախոսի և կոմունալներ ծառայությունների վճարները: Հեռացրու էլ. փոստարկղի սպամը և կարգ ու կանոն հաստատիր նաև այս հատվածում:
7. ՎԱՅԵԼԻՐ ՓՈՔՐԻԿ ՈՒՐԱԽՈՒԹՅՈՒՆՆԵՐԸ
Թվում է՝ ինչ որ բան այնպես չէ՞: Ժամանակ գտիր, քեզ հանգիստ տուր: Վայելիր մայրամուտը, հետևիր երեխաների խաղին բակում, ժպտա քեզ անծանոթ մարդկանց, զանգահարիր ծնողներիդ և սիրելիներիդ՝ առանց որևէ նախապայմանի: Ըմպիր մեկ գավաթ սառը ջուր և ընտրիր շուկայի ամենագեղեցիկ և մեծ խնձորը: Կեր ախորժակով: Այսպես դու կտեսնես, թե ինչպես է կյանքը դառնում ավելի պարզ ու հաճելի:
