Այսօր ես կպատմեմ, թե ինչպիսի գործողությունների պլան կարելի է կազմել, ինչպես նաև ինչպես մոտիվացնել քեզ ու հոգալ քո մասին՝ հաշվի առնելով կլիմայի փոփոխությունը:
1. Մարտահրավեր նետիր ինքդ քեզ այս ձմեռ
Նախ և առաջ եկեք հստակ հասկանանք, որ մեր տրամադրությունը չպետք է կախված լինի եղանակից: Որպես արև սիրող մարդ ես կրկնում եմ սա ինձ չնայած պատուհանի հետևում արևի խիստ պակաս կա ձմռանը: Նախկինում ես պատմում էի, որ աշնան ու ձմռան համար ես կազմում եմ ինձ հետաքրքրող զբաղմունքների ցանկ, իսկ այս տարի նաև որոշել եմ մարտահրավեր նետել և շարունակել դրսում մարզումներս՝ չնայած եղանակին: Այսպիսի խաղը ինքդ քեզ հետ քո առօրյան զանազանելու հիանալի տարբերակ է:
2. Պատրաստվիր զբոսանքների
Առաջին կետից հետևում է, որ հարկավոր է թերմոներքնազգեստ ու ձեռնոցներ ունենալ, ընդ որում նաև նրանց, ովքեր չեն պատրաստվում մարզվել դրսում, բայց հասկանում են որքան կարևոր է մաքուր օդ շնչել ձմռանը: Թերմոներքնազգեստը թույլ չի տա, որ մրսես, իսկ սինթետիկան ու բուրդը բաղադրության մեջ կհեռացնեն խոնավությունը, որն առաջանում է ակտիվ ժամանցից: Գլխավոր լայֆհեքը՝ մի վախեցիր կաղամբ լինել ու շերտերով հանգնվիր. թերմոներքնազգեստը հագիր մերկ մարմնիդ, ապա տաբատն ու շապիկը, որոնք թերմոմեկուսացման համար են պատասխանատու, այնուհետև հագիր վերնահագուստը:
3. Թերմոս գնիր
Ամենակարևորը, որպեսզի օրգանիզմը շարունակի ստանալ բոլոր անհրաժեշտ սնուցող նյութերը ուտելիքից ու հավելումներից, բայց այս մասին մենք դեռ կխոսենք: Իսկ զբոսանքների ժամանակ ձեզ կջերմացնի տաք թեյը, որը առողջության պահպանման անբաժանելի մասն է:
4. Սննդակարգդ դարձրու սնուցող
Ծանր կերակուրը, որը կարող ես ուզել ցուրտ օրերին, այն չէ, ինչ պետք է, չնայած ուզում ես ինքդ քեզ ուրախացնել, և ուտելիքը ամենահասանելին է: Բայց քաղցրավենիքն ու ալկոհոլը եղանակ չեն ստեղծի, այլ միայն կվատացնեն միկրոֆլորան ու կարող են ազդել կազմվածքի վրա:
Դժվար ածխաջրերից բացի որպես էներգիայի աղբյուր պետք է ուշադրություն դարձնել սեզոնային արտադրանքներին (կաղամբ, բողկ, բրյուսելյան կաղամբ, դդում, բազուկ, գազար, նուռ, մանդարին): Որքան զանազան են վիտամինների ու հանքանյութերի աղբյուրները, այնքան շատ է շանսը, որ օրգանիզմը կվերցնի իրեն անհրաժեշտը:
Հիշիր հատիկավորների մասին՝ ոսպ, լոբի, սիսեռ: Գրիր ապրանքների ցուցակ, ավելացրու թթու կաղամբը, այսպիսի սնունդը շատ լավ է նյութափոխանակության համար: Նախապատվություն տուր տնական ջեմերին խանութի քաղցրավենիքի փոխարեն: Եթե դրանք պատրաստված են սիրով ձեր մտերիմների կողմից, դա կրկնակի հաճելի է:
5. Ժամանակ տրամադրիր մաշկիդև զբաղվիր դրա գեղեցկությամբ
Ցուրտ եղանակը շատ հարմար է մաշկովդ զբաղվելու համար թե ներսից, թե դրսից: Նվազագույն արևը ստեղծում է հիանալի պայմաններ, որպեսզի վերականգնի մաշկը և սկսի գործընթացը պիլինգների շնորհիվ: Տարվա այս եղանակին ես շաբաթական երկու անգամ պիլինգ եմ անում Oriflame-ով ալֆա և բետա հիդրոթթուներով (АНА և ВНА), ինչպես նաև նռան էնզիմներով, այն փափուկ և արդյունավետ շերտազատում է մաշկի կոշտացած շերտը: Ալֆա հիդրոթթուներ (AHA). Աշխատում են էպիդերմիսի վերին շերտի բջիջների հետ դրանց միջև կապերի չեզոքացման ճանապարհով, իսկ բետա հիդրոթթուները (BHA) թափանցում են մաշկի մեջ՝ էպիդերմիսի տակ: Արդյունքում այս գործընթացն արագացնում է բջջային նյութափոխանակությունը, բարելավում է մաշկի կառուցվածքը՝ այն դարձնելով հարթ, իսկ դեմքի գույնը ավելի առողջ:
Սա նաև երեկոների հաճելի գործընթաց է
Դեմքի ու պարանոցի մաքուր մաշկին հավասար շերտով պետք է տարածել պիլինգը՝ խուսափելով աչքերի շուրջ հատվածներից, իսկ 20 րոպե անց մաքրել տաք ջրով:
Առողջության պահպանման հարցում մեծ դերակատարություն ունեն հակաօքսիդիչները՝ մոլեկուլներ, որոնք թույլ չեն տալիս զարգանալ օրգանիզմի համար վտանգավոր շղթայական ռեակցիաներին, որոնք առաջանում են ազատ ռադիկալների պատճառով: Վերջիններս հայտնվում են անառողջ սնունդից, հիվանդություններից, շրջակա միջավայրի աղտոտվածությունից և իհարկե սթրեսից:
Վերևում արդեն կիսվել եմ բազմազան կերակուրների օգուտի մասին, քանի որ բանջարեղենի ու մրգերի կազմում ֆիտոսնուցիչները ունեն հակաօքսիդիչ ու հակաբորբոքային հատկություններ, կարգավորում են ազատ ռադիկալները ու պաշտպանում օքսիդացնող սթրեսից, ոը վնաս է պատճառում բջիջներին ու հավելյալ բեռ է իմունային համակարգի համար:
6. Ակտիվություններ մտածիր ընկերներիդ հետ
Չկա ավելի լավ բան, քան հոգեպես մտերիմ մարդկանց աջակցությունը, իսկ ձմռանը սրճարանների ամառային հատվածները կարող են վերածվել հարմարավետ տնային հավաքույթների, որտեղ օգնության կհասնեն համատեղ ճաշապատրաստումը, ֆիլմի դիտումը կամ սեղանի խաղերը: Նաև կարելի է պլանավորել համատեղ ուղևորություն քաղաքից դուրս, ձմեռային սպորտ: Սա հաճելի էմոցիաներ ստանալու ու սիրելիների հետ երջանիկ պահերը կիսելու հնարավորություն է:
7. Սովորիր նորը
Ինձ թվում է, որ զարգացումը վաղուց դարձել է մեր կյանքի մի մասը , և մենք չենք կարող թաքնվել այն փաստից, որ «դպրոց/համալսարան» սխեման որպես կրթության մի մաս վաղուց անցյալում է, հիմա սովորել պետք է անընդհատ: Մտածիր, թե ինչ մասնագիտական հմտություն կարող ես զարգացնել, օրինակ, որպեսզի ձմեռը դրական անդրադառնա կարիերայիդ վրա: Կամ ինչ կարող ես անել քեզ համար այս եղանակին, գուցե էմոցիոնալ վերահսկողության կուրսեր անցնել կամ ուսումնասիրել արվեստի դասախոսություններ, որոնք դեռ գարնանն ես վերցրել:
8. Ստեղծագործիր
Կարևոր չի, թե որքան հաջողակ ես երաժշտության, երգեցողության կամ նկարչության հարցում, օրինակ դու կարող ես հիմա և այստեղ սկսել արվեստով զբաղվել քո սեփական հաճույքի համար: Եվ մի վախեցիր, որ ինչ-որ բան չի ստացվի, մի անհանգստացիր, եթե չհավանես, միշտ չէ, որ հարկավոր է հաջողության հասնել այն ամենում, ինչ անում ես, կամ գնալ մինչև վերջ: Մեր խնդիրը ստանալ առավելագույն հաճույք:
9. Դիտեք հետքրքիր որևէ բան
Ինտերնետի դարաշրջանը մեզ մուտք է տալիս լավագույն ֆիլմերին, նորություններին ու հավաստի վավերագրական ֆիլմերին, որոնք ոգի են տալիս, ինչպես նաև զարգացնում են մեզ ու դարձնում ավելի լավ զրուցակից: Թող մեր երեկոները լցվեն ոչ թե համացանցերում անցկացնելով, այլ որևէ հետաքրքիր ու արժեքավոր զբաղմունքով:
10. Ձեզ նամակ գրեք ապագայի համար
Սա ինձ շատ է դուր գալիս, քանի որ ձմեռը հաճախ մտածելու, փորձը վերլուծելու ու եզրահանգումներ անելու ցանկություն է առաջացնում: Շատ լավ կլինի ամեն ինչ հանձնել թղթին, ինչպես նաև այնտեղ մի քանի մոտիվացնող կետեր գրել ինքդ քեզ համար, որոնք կարելի է վերընթերցել օրինակ դժվար պահերին ապագայում:
