Ձեռքերդ ճիշտ լվացիր

Առողջապահության համաշխարհային կազմակերպությունը հավաստում է. ձեռքերը սովորական եղանակով լվանալը վարակից պաշտպանության ամենահուսալի եղանակներից է: Հիգիենայի պարզ կանոնները կարող են պահպանել առողջությունդ: Կարդա մեր ուղեցույցը, կրկնիր և պահպանիր քեզ:

Ինչպե՞ս է օճառը պաշտպանում մանրէներից
Տարբեր իրերի և մակերեսների հպվելիս՝ ձեռքերի վրա մնում են հազարավոր մանրէներ, որոնք կառչում են ճարպագեղձերում արտադրվող մաշկային ճարպից: Եթե ժամանակին չհեռացնել մաշկից, դրանք կարող են ներթափանցել օրգանիզմ, օրինակ՝ սննդի հետ:

Օճառի մոլեկուլները կարող են միաժամանակ վերցնել և՛ ջրի, և՛ մաշկային ճարպի մասնիկներ՝ դրանք միմյանց հետ կապելով: Հենց այդ պատճառով երբ օճառը փրփրացնում ենք մաշկի մակերեսին և լվանում, այն հեռացնում է մաշկային ճարպի մասնիկները՝ մանրէների և վիրուսների հետ միասին: Այդ կերպ՝ ձեռքերի սովորական լվացումը դառնում է հիվանդություններից պաշտպանվելու ամենից արդյունավետ միջոցներից մեկը:

Ինչպե՞ս ընտրել օճառ
Օճառն ինքնին չի սպանում մանրէները, դրա համար կարևոր է փաթեթի վրա փնտրել «հակամանրէային» նշումը: Որակյալ հիգիենայի համար հարմար է ցանկացած օճառ, որը քեզ դուր է գալիս գույնով և բույրով. գաղտնիքը ոչ թե հատուկ բաղադրիչների, այլ հենց արտադրանքի գործողության սկզբունքի մեջ է: Ավելի լավ է օգտագործել հատիկավոր օճառ, դրա մակերեսին մանրէները չեն ապրում:



Ինչպե՞ս ձեռքերը ճիշտ լվանալ

ԱՀԿ ուղեցույցը կազմված է 12 փուլից, պրոցեդուրայի տևողությունը՝ 40-60 վայրկյան: Նայրիր նկարներին և կրկնիր.

1. Ձեռթերդ թրջիր ջրով:

2. Բավարար քանակով օճառ տարածիր՝ ձեռքերիդ ողջ մակերեսը ծածկելու համար:

3. Մի ափով տրորիր մյուսը:

4. Աջ ափով տրորիր ձախ ձեռքի հակառակ կողմը՝ միահյուսելով մատները, և հակառակը:

5. Մի ափով տրորիր մյուսը՝ միահյուսելով մատները:

6. Մատներդ «ագուցիր», ծալված մատների հակառակ կողմերով տրորիր մյուս ձեռքի ափը:

7. Աջ ձեռքով բռնիր ձախ ձեռքի բութ մատը և շրջանաձև շարժումներով տրորիր այն, ապա փոխիր ձեռքդ:

8. Աջ ձեռքի կորացրած մատներով, առաջ ու ետ ուղղված շրջանաձև շարժումներով տրորիր ձախ ափդ, ապա փոխիր ձեռքդ:

9. Ձեռքերդ լվա ջրով:

10. Ձեռքերդ չորացրու մեկանգամյա օգտագործման թղթե անձեռոցիկով:

11. Հենց նույն անձեռոցիկով էլ փակիր ծորակը: Մերկ ձեռքերով մի հպվիր ծորակին:

12. Այժմ քո ձեռքերն անվտանգ եմ:

Ձեռքերդ լվա զգուգարան գնալուց, փողոցից վարադառնալուց հետո, սնունդ ընդունելուց և դեմքիդ հպվելուց առաջ, կենդանիների հետ կոնտակտից և տնից դուրս ցանկացած մակերեսի հպվելուց հետո: 

Ուրիշ ինչպե՞ս ապահովագրվել

1. Օգտագործի՛ր սպիրտային հիմքով հակասեպտիկներ, սակայն ծայրահեղ դեպքում, երբ հնարավոր չէ օճառով և մաքուր ջրով լվացվել:

2. Ձեռքերդ լվա ոչ միայն զուգարանից հետո, այլև առաջ. եթե կողտոտ ձեռքերով հպվես ինտիմ հատվածների լորձաթաղանթին, վիրուսը կհայտնվի օրգանիզմում:

3. Դեմքիդ հպվիր միայն ձեռքերդ լվանալուց հետո:

4. Ախտահանիր սմարթֆոնդ. խոսելու ընթացքում այն դեմքին շատ մոտ է գտնվում և կարող է դառնալ վիրուսը փոխանցող մակերես: Օգտագործիր սպիրտային հիմքով հակամանրէային անձեռոցիկներ:

5. Խուսափիր հանրային վայրերից և տնից դուրս արի միայն ծայրահեղ անհրաժեշտության դեպքում: Տրանսպորտում և հերթերում պահպանիր նվազագույնը 1 մետր հեռավորություն:

 

Ձեռքերի հաճախակի լվացումը վնասում է լիպիդային թաղանթը, որը մաշկը պաշտպանում է մանրէներից: Լվացվելուց հետո մի մոռացիր օգտագործել ձեռքերի քսուք՝ չորությունը և ճաքերի առաջացումը կանխելու համար:

Տեքստ